တာချီလိတ်တွင် တအိမ်တည်းနေ မိသားစု ၃ ဦး သေဆုံးမှုဖြစ်ပွား

တာချီလိတ်မြို့၊ ပုန်းထွန်ရပ်ကွက်အတွင်းရှိ တအိမ်တည်းနေ မိသားစု ၃ ဦးလုံး အောက်တိုဘာလ ၈ ရက်နေ့ ညပိုင်းက သေဆုံးမှုဖြစ်ပွားခဲ့ပါတယ်။

အောက်တိုဘာ ၈ ရက်နေ့ ညပိုင်းက ပုန်းထွန်ရပ်ကွက်၊ ပိတောက် ၉ လမ်းသွယ်မှာ မီးလောင်မှုဖြစ်ပွားတာကြောင့် မီးသတ်တပ်ဖွဲ့ဝင်တွေ၊ ရပ်ကွက်အုပ်ချုပ်ရေးမှူးတွေနဲ့ နယ်ထိန်းတပ်ဖွဲ့ဝင်တွေက မီးငြိမ်းသတ်ခဲ့ပါတယ်။

မီးငြိမ်းပြီး အိမ်အတွင်း ၀င်ရောက်ရှာဖွေရာ ကုတင်ပေါ်မှာ အမျိုးသားတဦးနဲ့ ကုတင်ခြေရင်းမှာ အမျိုးသမီးတဦး မီးလောင်သေဆုံးနေကြောင်း တွေ့ရတယ်လို့ တာချီလိတ်ရဲစခန်းက သိရပါတယ်။

ယောက္ခမဖြစ်သူ အသက် ၈၀ ကျော် အဘွားအိုဟာ လည်ပင်းဓားနဲ့ လှီးခံရပြီး ၄ လက်မခန့် ပြတ်ရှဒဏ်ရာရရှိထားတာကြောင့် ဆေးရုံကို ပို့ဆောင်စဉ် သေဆုံးသွားခဲ့တယ်လို့ ဆိုပါတယ်။

လူသတ်တရားခံကို ဖမ်းဆီးရမိဖို့  တာချီလိတ်မြို့နယ်ရဲစခန်းက သက်သေတွေကို ခေါ်ယူစစ်ဆေးနေတယ်လို့  တာချီလိတ်မြို့နယ် အုပ်ချုပ်ရေးမှူး ဦးဖြိုးဝင်းအောင်က ဒီဗွီဘီကို ပြောပါတယ် ။

“လူသတ်မှုဖြစ်ပွားရတဲ့ အကြောင်းရင်းကိုတော့ မသိရသေးပါဘူးခင်ဗျာ။ မိသားစုပြဿ     နာလို့ ကနဦး သံသယထားပါတယ်။ တရားခံကို ဖမ်းမိနိုင်ဖို့ ရဲစခန်းက လူတချို့ကို ခေါ်ယူ စစ်ဆေးနေတာတွေ ရှိပါတယ်။”

တာချီလိတ်မြို့မရဲစခန်းက (ပ)၂၁၂/၂၀၁၅၊ ပြစ်မှုပုဒ်မ ၃၀၂/၄၃၆ နဲ့ အမှုဖွင့်ဆောင်ရွက်နေပါတယ်။

သတင်းဓာတ်ပုံ – ကိုဇက်

DVB Burmese

http://burmese.dvb.no/

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.