ဘင်လာဒင်ကို သတ်ခဲ့တဲ့ Navy Seal တပ်သား ရဲ့ အိမ်လိပ်စာ ကိုပြပြီး ချက်ချင်းသတ်ဖို့ အစွန်းရောက်တစ်ယောက် တိုက်တွန်း

ဗြိတိန် က ISIS ထောက်ခံသူတစ်ယောက်ဟာ အိုစမာ ဘင်လာဒင်ကို သတ်ခဲ့တဲ့ အမေရိကန် Navy Seal တပ်သား ရဲ့ နာမည်နဲ့ လိပ်စာ ကို ဖော်ပြလိုက်ပြီး အမေရိက မှာ ရောက်နေတဲ့ ISIS အဖွဲ့ဝင် အစွန်းရောက်တွေကို ထိုတပ်သားအား သတ်ဖို့ ပြောလိုက်ပါတယ်။

Mirror Online သတင်းဌာနက Jihadi Chat ဆိုတဲ့ လူမှုကွန်ရက် Chat တစ်ခုကို ခြေရာခံစောင့်ကြည့်ခဲ့ရာမှာ လူပေါင်းများစွာက အယ်လ်ကေးဒါး ခေါင်းဆောင် အိုစမာဘင်လာဒင်ကို သတ်ခဲ့တယ်လို့ သတ်မှတ်နိုင်တဲ့ Robert O'Neill ဆိုသူ စစ်သား ကို ဘယ်လို ရှာဖွေရမယ်ဆိုတဲ့ ဖိုင်တစ်ခုအား ၀င်ရောက်ကြည့်ရှုနေကြတာကို သတိထားမိခဲ့ပါတယ်။

ဒီ သတင်းအချက်အလက်တွေကိုတော့ အမည်မသိရတဲ့ ဗြိတိသျှ အစွန်းရောက် တစ်ယောက်က ဝေမျှခဲ့တာဖြစ်ပြီး သူက O'Neill ကို နံပါတ် ၁ ပစ်မှတ်အဖြစ်သတ်မှတ်ထားပြီး ချက်ချင်း သတ်ကြဖို့ ကိုလည်း တိုက်တွန်းထားပါတယ်။

"ငါဟာအမေရိကမှာ ရောက်နေတဲ့ ညီအစ်ကိုတွေနဲ့ အယ်လ်ကေးဒါး အဖွဲ့ဝင်တွေအတွက် Robert O'Neill ရဲ့ သတင်းအချက်အလက်တွေကို ဝေမျှလိုက်ပါတယ်။ သူ့ကို နံပါတ်၁ ပစ်မှတ်ထားပြီး သတ်ကြပါ" လို့ ထို ဗြိတိသျှ အစွန်းရောက်ကရေးထားပါတယ်။ ဒါ့အပြင် Robert O'Neill ဟာ ဘင်လာဒင် ကို သတ်ခဲ့တဲ့အကြောင်းတွေကို အမေရိက နိုင်ငံ တစ်ဝှမ်းလုံးမှာ လှည့်ပတ်ပြီး ဟောပြောပွဲတွေ လုပ်နေတယ်လို့လည်း ထို အစွန်းရောက်က ဆိုထားပါသေးတယ်။

နောက်ပြီးတော့ O'Neill ရဲ့ အဖေ က International Business Times ဆိုတဲ့ သတင်းဌာန ကို သူတို့မိသားစုဟာ ISIS အဖွဲ့ကို မကြောက်ဘူးလို့ ပြောထားတဲ့ သတင်း ရဲ့ Link ကိုပါ ထို အစွန်းရောက်က Share ခဲ့တာပါ။

တစ်ကယ်တော့ O'Neill ဟာ အဲဒီလို မလုံခြုံမှုတွေကြောင့်ပဲ ဇနီးသည်နဲ့ ကွာရှင်းခဲ့ရတာပါ။ သူ့ရဲ့ ဇနီးဖြစ်သူက သူတို့ ကလေးတွေရဲ့ နာမည်ကိုပါ O'Neill နဲ့ မပတ်သက်အောင် ပြောင်းထားရပြီး အိမ် ၊ ကားစတဲ့ ပိုင်ဆိုင်မှု တွေကိုပါ အမည် ပြောင်းထားရတယ်လို့ သိရပါတယ်။

( Mario )
သစ်ထူးလွင်(ဗဟုသုတနှင့်ထူးဆန်းထွေလာ)
knowledge.thithtoolwin.com
Ref : Mirror

About Editor

This is a short description in the author block about the author. You edit it by entering text in the "Biographical Info" field in the user admin panel.