ရွေးကောက်ပွဲ လွတ်လပ်မျှတဖို့ အမေရိကန် ထပ်မံ တိုက်တွန်း

အမေရိကန်သမ္မတရဲ့ အမျိုးသားလုံခြုံရေး ဆိုင်ရာ ဒုတိယအကြံပေးပုဂ္ဂိုလ် Ben Rhodes ။

 မြန်မာနိုင်ငံမှာ တနင်္ဂနွေနေ့ကျရင် ရွေးကောက်ပွဲတွေ ကျင်းပပြီးတဲ့နောက် ဘယ်လို ဆက်လုပ်သွားရမယ်ဆိုတာကို ကမ္ဘာကြီး အနေနဲ့ ယုံကြည်ကိုးစားရလောက်တဲ့ အချက်အလက်တွေ ရလာမှာဖြစ်တယ်လို့ အမေရိကန်သမ္မတရဲ့ အမျိုးသားလုံခြုံရေး ဆိုင်ရာ ဒုတိယအကြံပေးပုဂ္ဂိုလ် Ben Rhodes ကပြောလိုက်ပါတယ်။ ဗုဒ္ဓဟူးနေ့က ဆွေးနွေးပွဲတခု အတွင်းမှာ မစ္စတာ Rhodes က အဲဒီလိုပြောသွားတာပါ။

ရွေးကောက်ပွဲတွေပြီးတဲ့နောက် အကျိုးကျေးဇူးခံစားရနိုင်ခြေ အလားအလာတွေ အများကြီးရှိနေပြီး အမေရိကန်က နှစ်ပေါင်း များစွာချမှတ်ထားတဲ့ ဒဏ်ခတ်အရေးယူမှုတွေထဲက ရုပ်သိမ်းဖို့ကျန်နေသေးတာတွေကို ရုပ်သိမ်းပစ်လိုက်နုိုင်ခြေ ရှိနေတာကိုလဲ မစ္စတာ Rhodes က အရိပ်အမြွက်ပြောသွားပါတယ်။

မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေထဲက တချို့ကို အမေရိကန်ပြည်ထောင်စုက ဖြေလျှော့ပေးထားပြီးဖြစ်ပေမယ့် ဆက်ပြီး အရေးယူထားတာတွေ ရှိသေးသလို SDN လို့ခေါ်တဲ့ လူပုဂ္ဂိုလ်တဦးချင်းစီကို ဒဏ်ခတ်အရေးယူတဲ့စာရင်းထဲမှာ ပါဝင်နေသူ အများအပြားလည်း ရှိနေတုန်းပါပဲ။

မြန်မာ့ရွေးကောက်ပွဲအပေါ် ဘယ်လိုအကဲဖြတ်မလဲဆိုတာနဲ့ပတ်သက်ပြီး မစ္စတာ Rhodes က လူထုအနေနဲ့ မဲပေးခွင့် ကျယ်ကျယ်ပြန့်ပြန့်ရရဲ့လား၊ မဲပေးခွင့် ငြင်းပယ်ခံရသလား ဆိုတာတွေကို မေးခွန်းထုတ် သွားပါတယ်။

နေရာဒေသတချို့မှာပဲ မဲဆန္ဒရှင်စာရင်းနဲ့ပတ်သက်ပြီး ကြီးမားတဲ့ပြဿနာတွေ ရှိနေပြီး တခြားနေရာတွေမှာ ပြဿနာရှိမနေဘူးဆိုရင်တော့ ဒါဟာ မေးခွန်းထုတ်စရာ စဖြစ်လာပြီလို့လည်း သူကပြောပါတယ်။ မစ္စတာ Rhodes ဟာ သိပ်မကြာသေးခင်ကမှ မြန်မာနိုင်ငံကို လာရောက်ခဲ့ပြီး အစိုးရအဖွဲ့ ထိပ်တန်းတာဝန်ရှိသူတွေနဲ့ရော ဒေါ်အောင်ဆန်းစုကြည်နဲ့ပါ တွေ့ဆုံခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.