“မွေးနေ့ မနက်ပိုင်းမှာ ဘုရားပဲသွားဖြစ်လိုက်တယ်။ ညီမလဲနေမကောင်းလို့ ယတြာတွေ ဘာတွေချေတယ်။ အလှူလဲလှူခဲ့တယ်။ နေမကောင်းတာကတော့ ညီမရှုတင်မှာ ဖိုက်တင်ပေးတဲ့ အခန်းက ဘတ္ထရီတုံးကြီး ခေါင်းပေါ်ပြုတ်ကျတာ နဲနဲပေါက်သွားတယ်။ အရမ်းကြီးတော့ မဟုတ်ဘူး။ ဒါပေမဲ့ ညီမ ဒီအလုပ်လုပ်လို့ဒီလိုဖြစ်တယ်လို့တော့မတွေးမိပါဘူး။ ညီမမွေးနေ့နားနီးတော့ ထိခိုက်ဒဏ်ရာရတယ်လို့ပဲသဘောထားပါတယ်။ ညီမတို့အနုပညာရှင်တွေဆိုတာ ကိုယ့်အန္တရယ်ကို ကိုယ်မသိကြပါဘူး။ ဇာတ်ကားကောင်းဖို့ကိုပဲ ဦးစားပေးကြတဲ့အတွက် အာရုံစိုက်ကြတဲ့အတွက် ကိုယ်ဖြစ်နေတဲ့ ဒဏ်ရာတွေကို သတိမထားမိပါဘူး။ ပရိသတ်ရဲ့အားပေးမှုကိုပဲ မျှော်လင့်တယ်။ မက်မောပါတယ်။ ခု ကိုဇေရဲထက်နဲ့ ၂ ကား ရိုက်ဖို့ရှိတယ်။”လို့ သူမက ပြောပါတယ်။
သင်္ကြန်နဲ့ ပတ်သက်ပြီးတော့လည်း သူမက “ညီမ သီချင်းမဆိုပေးဖြစ်ဘူးဆိုတော့ အိမ်မှာပဲ ရှိမှာပါ။ သင်္ကြန်ပြီးရင်လဲ ညီမ ကိုနေဒွေးနဲ့တစ်ကားရှိတယ်။ သင်္ကြန်ကတော့ ညီမ ပျော်ပါတယ်။ သူများတွေ ပျော်နေတာကို ကြည့်ပြီးတော့လဲ ညီမပျော်တယ်။ ကိုယ်ကိုတိုင်ကျတော့လဲ အရမ်းပျော်ရွှင်ခဲ့ရတာမျိုး ရှိတော့ မရှိခဲ့ဘူး။ ညီမမဏ္ဍပ်ထိုင်တာကိုတော့ ၀ါသနာပါတယ်။ ကားနဲ့လည်တာကျတော့ အသားလဲ မဲတယ်။ ပင်လဲပင်ပန်းတယ်။ ပြီးတော့ ခွက်စောင်းခုတ်တာ၊ မီးသတ်ပိုက်တွေနဲ့ထိုးတာကို မခံနိုင်တော့ မဏ္ဍပ်ပဲ ထိုင်ဖြစ်တာများတယ်။ ဒီနှစ်သူငယ်ချင်းတွေကတော့ ခေါ်ထားတယ်။ ဒါပေမဲ့ ညီမသွားချင်မှ သွားမှာပါ။ ခေါင်းကလဲထိထားတော့ အိမ်မှာပဲ နားဖြစ်ဖို့များပါတယ်။ နှစ်ဆန်း ၁ ရက်နေ့ကျရင်လဲ ကားရိုက်ပြန်ဝင်မှာ ဆိုတော့လေ။ နားဖြစ်ဖို့ပဲ များပါတယ်။ သင်္ကြန်တွင်းမှာ စတုဒီသာကျွေးတာမျိုးတော့ လုပ်ဖြစ်မယ်ထင်ပါတယ်”တဲ့။
Source:trend.com.mm
0 comments:
Post a Comment