ကိုးကန့်တိုင်းရင်းသား လက်နက်ကိုင်တပ်ဖွဲ့နဲ့ အစိုးရတပ်တွေအကြား တိုက်ပွဲတွေဆက်လက်ဖြစ် ပွားနေပါတယ်။ အခုနောက်ဆုံးဖြစ်ပွားတဲ့ တိုက်ပွဲတွေ ဟာ မတ်လ ၂၇ ရက်နေ့က စတင်ခဲ့တယ်လို့ မြန် မာနိုင်ငံ အမျိုးသားဒီမိုကရေစီ မဟာမိတ်တပ်ဖွဲ့ MNDAA ပြောရေးဆိုခွင့်ရှိသူ ဦးထွန်းမြတ်လင်း က RFA ကိုပြောပါတယ်။
"မနေ့တုံးကတော့ ဒီမနက် ၃ နာရီအထိဖြစ်တယ်၊ အဲဒီ့ကုန်းကြမ်းဒေသမှာပဲ ခုတ်ထန်ပတ်ဝန်းကျင်မှာ သူတို့က ၉ နာရီကနေစပြီးတော့ လူနည်းနည်းနဲ့ ထိုးတာပေါ့၊ မနက်တုံးကတော့ လက်နက်ကြီးနဲ့ ပစ်တယ်၊ ကြည်းတပ်နဲ့ တက်ထိုးတယ်၊ ဒါပေမဲ့ ည ၉ နာရီကျတော့ လေယာဉ်တော့မပါပါဘူး၊ တင့်ကားတွေ သံချပ်ကာကားတွေလည်း အားလုံးအသင့်ဖြစ်နေပြီလို့ကြားပါတယ်၊ ဒီ့ထက်အကြိမ်တိုးဖို့ပဲ ရှိပါတယ်"
နှစ်ဖက်ထိခိုက်ကျဆုံးတာတွေရှိပေမဲ့ အတိအကျမသိရသေးကြောင်း၊ အခုတိုက်ပွဲတွေမှာ အစိုးရဖက်က တပ်ဖွဲ့အင်အား အများအပြားနဲ့ ၁၀၅ မမ၊ ၁၂၂ မမ၊ စတဲ့ လက်နက်ကြီးတွေ၊ လေယာဉ်ပျံတွေကိုပါ အသုံးပြုနေကြောင်းလည်း ဦးထွန်းမြတ်လင်း က ပြောပါတယ်။
"ပြည်တွင်းစစ်လိုမဟုတ်တော့ပါဘူး၊ သူတို့တိုက်တဲ့ပုံစံက ပြည်ပကျူးကျော်စစ်လို အဲ့လိုပဲ ကျနော်မြင်ရပါတယ်ခင်ဗျ၊ ဆိုလိုတာက မြန်မာနိုင်ငံမှာရှိတဲ့ ကြေးတပ် ခြေလျင်၊ ခြေမြန်ပေါ့ဗျာ သူရဲ့ ၁၇ ရာခိုင်နှုန်း ၁၈ ရာခိုင်နှုန်းလောက်က ကျနော်တို့ အထူးဒေသ ၁ ထဲရောက်နေပြီ၊ ကျနော်တို့ရဲ့နယ်မြေက ၂၀၀၀ စတုရန်းကီလိုမီတာ ပတ်ဝန်းကျင်လောက်ပဲရှိပါတယ်။ ပြီးတော့ လက်နက်တွေကလည်း အသစ်အဆန်းတွေအများကြီးပဲ ကျနော်ကြားသလောက်တော့ လေယာဉ်လဲသုံးတာအများဆုံး၊ လက်နက်ကြီးအမြောက်တွေလည်း ပစ်တာအများဆုံးဖြစ်နေပြီ ပြည်တွင်းစစ်သမိုင်းတစ်လျှောက်လုံး ကြည့်လိုက်ရင်"
ကိုးကန့်တိုင်းရင်းသား လက်နက်ကိုင်အဖွဲ့ဟာ ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ UNFC အဖွဲ့ဝင် ဖြစ်ပါတယ်။ ၁၉၈၉ ခုနှစ်မှာ အစိုးရနဲ့ အပစ်ရပ်ခဲ့ရာကနေ ပြီးခဲ့တဲ့ ဖေဖေါ်ဝါရီလမှာ တိုက်ပွဲတွေပြန်လည်ဖြစ် ပွားခဲ့ပါတယ်။
RFA Burmese
http://www.rfa.org/burmese
0 comments:
Post a Comment