တောင်ကြီးမြို့၌ ကားအတွင်း လက်ပစ်ဗုံးပေါက်ရာမှ လူ(၄)ဦး ဒဏ်ရာရ

 ရှမ်းပြည်နယ် အစိုးရအဖွဲ့ရုံး စိုက်ရာဖြစ်သည့် တောင်ကြီးမြို့တွင် အောက်တိုဘာလ (၂၅)ရက်နေ့ ည(၈)နာရီ (၂၅)မိနစ်အချိန် ၀န်းကျင်က ကားအတွင်း လက်ပစ်ဗုံးပေါက်ကွဲမှု ဖြစ်ပွားရာမှ လူလေးဦး ထိခိုက်ဒဏ်ရာ ရရှိခဲ့ကြောင်း သိရသည်။

ဖြစ်စဉ်နှင့် ပတ်သက်၍ လမ်းမတော်ရပ်ကွက်၊ ဗိုလ်ချုပ်လမ်းနှင့် မြတ်လေးလမ်းဆုံ အနီး "အောင်အောင်"ကုန်မျိုးစုံ စတိုးဆိုင်ရှေ့တွင် ရပ်ထားသော ဦးမောင်မောင်လှ၏ TOYOTA IPSUM အမျိုးအစား အဖြူရောင် မော်တော်ကား၏ ဆီတိုင်ကီအောက်သို့ တရုတ်နိုင်ငံလုပ် (၉၁)လက်ပစ်ဗုံး ပစ်ပေါက်ခဲ့ပြီး မီးလောင်ကျွမ်းခဲ့ရာ အဆိုပါ ကား၏ ဘယ်ဘက်အခြမ်းနှင့် ထိုင်ခုံတို့မှာ မီးလောင်ကျွမ်းသွားခဲ့ကြောင်း သိရသည်။

ဗုံးပေါက်ကွဲမှုနှင့် စပ်လျဉ်း၍ အခင်းဖြစ်ပွားရာ နေရာသို့ ပြည်နယ် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး စိုးမိုးအောင်၊ အမှတ်(၉၀၃) စစ်မြေပြင်အင်ဂျင်နီယာတပ်မှ တပ်မှူး ဒုတိယဗိုလ်မှူးကြီး အုန်းမော်၊ ပြည်နယ်ရဲတပ်ဖွဲ့မှူး ရဲမှူးချုပ် အောင်အောင် နှင့် ပြည်နယ်မီးသတ်ဦးစီးဌာနမှူး ဒုတိယ ညွှန်ကြားရေးမှူး ဦးတင်မင်း အပြင် အရှေ့ပိုင်းတိုင်း စစ်ဌာနချုပ်မှ တာဝန်ရှိသူများ မှုခင်းတပ်ဖွဲ့မှူး လှဟန်တို့ ပါဝင်သည့် စုပေါင်းအဖွဲ့မှ ဗုံးပေါက်ပွဲမှု အခြေအနေများကို စစ်ဆေးပြီးနောက် အဆိုပါ ဗုံးအမျိုးအစားအား တရုတ်နိုင်ငံလုပ် (၉၁)လက်ပစ်ဗုံးဖြစ်ကြောင်း အတည်ပြုခဲ့သည်။

ထိုသို့ ဗုံးပေါက်ကွဲမှုကြောင့် "အောင်အောင်"ကုန်မျိုးစုံ စတိုးဆိုင်ရှင် ဦးမောင်မောင်လှ၏ မော်တော်ကား ဘေးတွင် ရပ်ထားသည့် SUZUKI SWIFT အမျိုးအစား အဖြူရောင်ယာဉ်၏ ၀ဲဘက်ဘေးတံခါးမှာ ပျက်စီးသွားပြီး၊ ၀ဲဘက်တွင် ရပ်ထားသော TOYOTA LIGHT TRUCK အမျိုးအစား ယာဉ်၏ ဘေးတံခါး အနည်းငယ် ပျက်စီးခဲ့ကြောင်း နှင့် အနီးရှိ မော်တော်ကားတစ်ချို့နှင့် မော်တော်ဆိုင်ကယ်တို့မှာလည်း အနည်းငယ် ထိခိုက်ပျက်စီးမှုရှိကြောင်း သိရသည်။

ကားဗုံးပေါက်ကွဲသည့် နေရာသို့ တောင်ကြီးမြို့နယ်မီးသတ်တပ်ဖွဲ့စခန်းမှ ဦးစီးအရာရှိ ဦးကျော်ကျော်ကို ဦးဆောင်သည့် မီးငြှိမ်းသတ်ယာဉ်(၃)စီး၊ ရေသယ်ယာဉ်(၁)စီး၊ လူနာတင်ယာဉ်(၁)စီး၊ သန္ဓေတပ်ဖွဲ့ဝင် (၂၀)ဦး၊ အရန်မီးသတ်(၃၀)ဦးတို့ဖြင့် သွားရောက် ငြှိမ်းသတ်ခဲ့ရကြောင်း သိရသည်။

ထိခိုက်ဒဏ်ရာ ရရှိမှုနှင့် ပတ်သက်၍ အမျိုးသားလေးဦးမှာ ထိခိုက်ဒဏ်ရာရရှိထားပြီး စဝ်စံထွန်း ဆေးရုံကြီး၏ အရေးပေါ်ဌာနသို့ ပို့ဆောင်ကုသ ထားရာ မစိုးရိမ်ရကြောင်း နှင့် ယင်း ဗုံးပေါက်ကွဲမှုအား တောင်ကြီးမြို့မ ရဲစခန်းတွင် (ပ)၂၈၄/၂၀၁၅၊ ပုဒ်မ ၂၈၆/၃၀၇ဖြင့် အမှုဖွင့်လှစ်ထားရကြောင်း သိရှိရသည်။

ဓါတ်ပုံ။  ။ နေလင်းသိုက်
သတင်း။  ။ ကိုဇောင်း
Tachileik News Agency
http://www.tachileik.net/2015/10/91boom.html

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.