နောက် စက္ကန့် ၆၀ မှာ သင် ဘာကြောင့် သေဆုံးသွားနိုင်တာလဲ

တရားသဘော ရှုထောင့်ကမဟုတ်ဘဲ လက်ရှိအချိန်ကနေ နောက် စက္ကန့် ၆၀ အတွင်း လူတစ်ယောက် သေဆုံးသွားနိုင်တဲ့ အခြေအနေအချို့ ရှိနေပါတယ်။

ကွေးသောလက် မဆန့်ခင်၊ ဆန့်သောလက် မကွေးခင် ဆိုတဲ့ မြန်မာစကားပုံတစ်ခု ရှိပါတယ်။ သေခြင်းတရားဆိုတာ အချိန်မရွေး ကြုံတွေ့နိုင်ဆိုတဲ့ တရားသဘော ဖြစ်ပါတယ်။ အမှန်ပါပဲ။ ကမ္ဘာကြီးမှာ နေထိုင်နေသူ အားလုံးဟာ အချိန်မရွေး သေဆုံးသွားနိုင်ပါတယ်။

တရားသဘော ရှုထောင့်ကမဟုတ်ဘဲ လက်ရှိအချိန်ကနေ နောက် စက္ကန့် ၆၀ အတွင်း လူတစ်ယောက် သေဆုံးသွားနိုင်တဲ့ အခြေအနေအချို့ကို အခုလို တွေ့ရပါတယ်။
ဂြိုဟ်ပေါက်ကွဲမှုများ

စကြဝဠာထဲမှာ ရှိနေတဲ့ နေကဲ့သို့သော ဂြိုဟ်တွေရဲ့ ပေါက်ကွဲမှုဖြစ်စဉ်ကနေ ထွက်ပေါ်လာတဲ့ အစိတ်အပိုင်းတစ်ခုက လူသားတွေနေထိုင်တဲ့ ကမ္ဘာကြီးကို သူ့ရဲ့ ဂြိုဟ်ပတ်လမ်းကြောင်းကနေ လွင့်ထွက်သွားနိုင်ပါတယ်။

အကယ်၍ စက္ကန့် ၆၀ တိုင်းမှာ အဲဒီလဂြိုဟ်ပေါင်း ၁,၈၀၀ မှာ ပေါက်ကွဲမှုဖြစ်စဉ် ဖြစ်လေ့ရှိတယ်ဆိုတာ သိရရင် ကမ္ဘာကြီးပေါ်မှာ နေထိုင်တဲ့ လူသားတွေ တုန်လှုပ်သွားပါလိမ့်မယ်။ လူသားတွေ နေထိုင်တဲ့ ကမ္ဘာကြီးဟာ ဂြိုဟ်ပေါက်ကွဲမှုကြောင့်လည်း အချိန်မရွေး လှုပ်ခါသွားနိုင်ပြီး အသက်ဘေးအန္တရာယ် ကြုံရနိုင်ပါသတဲ့။

မိုးကြိုးပစ်ခြင်း

မိုးကြိုးပစ်တာကို လူတိုင်း သိကြပါလိမ့်မယ်။ ကမ္ဘာတစ်ဝန်းမှာ လူတွေ၊ တိရိစ္ဆာန်တွေ အများအပြားဟာ မိုးကြိုးပစ်ခံရပြီး သေဆုံးလေ့ရှိပါတယ်။


တစ်ကယ်တော့ မိုးကြိုးပစ်ခြင်းက လူအများစု သိထားတာထက် ပိုကြောက်စရာ ကောင်းလှပါတယ်။ ဘာကြောင့်လည်းဆိုတော့ စက္ကန့် ၆၀ တိုင်းမှာ အကြိမ်ပေါင်း ၃၆၀ အထိ မိုးကြိုးပစ်လေ့ရှိလို့ပါပဲ။

ငလျင်လှုပ်ခြင်း

ငလျင်လှုပ်ခြင်းက အဆိုးဆုံး သဘာဝ ဘေးအန္တရာယ်တစ်ခု ဖြစ်ပါတယ်။ ငလျင်ကြောင့် လူ့အသက်ပေါင်းများစွာ ဆုံးရှုံးရသလို အိုးမဲ့အိမ်မဲ့ ဖြစ်မှုတွေနဲ့အတူ လူမှုဘဝတွေလည်း ပျက်စီးရလေ့ရှိပါတယ်။

ငလျင်လှုပ်ခတ်မှု ကြီးကြီးမားမားတွေ ဖြစ်ပေါ်တဲ့အခါ ဒီ သဘာဝဘေးအန္တရာယ်ကို လူသားတွေက ကြောက်ရွံ့ထိတ်လန့်လေ့ရှိပါတယ်။ တစ်ကယ်တမ်းမှာတော့ ကမ္ဘာကြီးဟာ စက္ကန့် ၆၀ တိုင်းမှာ ၅ ကြိမ် လှုပ်ခါနေပါသတဲ့။

သေဆုံးမှုနှုန်း

လူတွေဟာ မတော်တဆဖြစ်မှု၊ တိုက်ခိုက်ခံရမှု၊ သဘာဝဘေးဒဏ် စတဲ့ အကြောင်းတွေကြောင့် နေ့စဉ် သေဆုံးနေကြပါတယ်။
ဒါပေမယ့် စက္ကန့် ၆၀ တိုင်းမှာ လူ ၁၀၇ ဦး သေဆုံးနေတာ ဖြစ်တဲ့အတွက် နောက် စက္ကန့် ၆၀ ဆိုရင် သင် အသက်ရှိနေအုံးမလား မပြောနိုင်ပါဘူး။

ဆဲလ် သေဆုံးမှု

လူတွေရဲ့ ခန္ဓာကိုယ်မှာ ဆဲလ်ပေါင်း မြောက်မြားစွာ ရှိနေပါတယ်။ အဲဒီ ဆဲလ်တွေဟာလည်း စက္ကန့် ၆၀ တိုင်းမှာ သေဆုံးသွားလေ့ရှိပါတယ်။ လူတစ်ယောက်ရဲ့ ခန္ဓာကိုယ်မှာရှိတဲ့ ဆဲလ်အရေအတွက် သန်း ၃၀၀ ဟာ စက္ကန့် ၆၀ တိုင်းမှာ သေဆုံးသွားတယ်လို့ ဆိုပါတယ်။

သို့သော်လည်း ဆဲလ်တွေ အဲဒီလောက်ပမာဏ သေဆုံးသွားလို့ လူတစ်ဦး သေဆုံးသွားတာမျိုးတော့လည်း မဟုတ်ပါဘူး။ ဘာကြောင့်လဲဆိုတော့ လူတစ်ဦးရဲ့ ခန္ဓာကိုယ်မှာ ဆဲလ် အရေအတွက်ပေါင်း ၅၀ ကနေ ၁၀၀ ထရီလီယံအထိ ရှိနေတာကြောင့် ဖြစ်ပါတယ်။ လူ့ခန္ဓာကိုယ်မှာရှိတဲ့ ဆဲလ်တွေ နေ့စဉ်နဲ့အမျှ သေဆုံးတာကြောင့် လူတွေဟာ အသက်ကြီးလာပြီး အိုမင်းရင့်ရော်လာကြတာပါ။

Source & Photo: Reason
Credit: duwun

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.