အင်ဒိုကျွန်းတွေပေါ်က နိုင်ငံခြားသား အလုပ်သမားတွေ နေရပ်ပြန်ပို့မည်

အင်ဒိုကျွန်းပေါ်က ကျေးကျွန်သဖွယ် ပိတ်လှောင်ပြီး အတင်းအဓမ္မ ခိုင်းစေခံနေရတဲ့ ငါးဖမ်းလုပ်သမားတွေ။

အင်ဒိုနီးရှားနဲ့ ထိုင်းငါးဖမ်းလုပ်ငန်းတွေမှာ မြန်မာအများစုပါတဲ့ နိုင်ငံခြားသား အလုပ်သမားတွေကို ကျေးကျွန်တွေလို ပြုမှု ခိုင်းစေတာတွေ ရှိနေတဲ့ အကြောင်း အေပီ သတင်းဌာနက ပြီးခဲ့တဲ့ သီတင်းပတ်က စုံစမ်း ဖော်ထုတ် ခဲ့ပြီးတဲ့နောက် အင်ဒိုနီးရှားနိုင်ငံက လူသူ အရောက်အပေါက် နည်းတဲ့ ကျွန်းငယ် တခုပေါ်မှာ ရှိနေတဲ့ နိုင်ငံခြားသား ငါးဖမ်း အလုပ်သမားတွေကို နေရပ်ပြန်ပို့နိုင်ဖို့ အင်ဒိုနီးရှားအစိုးရက ဒီကနေ့ သောကြာနေ့မှာ စတင် လုပ်ဆောင်ပါတယ်။

အင်ဒိုနီးရှား အဏ္ဏ၀ါနဲ့ ရေထွက်ပစ္စည်းလုပ်ငန်း စောင့်ကြည့်စစ်ဆေးမှုအဖွဲ့ရဲ့ ညွှန်ကြားရေးမှူးချုပ်က မြန်မာနိုင်ငံက အလုပ်သမား အယောက် ၂၀ ကို ခေါ်ပြီး သူတို့လုံခြုံရေးအတွက် ဘန်ဂျီနာ ရွာကနေ အနီးအနားက Tual ကျွန်းကို ပြောင်းရွှေ့ပေးမယ့် အကြောင်း အစောပိုင်း ပြောဆိုခဲ့ပါတယ်။ဒါပေမဲ့ သူတို့တွေ ကျွန်းကနေ ထွက်ခွာတော့မယ် ဆိုတဲ့ သတင်းတွေ ပျံ့နှံ့ခဲ့တာကြောင့် တခြား မြန်မာနဲ့ ကမ္ဘောဒီးယား အပါအ၀င် ဒါဇင်နဲ့ချီ ကျန် ငါးဖမ်းသမားတွေကလည်း တပါတည်း လွတ်မြောက်ဖို့ ကြိုးစားခဲ့ကြတာပါ။

ဒီ ငါးဖမ်းအလုပ်သမားတွေကိုအင်ဒိုနီးရှား ကိုယ်စားလှယ် အဖွဲ့က မေးမြန်းခဲ့ တာမှာ အေပီ သတင်းမှာ ဖော်ထုတ်ခဲ့သလိုပဲ သူတိုဟာ အလုပ်ရှင်တွေရဲ့ ညှင်းပမ်း နှိပ်စက်တာ၊ ကျွန်ပြုခိုင်းစေတာတွေ ခံရတဲ့ အကြောင်း ပြောခဲ့ကြပါတယ်။နိုင်ငံခြားသား ငါးဖမ်းအလုပ်သမားတွေရှိရာ ဘန်ဂျီနာရွာမှာ အင်ဒိုနီးရှား ရေတပ်က ၀န်ထမ်း ၂ ယောက်သာ တာဝန်ချထားတာကြောင့် ဘန်ဂျီနာရွာဟာ လုံခြုံရေးအတွက် စိတ်မချရဘူးလို့ အင်ဒိုနီးရှား ကိုယ်စားလှယ်အဖွဲ့ ပြောပါတယ်။

အခုတော့ ဒီငါးဖမ်းသမားတွေကို အနီးအနားက Tual ကျွန်းကို ရွှေ့ပြောင်းထားပြီး အဲဒီကျွန်းပေါ်က အင်ဒိုနီးရှား ငါးလုပ်ငန်း ၀န်ကြီးဌာန ၀န်းထဲမှာ နေရာ ချထားပါတယ်။ အဲဒီမှာ သူတို့ ဘယ်သူဘယ်ဝါဖြစ်တယ်ဆိုတာကို စစ်ဆေးမှုတွေ လုပ်သွားမှာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.