လှိုင်မြို့နယ်အမှတ်(၃)အခြေခံပညာအထက်တန်းကျောင်းတွင် နဝမတန်းကျောင်းသူ ၁၄ ဦးကို ပရ လောကသားများဝင်ရောက်ပူးကပ်ပြီး နေစရာတောင်းခံမှုဖြစ်ပွားခဲ့ကြောင်း သိရသည်။
ယင်းကဲ့သို့ဖြစ်ပွားရခြင်းမှာ အမှတ် (၃) အထက်တန်းကျောင်း၏ နောက်ကျောဘက်ရှိ ကျောင်းဆောင် အဟောင်းကို ဖျက်သိမ်းပြီး အသစ်ပြန်လည်ဆောက်လုပ်လျက်ရှိရာ အဆိုပါကျောင်းဆောင်ဟောင်း တွင်ယခင်နေထိုင်ခဲ့သော ပရလောကသားများသည် နေထိုင်စရာမရှိသဖြင့် ကျောင်းသူများကို ဝင် ရောက်ပူးကပ်ပြီး နေရာထိုင်ခင်းနှင့် အစားအသောက်များကို တောင်ခံခဲ့ခြင်းဖြစ်ကြောင်း အဆိုပါ ကျောင်းနှင့် ကျောင်းသားမိဘအချို့ထံမှ သိရသည်။
“ဆရာမတို့ကျောင်းအနောက်က ကျောင်းဆောင်အဟောင်းက ပြန်ဆောက်ဖို့အတွက် အထက်ကိုစာ တင်ပြီး တောင်းထားခဲ့တယ်။ ဌာနကခွင့်ပြုတော့ ဆရာမတို့ကလဲ ပြန်ပြင်ပြီးတော့ ဆောက်တာပေါ့။ အဲဒီကျောင်းဆောင်မှာနေတဲ့ ပရလောကသားတွေက နေစရာမရှိလို့ ကျောင်းသူတွေကိုလာပူးပြီး နေစ ရာတောင်းတာဖြစ်မှာပါ။ ကျန်တာတော့ ဘာမှမဖြစ်ပါဘူး” ဟု အမှတ်(၃)အခြေခံပညာ အထက်တန်း ကျောင်းမှဆရာမတစ်ဦးက ပြောသည်။
ဖြစ်စဉ်မှာ ယခုလ ၁၆ ရက် နံနက် ၁၀ နာရီခန့်မှ စတင်ဖြစ်ပွားခဲ့ခြင်းဖြစ်ပြီး ပထမဆုံးသောပရလော ကသားတစ်ဦးသည် ကျောင်းသူတစ်ဦးကို ဝင်ရောက်ပူးကပ်ပြီးနောက် ပရလောကသား နောက်ထပ် သုံးဦးသည် ကျောင်းသူနောက်ထပ်သုံးဦးအား ထပ်မံဝင်ရောက်ပူးကပ်ခဲ့ကြောင်း၊ ယင်းအတွက် ဘုန်း ကြီးတစ်ပါးအား ပင့်ဆောင်ပြီးပူးကပ်ခြင်းများအား ဖယ်ရှားသော်လည်း မရခဲ့ကြောင်းသိရသည်။
“ဦးသမီးကိုယ်တိုင် အပူးခံခဲ့ရတာပါ။ ဦးကရွှေရင်ကျော်ထိုးထားတော့ ရမလားဆိုပြီးသွားပြီးတော့ ကလေးတွေကို လုပ်ပေးတယ်။ ဒါပေမဲ့ကလေးတစ်ဦးဆီကို ထပ်ပြီးသွားပူးတယ်။ ဦးသမီးက ဦးကိုလုံး ဝမမှတ်မိဘူး။ မျက်လုံးကလဲ ပြူးကြည့်နေတယ်။ ဆံပင်တွေကလဲ ဖွာလန်ကျဲနေတယ်။ အဲဒါနဲ့ဘုန်း ကြီးပင့်မှရမယ်ဆိုပြီး ဆရာတော်တစ်ပါးကို သွားပင့်တယ်။ အဲဒီဆရာတော်နဲ့မရတော့ ဆရာကြီးတစ်ပါး ကိုသွားပင့်တော့မှ ဘာလို့ပူးရတယ်ဆိုတဲ့ အကြောင်းကိုသိခဲ့ရတယ်” ဟု ဝင်ရောက်ပူးကပ်ခံခဲ့ရသော ကျောင်းသူတစ်ဦး၏ ဖခင်ဖြစ်သူက ပြောသည်။
ယင်းကဲ့သို့ဝင်ရောက်ပူးကပ်သော ပရလောကသားဆိုသူများမှာ လွန်ခဲ့သော အနှစ်နှစ်ဆယ်ခန့်က ယင်းကျောင်းတွင် တက်ရောက်နေသော ကျောင်းသူလေးဦးဖြစ်ပြီး ယင်းတို့သည် အင်းလျားကန်တွင် ရေနစ်သေဆုံးခဲ့ကြပြီး ကျောင်းတွင်မကျွတ်မလွတ်ဘဝဖြင့် နေထိုင်နေကြသူများဖြစ်ကြောင်း ပူးကပ် နေစဉ်ဆရာတော်ကြီးအား ပြောပြခဲ့သည်။
ဝင်ရောက်ပူးကပ်ခံခဲ့ရသော ကျောင်းသူတစ်ဦး၏ ဖခင်ဖြစ်သူက “ဦးကဖြစ်ကတည်းက အစအဆုံး အဲဒီနေရာမှာရှိနေတာ။ ဆရာတော်ကြီးရောက်လာတော့ ပရလောကသားတွေက သူတို့နေစရာမရှိတဲ့ အတွက် နေစရာတောင်းတာ၊ စားစရာလဲပေးရမယ်ဆိုပြီးပြောတယ်။ ဒါပေမဲ့ ဆရာတော်ကြီးက စားစ ရာကတော့ ကိုယ့်ဟာကိုယ်ရှာစားကြ နေစရာကိုတော့ ကျောင်းထဲမှာရှိတဲ့ အပင်တစ်ပင်မှာ စီစဉ်ပေး တယ်။ ဒါပေမဲ့သူတို့က အဲဒီ့အပင်မှာ တခြားပရလောကသားတွေရှိတယ်။ မရဘူးဆိုပြီးပြောတော့ ဆရာတော်ကြီးက နောက်အပင်တစ်ပင်မှာ တောင်းပန်ပြီးတော့ သူတို့ကိုနေရာစီစဉ်ပေးလိုက်တယ်။ အဲဒီ့နောက် သူတို့ပြန်ထွက်သွားကြတာပါပဲ” ဟု ပြောပြသည်။
“ကျွန်တော်က ဒီကျောင်းမှာ သရဲပူးတာဖြစ်နေတဲ့အတွက် မိဘတွေဝရုန်းသုန်းကားမဖြစ်အောင်လို့ ကျောင်းမှာလာနေပေးတာပါ” ဟု အဆိုပါကျောင်းတွင်လုံခြုံရေးယူခဲ့သော ရဲတပ်ဖွဲ့ဝင်တစ်ဦးက ပြော သည်။
ယင်းကဲ့သို့ ဖြစ်ပွားခြင်းအား ရပ်ကွက်အတွင်းရှိ ကျောင်းသား၊ ကျောင်းသူဟောင်းများက ယင်းတို့၏ သားသမီးများထပ်မံနှောင့်ယှက်ခြင်း မခံရစေရန်အတွက် ၂၄ နာရီပဋ္ဌာန်းရွတ်ဖတ်ခြင်းများကို ပြုလုပ် မည်ဖြစ်ကြောင်း သိရသည်။
ဝင်ရောက်ပူးကပ်ခြင်းများဖြစ်ပွားသည်မှာ နံနက် ၁၀ နာရီဝန်းကျင်မှ ၁၂ နာရီကျော်အထိ ကျောင်းသူ တစ်ဦးပြီးတစ်ဦး ကူးပြောင်းပူးကပ်ခြင်းများဖြစ်ခဲ့ပြီး ကျောင်းသူ ၁၄ ဦးအထိ ဝင်ရောက်ပူးကပ်မှုခံခဲ့ရ ခြင်းဖြစ်ကြောင်း၊ မွန်းလွဲ ၁ နာရီခန့်မှစတင်ပြီး ကျောင်းသူလေးဦးတွင်သာ ပူးကပ်နေခဲ့ကြောင်း အဆို ပါကျောင်းသူများကို ပူးကပ်နေသည့်အချိန်သည် ၁ နာရီကျော်ခန့်ကြာမြင့်ခဲ့ကြောင်း သိရသည်။
ရပ်ကွက်နေပြည်သူတစ်ဦးက “ဒီကျောင်းက ကျွန်တော်တို့ ငယ်ငယ်ကတည်းက ဖွင့်လာခဲ့တဲ့ကျောင်း ပါ။ တစ်ခါမှဒီလိုမဖြစ်ဖူးပါဘူး။ ဒါပထမဆုံးဖြစ်တာပါပဲ။ ဒီကိစ္စမဖြစ်ခင်က ကျောင်းအိမ်သာမှာကလေး တွေက လက်ကြီးတစ်ခုတွေ့တယ်ဆိုပြီး ပြောတယ်။ သတိပေးတဲ့သဘောထင်ပါတယ်။ ဆရာမတွေ က ကလေးတွေပေါက်ကရပြောတယ်ထင်တာပေါ့။ အခုကျောင်းကအပင်တစ်ပင်မှာ သူတို့ကိုနေစရာ ပေးထားပြီးတော့ ဒီနေ့အတွက် စားစရာကိုလဲပြင်ပေးထားရတယ်။ နောက်နေ့တွေဘယ်လိုလာမလဲ တော့မသိဘူး။ မိဘတွေကတော့ တော်တော်စိုးရိမ်နေကြမှာပါ” ဟု ပြောသည်။
Democracy Today Daily
စက်တင်ဘာလ (၁၇) ရက်၊ ၂၀၁၅ ခုနှစ်
0 comments:
Post a Comment