ငွေတောင်ဆည် ရေလွှတ်မြောင်းထဲ ဆိုင်ကယ် ပြုတ်ကျ ယဉ်မောင်သူသေဆုံး

တိမ်းမှောက်သွားသည့်ဆိုင်ကယ်အား ဒီးမော့ဆိုမြို့နယ် ရဲစခန်းတွင် မြင်တွေ့ရစဉ်။

 နိုဝင်ဘာလ (၂)ရက်နေ့ ည(၉)နာရီခွဲခန့်တွင် ဒီးမော့ဆိုမြို့နယ် ၊ငွေတောင်ကျေးရွာ အုပ်စု၊ လွိုင်ကော်-ဒီးမော့ဆို ကားလမ်း ရှိ ငွေတောင်ဆည် ရေလွှတ်ပေါက် မြောင်းထဲသို့ ဆိုင်ကယ်တစ်စီးပြုတ်ကျသွားရာ လူတစ်ဦးသေဆုံးသွားကြောင်းသိရသည်။

ဒီးမော့ဆို-လွိုင်ကော် ကားလမ်းဘေးရှိ မိုင်တိုင်အမှတ် (၁၂၀/၇)နှင့်(၁၂၀/၈)အကြားတွင် လူသူများမသိဘဲ ဆိုင်ကယ်တစ်စီး ငွေတောင်ဆည်ဘောင်အောက် ရေလွှတ်ပေါက်မြောင်းထဲသို့ ထိုးကျတိမ်းမှောက်ခဲ့ခြင်းဖြစ်ကြောင်း သိရသည်။

ဒေသခံများ၏ သတင်းများအရ ဒီးမော့ဆိုမြို့မရဲစခန်းမှ တာဝန်ရှိသူများက သက်သေများဖြင့် သွားရောက် စစ်ဆေးခဲ့ရာတွင် သေဆုံးသူမှာ အသက်(၂၇)နှစ်ခန့် (အမည်စုံစမ်းဆဲ)အမျိုးသားတစ်ဦးဖြစ်ပြီး ဆိုင်ကယ်နှင့် အတူလူပါ ရေလွှတ်မြောင်းထဲသို့ ပြုတ်ကျခဲ့တာဖြစ်ပြီးစစ်ဆေးချက်အရ သေဆုံးသူတွင်လတ်တလော ပြင်ပဒဏ်ရာမတွေ့ရှိဘဲ ရေနစ်၍သေဆုံးနေကြောင်း သိရသည်။

လက်ရှိတွင်သေဆုံးသူ အလောင်းအား ရဲဆေးစာဖြင့် ဒီးမော့ဆိုပြည်သူ့ဆေးရုံသို့ ပို့ဆောင်ထားပြီး ဒီးမော့ဆိုမြို့မ ရဲစခန်းမှ ယဉ်(ပ)၈/၂၀၁၅၊ ပစ်မှုပုဒ်မ -၃၀၄-က ဖြင့်အမှုဖွင့်ပြီး ဒုရဲအုပ်မောင်မောင်စိုးမှ စစ်ဆေးလျှက်ရှိကြောင်းသိရသည်။

လွန်ခဲ့သည့် နှစ်လတွင်လည်း ငွေတောင်ဆည် တာဘောင်လမ်းတည်ဆောက်ထားသည့် လမ်းအသစ်တွင် ဆိုင်ကယ်ချင်းမျက်နှာချင်းဆိုင်တိုက်မိရာမှ ဆိုလျားကူးကျေးရွာသားတစ်ဦးနှင့် လွိုင်ကော်ဘက်မှ ဈေးသည်တစ်ဦး သေဆုံးသွားရသည့် အမှုဖြစ်ပွားခဲ့သည်။

ဆန်းဖြိုးထွန်း
Kantarawaddy Times
https://www.facebook.com/kantarawaddytimes

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.