 |
| ရာဇာထွန်း အမြန်ရေယာဉ် တိမ်းမှောက်မှုမှာ အသက်မသေဘဲ ပြန်လည်လွတ်မြောက်လာသူများကို နိုဝင်ဘာလ ၁ ရက်နေ့က တွေ့ရစဉ်။ ဓါတ်ပုံ - ငယ်ထွေ/RFA |
ရေနစ်မြုပ်မှုကြောင့် သေဆုံးသူတစ်ဦးကို ထောက်ပံ့ကြေး ၁ သိန်းခွဲနဲ့ အသက်မသေတဲ့သူတွေကိုတော့ ကျပ် ၃ သောင်းစီ ထောက်ပံ့ပေးနေတယ်လို့ စစ်ကိုင်းတိုင်းဒေသကြီး အစိုးရအဖွဲ့ အတွင်းရေးမှူး ဦးစိုးစိုးဇော် က ပြောပါတယ်။
"ဒီနေ့ ၇ လောင်းတွေ့တယ်၊ ၄ ယောက်ပျောက်နေပါတယ်၊ သေဆုံးသူတွေကိုတော့ ၁ သိန်းခွဲပေါ့နော်၊ အသက်မသေတဲ့သူတွေကိုတော့ ၃ သောင်းနဲ့ အဝတ်အစားတွေ အစားအသောက်တွေ ထောက်ပံ့ပါတယ်၊ ကျန်တဲ့လူတွေကိုလည်း ဆက်ပြီးရှာဖွေဆဲဖြစ်ပါတယ်"
မုံရွာမြို့ကနေ ဟုမ္မလင်းမြို့ကို ပြေးဆွဲနေတဲ့ ရာဇာထွန်းရေယာဉ်ဟာ မနေ့ မနက်ပိုင်းက တိမ်းမှောက်ခဲ့တာပါ။ အဲဒီရေယာဉ်ပေါ်မှာ ခရီးသည် ၆၅ ဦးပါရှိခဲ့ပါတယ်။ လက်ရှိအချိန်အထိ ၅၄ ဦးကို ကယ်ဆယ်နိုင်ခဲ့ပြီး ၄ဦးက ပျောက်ဆုံးနေဆဲလို့ သိရပါတယ်။ အမျိုးသမီး ၇ ဦးရဲ့ အလောင်းကို ရှာဖွေတွေ့ရှိထားပါတယ်။ ထိခိုက်ဒဏ်ရာရရှိသူ ၄ ဦးဟာလည်း ကလေးဝမြို့နယ် ကုတင် ၁ဝဝ ဆေးရုံမှာ ဆေးကုသနေပါတယ်။
ကယ်ဆယ်ရေးလုပ်ငန်းတွေကို စစ်ကိုင်းတိုင်းဝန်ကြီးချုပ်ကိုယ်တိုင် ဦးဆောင်ပြီး တပ်မတော်က တာဝန်ရှိ သူတွေ၊ ရဲတပ်ဖွဲ့တွေ၊ မီးသတ်တပ်ဖွဲ့တွေနဲ့ အရပ်ဘက်အဖွဲ့အစည်းတွေက ကူညီလုပ်ဆောင်နေကြတယ်လို့ သိရပါတယ်။
RFA Burmese
http://www.rfa.org/burmese
0 comments:
Post a Comment