လမ်းပေါ်ပွဲစားများမှတဆင့် အီလက်ထရွန်နစ်ပစ္စည်းအတုရောင်းချမှုများ တွင်ကျယ်စွာရှိနေ၍ သတိပေးချက် ထုတ်ပြန်ထား

ရန်ကုန်မြို့တွင် အီလက်ထရွန်နစ်ပစ္စည်းများ အတုထုတ်လုပ်၍ ပွဲစားများဖြင့် ရောင်းချနေမှု အများအပြားရှိနေသောကြောင့် အမှန်တကယ် ရောင်းချသည့် Showroom များမှ သတိပေးချက်များ ထုတ်ပြန် ထားရသည့်အခြေအနေထိရောက်ရှိနေကြောင်း SAMSUNG အရောင်းဆိုင်မှ တာဝန်ရှိသူတဦးက News Watch သို့ ပြောသည်။

ယင်းကြေညာချက်၌ ''ဆိုင်အချို့သည် တရုတ်နယ်စပ်မှလာသော TV, VCD နှင့် DVD များအား SAMSUNG တံဆိပ်အသုံးပြု၍ လိမ်လည်ရောင်းချနေသဖြင့် လမ်းပေါ်ပွဲစားများ၏ လိမ်လည်ပြောဆိုခြင်းများကို သတိ ထားရန်နှင့် ပစ္စည်းအစစ်အမှန်များကို Showroom များတွင် စုံစမ်းမေးမြန်းနိုင်သည်''ဟု သတိပေးစာများ ဖြန့်ဝေထားသည်ဟု ဆိုသည်။

လက်ရှိအနေအထားတွင် အမှတ်တံဆိပ်တူ မော်ဒယ်နံပါတ်တူသည့် ပစ္စည်းအမျိုးအစားတခုတည်းပင်လျှင် ဆိုင်သုံးဆိုင်ခန့်သို့ ဈေးနှုန်းဝင်ရောက်မေးမြန်းပါက ကျပ်နှစ်သောင်းမှ ငါးသောင်းခန့်ထိ ကွာခြားတတ်ပြီး ပစ္စည်းမှန်ကန်မှုအတွက် အသုံးပြုသူများက ရွေးချယ်ရန် အခက်အခဲလည်း ရှိနေကြသည်။

အီလက်ထရွန်နစ်ပစ္စည်းများ ရောင်းချသည့် ဝေယံဆိုင်တာဝန်ခံက ''ဟိုနေ့က ဦးပဉ္စင်းတပါး T-Home အဲကွန်းလာဝယ်တယ်။ ဈေးနှုန်းတွေဘာတွေမေးပြီး ပြန်သွားတယ်။ ပြီးတော့ ပြန်လာပြီး အဲဒီ T-Home တံဆိပ်နဲ့အပြင်မှာ ဈေးသက်သာတယ်ဆိုပြီး ပြန်လာပြတယ်။ သူပြတဲ့ တံဆိပ်ပြီးပြလိုက်တော့အောက်ခံက တရုတ်လုပ်တဲ့တံဆိပ်ကြီး သူမြင်သွားတယ်။ အဓိကပြောချင်တာက ပွဲစားတွေက ဘယ်ဆိုင်မှာ ကောင်းတယ်၊ အဲဒီတံဆိပ်က ဈေးဘယ်လောက်ပဲရှိတာဆိုပြီး ရိုက်စားလုပ်တာ''ဟု ပြောသည်။

အီလက်ထရောနစ်ပစ္စည်းများတွင် မည်သည့် နာမည်ကြီးတံဆိပ်မဆို အတုလုပ်၍ ရောင်းချနေ၍ မသိနားမလည်သည့် ၀ယ်ယူအသုံးပြုသူများမှာ နေ့စဉ်အလိမ်အညာမိနေကြောင်း ဈေးကွက်အတွင်းမှ သိရသည်။

ကိုခက်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.