တစ်သောင်းတန်ငွေတုဖော်ထုတ်ရာမှ သေနတ်တစ်လက်ပါသိမ်းဆည်းရမိ

ဘားအံ ဖေဖော်ဝါရီ ၂၂

ကရင်ပြည်နယ် ဘားအံမြို့နယ် နောင်လုံအနောက်ကျေးရွာမှ တာဝန် သိပြည်သူတစ်ဦးက တစ်သောင်းတန် ငွေစက္ကူအတုဟု သံသယရှိသဖြင့် သက်ဆိုင်ရာ အိန္ဒုနယ်မြေရဲစခန်းသို့ ဖေဖော်ဝါရီ ၂ဝရက် နံနက် ၁ဝ နာရီ ခန့်က အကြောင်းကြားရာမှ ကျပ်တစ် သောင်းတန် ငွေစက္ကူအတုအရွက် ၂ဝ အား အသုံးပြုခဲ့သူများ အပါအဝင် ပစ္စတိုသေနတ်တစ်လက်ပါ ဖော်ထုတ် သိမ်းဆည်းနိုင်ခဲ့ကြောင်း သိရသည်။

ဖြစ်စဉ်မှာ ဘားအံမြို့နယ် နောင်လုံ အနောက်ကျေးရွာတွင် နေထိုင်သူ နန်းညွန့်သိန်းသည် ဘားအံမြို့နယ် အိန္ဒုစံပြကျေးရွာ အောင်မင်္ဂလာ ရပ်ကွက်တွင် နေထိုင်သည့် အောင်မျိုးထံမှ အကြွေးရရန်ရှိသည့်ငွေကျပ်လေးသိန်းအား ဘားအံ မြို့နယ် ကျော့ရွာအုပ်စု ကုလားစု ကျေးရွာနေ စနေမောင်မောင်(ခ) ဆေးခဲဆိုသူက အကြွေးလာဆပ်ရာ တွင် အဆိုပါ ငွေလေးသိန်းအနက် ကျပ်တစ်သောင်းတန် ငွေစက္ကူ အရွက်၂ဝ မှာ အတုများဖြစ်နိုင်သည် ဟုသံသယရှိ၍ အိန္ဒုနယ်မြေရဲစခန်းသို့ဖေဖော်ဝါရီ ၂ဝ ရက် နံနက် ၁ဝ နာရီခန့်က လာရောက်အကြောင်း ကြားသဖြင့် စစ်ဆေးရာငွေတုများ ဖြစ်ကြောင်း အတည်ပြုနိုင်ခဲ့သည်။

ဆက်လက်၍ ပူးပေါင်းအဖွဲ့သည် သက်သေများနှင့်အတူ အောင်မျိုး၏နေအိမ်အား ဝင်ရောက်ရှာဖွေခဲ့ရာ အောင်မျိုးနှင့် ဇနီးဖြစ်သူတို့မှာ ရှောင်တိမ်းသွားသောကြောင့် နေအိမ် အား ရှာဖွေရာ နေအိမ်အိပ်ခန်း ဘီရိုအောက်မှ ၉ မမပစ္စတိုသေနတ် တစ်လက်ရှာဖွေ တွေ့ရှိသိမ်းဆည်း ရမိခဲ့ကြောင်း သိရသည်။

ဖြစ်စဉ်နှင့်ပတ်သက်ပြီး တစ်သောင်း တန် ငွေစက္ကူအတုများ ကိုင်ဆောင် သုံးစွဲခဲ့သည့် စနေမောင်မောင်(ခ) ဆေးခဲ၊ ချစ်စမ်းမောင်(ခ) ဗိုက်ရွှဲတို့ နှစ်ဦးနှင့် ထွက်ပြေးတိမ်းရှောင်သွားသူ အောင်မျိုးနှင့်ဇနီးဖြစ်သူ မသဲအိဇံ တို့အား အိန္ဒုနယ်မြေရဲစခန်းက အမှုဖွင့်လှစ်ထားကြောင်း သိရသည်။

ထွန်းထွန်းထွေး (ဘားအံ)
The Mirror Daily
https://www.facebook.com/TheMirrorDaily

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.