ဘီလူး၊ ရွှေမိုးသည်း၊ အမေနဲ့သမီးများ အစရှိတဲ့ ဇာတ်ကားများနဲ့ပရိသတ်လက်ခံအားပေးခြင်းခံခဲ့ရတဲ့ ဥက္ကာမင်းမောင်က နယူးယောက်မှာ ၆နှစ်ကျော်နီးပါး ကျောင်းတက်ရင်း စီးပွားရေးလုပ်ကိုင်ကာ သရုပ်ဆောင်နယ်ပယ်နဲ့ ရှစ်နှစ်ကျော်ဝေးကွာပြီးတဲ့နောက် ခုပထမဆုံး မေထုန်ရာသီဖွားဆိုတဲ့ Homosexual လိင်တူချစ်သူ ဇာတ်ကားနဲ့ ပရိသတ်တွေဆီ ပထမဆုံး ပြန်လာခဲ့ပါပြီ။ ဒါနဲ့ပတ်သက်ပြီး သူ့ကို မေးမြန်းဖြစ်ခဲ့တာတွေကတော့
-မေထုန်ရာသီဖွား ဇာတ်ကားကြီးကို စတင်လက်ခံဖြစ်ခဲ့ပုံလေးကို အရင်ပြောပြပေးပါဦး။
ဒီကားကို ကိုငြိမ်းချမ်းကျော်က စကမ်းလှမ်းတာပေါ့။ ကျွန်တော် အမှန် မြန်မာပြည်ကို ၂၄ ပြန်လာမှာ ကျွန်တော့် တစ်ကိုယ်တော်အခွေ အတွက်ပေါ့။ ဒါပေမဲ့ ပထမတည်ထားတဲ့ မင်းသားက မရိုက်ဖြစ်ဘူး။ ကားကလဲ တည်ပြီးသားဖြစ်နေတယ်။ ဇာတ်ကို ဖတ်ကြည့်လိုက်တော့ အရမ်းစိတ်ဝင်စားတဲ့အတွက် ပြန်လာရမဲ့ရက်ထက် နည်းနည်းစောပြန်လာပြီး ဒီကားလေးကို လက်ခံဖြစ်ခဲ့တာပါ။
-အာ့ဆို ဒီကားရိုက်ဖို့အတွက်သီးသန့်ပြန်လာတာမဟုတ်ဘူးပေါ့။
မဟုတ်ပါဘူး။ ကျွန်တော့ရဲ့ တစ်ကိုယ်တော်ခွေကို မတ် ၁၈ ထွက်ဖို့အတွက် ပြန်လာတာ။ ဒါပေမဲ့သွင်းတာတွေကလဲ မပြီးသေးဘူး။ အခုဒီကြားထဲမှာလဲ ဒီကားခံသွားတဲ့အတွက် မေလောက်မှပဲ ထွက်ဖြစ်ပါတော့မယ်။
-နယူးယောက်မှာက ဘာကျောင်းတက်နေတာလဲ။ အလုပ်လုပ်နေတယ်လို့လဲသိရတယ်။
ကျောင်းကခဏနားထားတယ်။ အလုပ်လုပ်နေတာပေါ့။ ဟိုမှာ စားသောက်ဆိုင်ဖွင့်ထားတယ်။ ရှယ်ယာပေါ့။ ဘွဲ့ကတော့ business management နဲ့ဘွဲ့ရထားတယ်။ ကျောင်းက စစချင်း Hospitality Management တက်တယ်။ ပြီးတော့ ရပ်ထားတယ်။ နောက်ဖက်ရှင်တက်လက်စ ရှိတယ်။ နောက်ကျောင်းပြောင်းပြီး သရုပ်ဆောင်ဟာ ဆက်တက်တယ်။ တက်ပြီးတော့ ရပ်ထားတယ်။ ဟိုကိုရောက်တာ ခြောက်နှစ်ခွဲလောက်တော့ရှိပြီ။
-အခွေကရော ဘယ်လောက်အတိုင်းအတာထိပြီးနေပြီလဲ။ အခွေနာမည်လေးကိုလည်း ပြောပါဦး။
18 ပေါ့။ ဒါပေမဲ့ မြန်မာလို အဓိပ္ပါယ်မယူဘူး။ 1 နဲ့ 8 လို့လဲပြောလို့ရတယ်။ ဘာကြောင့်လဲဆိုတော့ ကျွန်တော့ကို စက်တင်ဘာ 18 မှာမွေးတယ်။ အနုပညာလောကထဲကို အသက် 18 နှစ်သားမှာစရောက်တယ်။ ပြီးတော့ ငါးနှစ်လောက်ရိုက်ခဲ့တယ်။ အခုဒီကိုပြန်လာပြီး ဒီကားစရိုက်တဲ့အချိန်မှာ မရိုက်တာ ၈နှစ်လောက်ကြာသွားခဲ့ပြီ။ နောက်တစ်ခုက လတိုင်းမှာ ၁၈ ဆိုတာရှိတယ်။ ၁၈ မြင်တိုင်း ကျွန်တော့ကိုသတိရနေစေချင်လို့ Title ကို ၁၈လို့ပေးခဲ့တာပါ။ သီချင်းမပါဘူး။ သက်သက်ပေးထားတာ။ အဲ့ဒီထဲမှာသီချင်း ၁၈ပုဒ်ပါမယ်။ အခုလောလောဆယ်မှာ အချောပြီးနေတာက ၇ပုဒ်နောက်ထပ်သွင်းရမှာက ၁၁ ပုဒ်ပါ။ သီချင်းက pop , slow rock နဲ့ EDM ပုံတွေပါတယ်။ စုံတွဲက မအေးချမ်းမေနဲ့နှစ်ပုဒ်၊ စန္ဒီမြင့်လွင့်နဲ့တစ်ပုဒ်၊ ငယ်ငယ်နဲ့တစ်ပုဒ်ပါမယ်။ နောက်ကျွန်တော် Boy Band တစ်ပုဒ်လောက် ထည့်မလားစဉ်းစားနေပါတယ်။ ကောင်လေး၂ ယောက်၊ ဒါမှမဟုတ် ၃ ယောက်လောက်နဲ့ Boy Band လေး လုပ်ပြီးတစ်ပုဒ်ထည့်မယ်ပေါ့။ လုပ်ကြည့်လို့အဲ့ဒီသီချင်းတစ်ပုဒ်က ပရိသတ်လက်ခံတယ်ဆို boy band နဲ့သက်သက်သွားမယ်။ ကျွန်တော်တစ်ယောက်တည်းလဲ သက်သက်သွားပါမယ်။
-တေးရေးအနေနဲ့ရော ဘယ်သူတွေပါမလဲ။
ကျွန်တော်ရေးတာများတယ်။ ကျွန်တော်ထွက်ခဲ့တဲ့ သီချင်း၅ ပုဒ်ကလဲ လေးပုဒ်က ကျွန်တော်ရေးတာ တစ်ပုဒ်ပဲ ကိုစလိုင်းရေးတယ်။ နောက်လီယို၊ ကိုမျိုးကျော့မြိုင်၊ ကိုစတုန်း၊ အဲ့ဒါပဲ။ ကျန်တာတော်တော်များများ ကျွန်တော်ရေးတာပါ။ သီချင်းရေးဖြစ်တာက ဒီအခွေက ကျွန်တော့ဘ၀ကြီးကို ထင်ဟပ်စေချင်တာပါ။ ကျွန်တော်တွေ့ခဲ့ကြုံခဲ့ဖူးတဲ့အရာတွေကိုကျွန်တော်သိသလောက် ဒီအခွေမှာ ထည့်သုံးချင်တယ်။ ကိုယ်ဆိုချင်တဲ့ ပုံစံတွေကျတော့လဲ ကိုယ်ကိုတိုင်ပဲ သိတာကိုး။ အဲ့ဒါကြောင့် သီချင်းအပ်ကတည်းကလဲ ခေါင်းစဉ်တွေပေးပြီးအပ်တယ်။ ဒီခေါင်းစဉ်ကိုရေးပေးပါဆိုပြီးအပ်တယ်။ တေးရေးဆရာတွေရေးပေးတာကိုယူတာဆိုလို့ Last Dance ဆိုတဲ့ တစ်ပုဒ်ပဲရှိတယ်။ ကျန်တာတွေအကုန်လုံးက အကြောင်းအရာပြောပြီးရေးတာပါ။ မေထွက်မယ်။ ဇွန်ခဏပြန်မယ်။ ဒီရက်ပိုင်းတော့ ကြော်ငြာတွေ၊ ကားရိုက်တွေပြောထားတာရှိတယ်။ အဆင်ပြေရင်တော့ တောက်လျှောက် ရိုက်ဖြစ်သွားရင်တော့ နေဖြစ်သွားမှာပါ။ ပြန်ရင်လဲ တစ်လလောက်ပါပဲ။
-သူများ မရိုက်လို့ကိုယ်ရိုက်ရတဲ့အပေါ်မှာရော ဘယ်လိုစိတ်ခံစားချက်ရှိလဲ။
ကျွန်တော်ဘယ်လိုမှမရှိဘူး။ ကျွန်တော့်အနေနဲ့ပြောရရင်လဲ ရှစ်နှစ်ကျော်လောက်ကြာမှပြန်ရိုက်ရတာဆိုတော့ အခွင့်အရေး တစ်ခုပဲ။ ရုပ်ရှင်ကားကြီးလဲဖြစ်တယ်။ နောက်ကျွန်တော်ရယ် ငြိမ်းချမ်းကျော်ရယ် မင်းသမီးရယ်ပဲ။ လုပ်ကွက်ကလဲ ဒီသုံးယောက်ပဲ။ အဲ့ဒီလို ဇာတ်စိတ်ဝင်စားတယ်။ စိန်ခေါ်ရတာကိုလဲကြိုက်တဲ့အတွက် ရိုက်ဖြစ်ခဲ့တာပါ။ လူတိုင်းလက်ခံမဲ့ဟာမျိုး မဟုတ်ဘူး။ နောက်တစ်ခုက ဒီဇာတ်ကရေဂေးဇာတ်ဖြစ်နေတဲ့အတွက် လုပ်ပြမဲ့ အနုပညာမှာတော့ ဆေးစက်ကျရာ အရုပ်ထင်ချင်တယ်။ ကျွန်တော့်ပရိသတ်တွေထဲမှာလဲ ဂေးတွေက အများကြီးပဲ၊ ဒီကားကို ရုံတင်တဲ့အခါမှာ ဂေးတွေကို မုန်းတဲ့သူကလဲ ကြည့်ချင်မှကြည့်မယ်။ ဒါကသူတို့သဘောပေါ့။ ကိုယ်ကတော့ ကိုယ်လုပ်ရမဲ့ ကာရိုက်တာနဲ့ ဇာတ်ကွက်အပေါ်မှာပဲ ဂရုစိုက်ပြီးကြိုးစားပါတယ်။
-မရိုက်ခင် ပြင်ဆင်မှုအနေနဲ့ဘာတွေလုပ်ဖြစ်သေးလဲ။
ကျွန်တော့်အတွက်ဒီဇာတ်ရုပ်က အဆန်းမဟုတ်ဘူး။ ဟိုမှာ နေ့စ္စဓူဝတွေ့ကြုံနေရတယ်။ စရိုက်တဲ့နေ့ပဲ အခက်အခဲဖြစ်တယ်။ ကင်မရာရှေ့မရောက်တာကြာပြီဆိုတော့လေ။ အဲ့ဒါပါပဲ။ ကျန်တာကတော့ အဆင်ပြေပါတယ်။ ပြင်ဆင်မှုကလဲ သိပ်အချိန်မရတဲ့အတွက် အရမ်းကြီးမပြင်ဆင်လိုက်ရဘူး။ ကိုညိုကလဲ အရမ်းသင်ပေးပါတယ်။
-ဒီကာရိုက်တာရိုက်တဲ့အတွက်ပရိသတ်တွေအမြင်မှာ တစ်မျိုးတစ်ဖုံမြင်မှာကိုရော စိတ်ပူမိလား။
လူကတော့ထင်မှာပဲ။ ပေါင်းစုံထင်မှာပဲ။ မျိုးစုံပေးမှာပဲ။ အဲ့ဒါတွေအားလုံးကို လိုက်ပိတ်လို့လဲမရဘူး။ ကိုယ့်ဟာနဲ့ကိုယ်ဒီဇာတ်ရုပ်အပေါ်မှာ သစ္စာရှိစွာနဲ့ပဲ ဆေးစက်ကျရာပဲ အရုပ်ထင်ချင်တယ်။ ဘယ်သူဘာပြောပြော ကျွန်တော်ဂရုမစိုက်ဘူး။ ဒီကာရိုက်တာ လုပ်ရတဲ့အတွက် စိုးရိမ်တာလဲမရှိဘူး။ ရှက်လဲမရှက်တတ်ဘူး။ လုပ်ဆိုလုပ်လိုက်တာပဲ။ ဖက်ဆိုဖက်လိုက်တာပဲ။ လုံးဝစိတ်ထဲမှာဘာမှမရှိဘူး။
ခင်ဆွေသက်
Source:trend.com.mm
0 comments:
Post a Comment