မူးယစ်ဆေးဝါးမှုဖြင့် အမှုရင်ဆိုင်နေသော ခင်ပွန်းထံ စိတ်ကြွဆေးပြား သယ်လာပေးသည့် ဇနီးကို ဖမ်းဆီးမိ

WY ဆေးပြား (၃၉၇)ပြားနှင့် WYဆေးပြားအကြေမှုန့် (၀.၂)ဂရမ်တွေ့ရှိရသည့် တရားခံ စောလိုက်ထွန်း(ခ)ချစ်ဆွေ။ ဓါတ်ပုံ - ဘားအံသတင်း 

ကရင်ပြည်နယ် ဘားအံမြို့တွင် မူးယစ်ဆေးဝါးမှုဖြင့် အမှုရင်နေရသည့် ယောက်ျားကို စိတ်ကြွဆေးပြား လာပေးသည့်ဇနီးအား မူးယစ်ဆေးဝါး သယ်ဆောင်မှုဖြင့် ရဲတပ်ဖွဲ့က ဖမ်းဆီးလိုက်ကြောင်း ဘားအံမြို့မရဲစခန်းမှ သိရှိရသည်။

မူးယစ်ဆေးဝါးမှုဖြင့် အမှုရင်နေရသူ စောလိုက်ထွန်း(ခ) ချစ်ဆွေကို ဇန်နဝါရီ ၁၅ ရက်က ဘားအံအကျဉ်းထောင်မှ ဘားအံခရိုင် တရားရုံးသို့ ရုံးထုတ်စစ်ဆေးပြီး ပြန်ပို့ရာ ထောင်ဝ၌ ရှာဖွေရေးပြုလုပ်စဉ် မူးယစ်ဆေးဝါးများ တွေ့ရှိသဖြင့် ၎င်းနှင့် မူးယစ်ဆေး သယ်ဆောင်လာပေးသူ ဇနီးကို အမှုဖွင့်အရေးယူ လိုက်ခြင်းဖြစ်ကြောင်း သိရသည်။

မူးယစ်ဆေး သယ်ဆောင်လာပေးသူ တရားခံ စောလိုက်ထွန်း(ခ)ချစ်ဆွေ ၏ ဇနီး ။ ဓါတ်ပုံ - ဘားအံသတင်း 

“ မနေ့က မူးယစ်ဆေးဝါး ရှာဖွေတွေ့ရှိတာက တရားရုံးမှာ မဟုတ်ဘူးခင်ဗျ။ အကျဉ်းထောင်ရောက်မှ ကြီးကြပ်ရေးမှူးနဲ့ အဖွဲ့ မြို့မစခန်းက ရဲတပ်ဖွဲ့နဲ့ ရှာဖွေတွေ့ရှိခဲ့ တာပါ ” ဟု ဘားအံ အကျဉ်းဦးစီးဌာနမှ တာဝန်မှူးက ပြောသည်။

ယင်းနေ့က အချုပ်ထောင်မှ ရုံးထုတ်လာသည့် ကျား ၁၃ ဦး၊ မ တစ်ဦးတို့တွင် စောလိုက်ထွန်း(ခ)ချစ်ဆွေမှာ ခြေထောက်မသန်ဘဲ ချိုင်းထောက်ဖြင့် သွားလာနေရသူဖြစ်ပြီး ဒူးခေါင်းတွင် ဒူးစွပ် အမြဲစွပ်ထားရကြောင်း၊ အဆိုပါ ဒူးစွပ်ကို မသင်္ကာသဖြင့် စစ်ဆေးခဲ့ရာမှ ဒူးစွပ်နှစ်ထပ် အကြား အပြာရောင် ကပ်ခွာအိပ်ဖြင့် ထည့်ယူလာသည့် WY စိတ်ကြွရူးသွပ်ဆေးပြား ၃၉၇ ပြားကို တွေ့ရှိခြင်းဖြစ်ကြောင်း ဘားအံအကျဉ်းဦးစီးဌာနမှ သိရသည်။

အဆိုပါအမှုနှင့် ပတ်သက်ပြီး ဘားအံမြို့မ ရဲစခန်း၏ စစ်ဆေးပေါ်ပေါက်ချက်အရ စောလိုက်ထွန်း(ခ) ချစ်ဆွေမှာ ဘားအံမြို့နယ် ထုံးအိုင်ကျေးရွာ၊ အမှတ် ၅ ရပ်ကွက်တွင် နေထိုင်သူဖြစ်ပြီး ၂၀၁၆ ခုနှစ် ဇန်နဝါရီ ၁ ရက်တွင် မူးယစ်ဆေးဝါးမှုဖြင့် ထုံးအိုင်နယ်မြေရဲစခန်း မယ(ပ)၁/၂၀၁၆ မူး/စိတ် ပုဒ်မ-၁၅/၁၉(က)/၂၁ အရ
အမှုရင်ဆိုင်နေရသူ ဖြစ်ကြောင်း သိရသည်။

ဘားအံထောင်အတွင်းသို့ မူးယစ်ဆေးဝါး သွင်းရန်ကြိုးစားမှုနှင့် ပတ်သက်ပြီး ဘားအံမြို့မရဲစခန်းမှ ဒုရဲအုပ် အောင်ကျော်ကိုက တရားလိုပြုလုပ် တိုင်ကြားရာ စောလိုက်ထွန်း(ခ)ချစ်ဆွေအား ဘားအံမြို့မရဲစခန်းက မယ (ပ)၁၁/၂၀၁၆မူး/စိတ် ပုဒ်မ၁၅/၁၉ (က) /၂၁ ဖြင့်လည်းကောင်း၊ ဇနီးဖြစ်သူ မစိုးစိုးအား ထုံးအိုင်နယ်မြေ ရဲစခန်းက မယ(ပ)၆/၂၀၁၆ မူး/စိတ်ပုဒ်မ ၁၅/၁၆(ဂ) ဖြင့်လည်းကောင်း အသီးသီးအမှုဖွင့် အရေးယူထားကြောင်း ဘားအံမြို့မရဲစခန်းမှ သိရသည်။

သတင်း - MMK
The Ladies News
https://www.facebook.com/News.TheLadies/

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.