မြန်မာနိုင်ငံ သမိုင်းဝင်ကာလရောက်ရှိလို့ ကုလအကြီးအကဲ ပြောကြား

မြန်မာနိုင်ငံရဲ့ ဒီမိုကရေစီ အသွင်ကူးပြောင်းရေး လုပ်ငန်းစဉ်ဟာ အရေးအကြီးဆုံး အချိုးအကွေ့ ကာလတစ်ခုကို ရောက်ရှိနေပြီလို့ ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောကြား လိုက်ပါတယ်။

နေပြည်တော်မှာ မနေ့ညနေက ကျင်းပတဲ့ သတင်းစာ ရှင်းလင်းပွဲမှာ အခုလို ပြောဆိုခဲ့တာ ဖြစ်ပါတယ်။

မြန်မာအစိုးရရဲ့ ပြုပြင်ပြောင်းလဲရေး လုပ်ငန်းစဉ်တွေကို သူက အသိအမှတ်ပြု ပြောကြားခဲ့သလို တဆက်တည်းမှာပဲ လာမယ့်နှစ်ကျင်းပမယ့် ရွေးကောက်ပွဲဟာ မြန်မာနိုင်ငံရဲ့ အနာဂတ်ကို အဆုံးအဖြတ်ပေးမယ့် သမိုင်း မှတ်တိုင်တစ်ခု ဖြစ်ပါလိမ့် မယ်လို့လည်း ဝေဖန်ပြောဆို ခဲ့ပါတယ်။

ဒါ့အပြင် မစ္စတာ ဘန်ကီမွန်းက မြန်မာအစိုးရ ထိပ်ပိုင်း ခေါင်းဆောင်တွေနဲ့ သူ တွေ့ဆုံခဲ့ရာမှာ ရခိုင်ပြည်နယ်က လူနည်းစု ရိုဟင်ဂျာလူမျိုးတွေ ခွဲခြားဖိနှိပ်မှုနဲ့ အကြမ်းဖက်မှု ခံနေရတာနဲ့ ပတ်သက်ပြီး မိမိရဲ့စိုးရိမ်ပူပန်မှုတွေကို ထုတ်ဖေါ်ပြောကြားခဲ့ကြောင်း၊ လူ့အခွင့်ရေးတွေကို လေးစားပြီး ရိုဟင်ဂျာတွေကို လူသားချင်းစာနာမှု အကူအညီတွေ လွတ်လပ်စွာ ပေးပို့ကူညီနိုင်အောင် အာမခံချက်ပေးဖို့လည်း တောင်းဆိုခဲ့ကြောင်းပြောပါတယ်။

ကုလသမဂ္ဂ အတွင်းရေးမှူးချုပ် ဘန်ကီမွန်းဟာ ဒီကနေ့ သမ္မတ ဦးသိန်းစိန်နဲ့ တွေ့ဆုံမှာဖြစ်ပါတယ်။

RFA Burmese
https://www.facebook.com/pages/RFA-Burmese/39218993127?ref=br_tf

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.