လုပ်ငန်းခွင်မှာ အခြားသူတွေရဲ့ လိုအပ်ချက်တွေနဲ့ ကိုက်ညီအောင် သင့်အနေနဲ့ဘယ်လိုဖြည့်ဆည်းပေးနိုင်မလဲ၊ တိုးတက်ရာ တိုးတက်ကြောင်း ဆောင်ရွက်တဲ့အခါမှာ ဘယ်လိုနည်းလမ်းတွေကို သုံးမလဲ ဒါမှမဟုတ် အမှန်တကယ် ဆောင်ရွက်သင့်တဲ့ အရေးကိစ္စအဖြစ် ဘယ်လိုဆုံးဖြတ်မလဲ။ ဒါတွေအားလုံးရဲ့ အဖြေကိုတော့ လုပ်ငန်းခွင်မှာ အောင်မြင်ကောင်းမွန်တဲ့ ပေါင်းသင်းဆက်ဆံရေးကနေ ရနိုင်ပါတယ်။ အောင်မြင်ကောင်းမွန်တဲ့ ပေါင်းသင်းဆက်ဆံရေး/ ဆက်သွယ်မှုဆိုတာက မိမိဖော်ပြလိုတဲ့ အကြောင်းအရာ ဒါမှမဟုတ် မိမိကနေပေးလိုတဲ့ အဓိက အချက်အလက်တွေကို အခြားသူဆီသို့ အချိန်တိုတိုနဲ့ ထိထိရောက်ရောက် အသိပေးနိုင်တာကို ဆိုလိုတာပါ။
သင်ဟာ ဘယ်နေရာမှာ ရောက်နေတဲ့ ဘယ်သူဘယ်ဝါ ဖြစ်နေပါစေ ဆက်သွယ်ရေးဆိုင်ရာ ကျွမ်းကျင်မှုဆိုတာက လူတိုင်းအတွက် အရေးကြီးပါတယ်။ လုပ်ငန်းခွင်အတွင်း အောင်မြင်တဲ့ ဆက်သွယ်ရေးဆိုတာကို လုပ်ငန်းတစ်ခု၊ ကုမ္ပဏီတစ်ခု ဒါမှမဟုတ် တစ်ဦးတစ်ယောက်ချင်းစီရဲ့ အောင်မြင်မှု/ကျရှုံးမှုတို့နဲ့ ဆုံးဖြတ်နိုင်ပါတယ်။ ကောင်းမွန်တဲ့ ဆက်သွယ်မှုက ယိုယွင်းလာခဲ့ရင်တော့ ထုတ်လုပ်မှုစွမ်းအား၊ လိုအပ်ချက်တွေနဲ့ စိတ်ဓာတ်
တို့ဟာ အလွယ်တကူ အားနည်းလာနိုင်ပါတယ်။ ဆက်သွယ်ရေးရဲ့ အရေးပါပုံကို သိသာထင်ရှား လာစေဖို့ လုပ်ငန်းခွင်မှာ အသုံးပြုရတဲ့ အခြေခံအကျဆုံး ဆက်သွယ်ရေးဆိုင်ရာ အရည်အချင်းတွေကို လေ့လာကြည့်ကြပါမယ်။
နားထောင်ခြင်း – သူများပြောတာကို နား ထောင်ပေးခြင်းဟာ စကားပြောကောင်းသူတစ် ယောက်ဖြစ်လာဖို့ ကူညီပေးပါတယ်။ ကောင်းမွန်တဲ့ ဆက်ဆံရေးတစ်ခုအတွက် အခြားသူပြောတာ ကို သေသေချာချာ နားထောင်တတ်တဲ့သူ ဖြစ်ကို
ဖြစ်ရပါမယ်။ လုပ်ငန်းခွင်မှာ အခြားသူတစ်ယောက် ရဲ့ လိုအပ်ချက်ကို နားထောင်နိုင်စွမ်းရှိမှသာ ရည်ရွယ်ချက်ကို ရောက်ရှိအောင်လုပ်ဆောင်တဲ့ သူတို့ရဲ့ ဆောင်ရွက်မှုတွေမှာ သင့်အနေနဲ့ ကူညီပေးနိုင်မှာ ဖြစ်ပါတယ်။ အခြားသူတွေပြောတာကို နားထောင်ပေးခြင်းဖြင့် သူတို့ ဘယ်လိုစဉ်းစားသလဲဆိုတာ သိနိုင်ပါတယ်။ သင့်အနေနဲ့ အခြားသူတွေ ပြောနေတာကို အမှန်တကယ် နားထောင်ပေး နေကြောင်း ဖော်ပြချင်တယ်ဆိုရင် မှတ်စုချရေးတာ ဒါမှမဟုတ် သူတို့ပြောနေတဲ့အရာနဲ့ပတ်သက်ပြီး မေးခွန်းတွေ မေးမြန်းတာကိုပြုလုပ်သင့်ပါတယ်။
စာနာနားလည်ခြင်း – လုပ်ငန်းခွင်မှာ သင်ဟာ အခြားသူတွေနဲ့ အဖွဲ့အစည်းတစ်ခုအဖြစ် အလုပ်လုပ်ရတဲ့အခါ သင့်အနေနဲ့ ဘယ်အတိုင်းအတာအထိ သဘောတူသည်ဖြစ်စေ မတူသည်ဖြစ်စေ အခြားသူတွေက သူတို့ရဲ့အတွေးအခေါ်၊ အယူအဆတွေ လှစ်ဟလာဖို့က အရေးကြီးလာပါပြီ။ သင့်အနေနဲ့ တချို့လူတွေရဲ့ အမြင်ကို နားလည်ဖို့ ခက်ခဲနေတယ်ဆိုရင် သူတို့နေရာကနေ ဝင်ရောက်ပြီး စဉ်းစားကြည့်ပေးပါ။ သူတို့ဘာကြောင့် ဒီလိုပြုမူရသလဲဆိုတာကို သိလာပါလိမ့် မယ်။ မေးခွန်းတွေ မေးခြင်းကလည်း လုပ်ငန်းခွင်တွင်း ဆက်ဆံရေးကောင်းမွန်မှုကို တိုးတက်စေပါတယ်။
စိတ်ရှည်သည်းခံပါ – အခြားသူတွေနဲ့ ဆက်ဆံတဲ့နေရာမှာ စိတ်ရှည်သည်းခံရတယ်ဆိုတာ ခက်ခဲနိုင်ပါတယ်။ သင်ပြောလိုတဲ့အချက်တွေ သူတို့ကို နားလည်နိုင်ဖို့ မလုပ်နိုင်တော့ဘူးလို့ ထင်တဲ့အခါမှာ အလွယ်တကူ စိတ်အနှောင့်အ
ယှက် ဖြစ်မိနိုင်တယ်။ လုပ်ငန်းခွင်မှာ သင်ကိုယ်တိုင်ရော အခြားသူတွေကိုပါ စိတ်ရှည်သည်းခံနိုင်အောင် လေ့ကျင့်ထားဖို့က အရေးကြီးပါတယ်။
ဥပမာ- သင့်ရဲ့ အထက်အရာရှိ၊ လုပ်ဖော်ကိုင် ဖက်တွေ ဒါမှမဟုတ် သင့်ရဲ့ ဝန်ထမ်းတွေကို စိတ်ရှည်ရှည်ထားပြီး ပြောဆိုဆက်ဆံမှသာ အခြားသူတွေက ဘာပြောချင်လဲဆိုတာကို အမှန်တကယ် နားလည်ပါလိမ့်မယ်။ ဘယ်သူတစ်ဦး တစ်ယောက်ကမှ သင်ပြောတာကို ချက်ချင်း နားမလည်နိုင်ပါဘူး။ ဒါကြောင့် နည်းလမ်းတကျ လုပ်ဆောင်ပါ။ နည်းလမ်းတစ်ခုနဲ့ ဆောင်ရွက်ဖို့ လိုအပ်တဲ့ ကိစ္စတစ်ခုကို ရှင်းပြတဲ့အခါမှာ အချိန်ယူပါ။
ရှင်းရှင်းလင်းလင်းပြောပါ- လုပ်ငန်းခွင်မှာ ပြောဆိုဆက်ဆံတဲ့အခါ ကွေ့ပတ်ပြောဆိုတာ ဒါမှမဟုတ် အချိန်ဆွဲပြောဆိုတာက ထိရောက်မှုမရှိပါဘူး။ သင့်ရဲ့လုပ်ဖော်ကိုင်ဖက်တွေ၊ အတွင်းရေးမှုး ဒါမှမဟုတ် သင့်ရဲ့ အထက်အရာရှိ ဘယ် သူ့ကိုပဲ ပြောတာဖြစ်ဖြစ် ပွင့်လင်းစွာပြောဖို့ အရေးကြီးပါတယ်။ ပြီးတော့ လိုရင်းအချက်ကို ရောက်အောင်ပြောရပါမယ်။ သင်ပြောလိုတဲ့ အချက်ကိုရောက်ဖို့ အချိန်ဆွဲနေရင် သင်ပြောတာကို နားထောင်ချင်စိတ် ပျောက်သွားတဲ့အပြင် သင့်
ကိုယုံကြည်အားထားလိုစိတ် လျော့ကျသွားပါမယ်။
နားလည်ရ လွယ်ကူအောင် ရှင်းလင်းစွာ ပြောတတ်ဖို့အတွက် လေ့ကျင့်ထားဖို့လည်း လိုပါတယ်။ ဥပမာ – ဖော်ပြလိုတဲ့အကြောင်းအရာအတွက် သင်နားလည်သိရှိစေလိုတဲ့ အသေးစိတ်အချက်တွေကို မှတ်စုရေးထားတာမျိုး ဒါမှမဟုတ် ပုံကြမ်း ဆွဲထားတာမျိုးလုပ်ပါ။ သင့်အနေနဲ့ ရည်ညွှန်းဖို့ လိုတဲ့ အချက်တွေရယ် အကူအညီဖြစ်စေမယ့် အကြောင်းအရာတွေရယ်ကို ရနိုင်သမျှ ရှာဖွေထားပါ။ လုပ်ငန်းခွင်ထဲမှာ လွယ်ကူရှင်းလင်းစွာ နားလည်စေခြင်းဟာ အခြားသူတွေအနေနဲ့ ဘယ်လိုနည်းနဲ့ ဆောင်ရွက်ရမယ်ဆိုတာကို သဘောပေါက်စေတဲ့အပြင် လုပ်ငန်းအချိန်မီ ပြီးမြောက်စေပါတယ်။
အကောင်းမြင်တတ်ပါစေ – အလုပ်သွားရမှာကို ကြောက်နေတတ်တဲ့ နေ့တွေရှိတတ်ပါတယ်။ ကျွန်မတို့တွေ အားလုံးဆီမှာ ဒီလိုရက်မျိုးရှိပါတယ်။ ဒါက သင့်အလုပ်ကို သင်မုန်းတီးနေတာ မဟုတ်ပါဘူး။ ပင်ပန်းတယ်၊ စိတ်ဆိုးဒေါသထွက်တယ်၊ ခါးသီးတယ်၊ ပင်ပန်းနွမ်းလျနေတယ် ဒီထဲက ဘာတွေပဲဖြစ်ဖြစ် အကောင်းမြင်တဲ့စိတ်လေးကိုတော့ ထိန်းထားဖို့လိုပါတယ်။ လုပ်ငန်းခွင်ပြင်ပက ခံစားချက်တွေနဲ့ အလုပ်နဲ့ ရောထွေးတာမျိုး မဖြစ်သင့်ပါဘူး။ ဒီလိုရောထွေးလိုက်ခြင်းက နားလည်မှု လွဲမှားတာတွေနဲ့ ပဋိပက္ခတွေကိုဖြစ်စေတတ်လို့ပါ။ အလုပ်မှာ အခက်အခဲတွေ့ရရင် ဒီကိစ္စနဲ့ ပတ်သက်နေတဲ့သူတွေ အားလုံးကို ဖွင့်ပြောပြီး အခက်အခဲကို ကျော်လွှားဖို့ နည်းလမ်းရှာရပါမယ်။ သင်ကြုံတွေ့နေရတဲ့ စိန်ခေါ်မှုတွေနဲ့ ပတ်သက်လို့ မျိုသိပ်ထိန်းချုပ်ထားမယ်ဆိုရင် အဲ့ဒါတွေက ပိုခက်ခဲလာပြီး သင့်ကို ဝန်ထုပ်ဝန်ပိုး ဖြစ်လာစေပါတယ်။
ရိုးသားပါ ပြီးတော့ ပွင့်လင်းပါ - သင့်အနေနဲ့ အလုပ်က ဖိအားအလွန်များနေတယ်လို့ ခံစားရရင် ဒါမှမဟုတ် အလုပ်နဲ့ ပတ်သက်တဲ့ စိန်ခေါ်မှုတွေ ကြုံတွေ့နေရပြီဆိုရင် သင့်အခက်အခဲတွေ လျော့ပါးသွားအောင် ကူညီဖို့အတွက် သင့်ရဲ့မန်နေဂျာ ဒါမှမဟုတ် လူ့စွမ်းအား အရင်းအမြစ်ဌာန (HR) က တစ်ဦးတစ်ယောက်ကို အမြန်ဆုံးပြောဆိုဆွေးနွေးဖို့ အရေးတကြီး လိုအပ်ပါတယ်။
ကိုယ့်ကိုကို ကောင်းအောင်နေပါ – ကိုယ့်ကိုကိုယ် ကောင်းအောင်နေရုံနဲ့ အခြားသူတွေနဲ့ ဆက်ဆံရေးကောင်းနိုင်တာ မဟုတ်ဘူးလို့ ထင်ကြမယ်။ တကယ်တော့ ဒီနှစ်ခုက ချိတ်ဆက်မှု ရှိပါတယ်။ ဆက်ဆံရေးဆိုတဲ့အရာမှာ နှုတ်နဲ့ပြော
တာမှာရော စာနဲ့ ရေးတဲ့နေရာမှာပါ အချိန်နဲ့ အလေ့အကျင့် လိုအပ်ပါတယ်။ အလေ့အကျင့်သာ ရှိထားမယ်ဆိုရင် ကောင်းမွန်တဲ့ ဆက်သွယ်ရေးအတွက် လိုအပ်တဲ့ အကူအညီဖြစ်ပါလိမ့်မယ်။ ဘာကြောင့်လဲဆိုတော့ ဒီလိုအလေ့အကျင့်လုပ် ထားခြင်းက သင့်ကို ပြီးပြည့်စုံတဲ့သူတစ်ယောက် ဖြစ်လာစေလို့ပါပဲ။ သင့်အနေနဲ့ မဖြစ်မနေလို အပ်တဲ့ လုပ်ငန်းခွင်က ဆက်သွယ်ရေးဆိုင်ရာ အရည်အသွေးတွေကို နားလည်ထားမယ်ဆိုရင် သင်ဟာ နားထောင်ဖို့၊ သည်းခံစိတ်ရှည်ရန် လေ့ကျင့်ဖို့၊ ရှင်းရှင်းလင်းလင်း ပြောတတ်ဖို့ကို အလိုလို အားထုတ်နေမှာဖြစ်ပြီး နေ့စဉ်ပြုလုပ်ရတဲ့ လုပ်ငန်းဆောင်တာတွေမှာလည်း ရလဒ်ကောင်း တွေ ထွက်ပေါ်လာမှာ ဖြစ်ပါတယ်။
ကျွန်မတို့အားလုံးမှာ မတူကွဲပြားတဲ့ ဆက်သွယ်ရေး ပုံစံတွေ ရှိပါတယ်။ ကျွန်မတို့ဟာ ဘယ်ရာထူးနဲ့ ဘယ်လိုနယ်ပယ်မှာ လုပ်နေတယ်ဆိုတာက အဓိကမဟုတ်ပါဘူး။ လုပ်ငန်းခွင်အတွင်း ဆက်သွယ်ရေးကောင်းမွန်မှုဟာ ကျွန်မတို့ကို တစ်ဦးချင်းစီမှာရော သက်ဆိုင်ရာ လုပ်ငန်းခွင်မှာ ကျွမ်းကျင်သူအဖြစ်ပါ တိုးတက်စေဖို့အတွက်ပါ အကူအညီဖြစ်စေပါတယ်။
People Magazine
0 comments:
Post a Comment