Philip Blackwood (Credit: AFP) |
Philip Balckwood ဟာ VGastro ဘားရဲ့ မန်နေဂျာဖြစ်ပြီး အခုလောလောဆယ် မြန်မာနိုင်ငံသား ဘားပိုင်ရှင်အပြင် တခြား မြန်မာ မန်နေဂျာ တစ်ဦးနဲ့အတူ အင်းစိန်ထောင်မှာ ချုပ်နှောင်ခံနေရပါတယ်။
ပြီးခဲ့တဲ့ ဒီဇင်ဘာလတုန်းက ဗုဒ္ဓဆင်းထုတော်ကို DJ နားကြပ်တပ်ဆင်ပေးထားတဲ့ ဓာတ်ပုံကို ဖေ့စ်ဘွတ်ပေါ် တင်ခဲ့ရာက တရားစွဲခံရတာ ဖြစ်ပါတယ်။
ဘားပိုင်ရှင် ဦးထွန်းသူရိန်နဲ့ မန်နေဂျာ ထွဋ်ကိုကိုလွင်တို့ကတော့ အဲဒီ ဓာတ်ပုံကို သူတို့ မတင်ခဲ့ရတဲ့အတွက် အပြစ်မရှိဘူးလို့ ထွက်ဆိုနေပါတယ်။
နယူးဇီလန်နိုင်ငံသားကတော့ အဲဒီ ဓာတ်ပုံကို တင်မိခဲ့တယ်လို့ ဝန်ခံထားပေမယ့် အရက်ကို ဈေးပေါပေါနဲ့ ရောင်းနေတယ် ဆိုတာကို ကြော်ငြာလိုခြင်းသာ ဖြစ်ပြီး ဗုဒ္ဓရုပ်ပွားကို ပျက်ရယ်ပြုလိုတဲ့ ရည်ရွယ်ချက်နဲ့ တင်ခဲ့တာ မဟုတ်ဘူးလို့ ကာကွယ်ထွက်ဆိုထားပါတယ်။
ဒီအမှုမှာ အပြစ်ရှိတယ်လို့ ထင်ရှားရင်တော့ ဘာသာရေးဥပဒေအရ ထောင်ဒဏ် ၄ နှစ်အထိ ကျခံရနိုင်ပါတယ်။
အမှုကို လာမယ့် မတ်လ ၁၇ ရက်နေ့မှာ စီရင်ချက် ချမယ်လို့လည်း သိရပါတယ်။
ဖေ့စ်ဘွတ်ပေါ် တင်ထားတဲ့ ဓာတ်ပုံကို ပြန်လည်ဖျက်လိုက်သလို VGastro ဘားကိုလည်း ပိတ်ချထားလိုက်ပြီလို့ သိရပါတယ်။
ABC Radio Australia
http://www.radioaustralia.net.au/burmese
0 comments:
Post a Comment