အမှုတွေကို မှန်မှန်ကန်ကန်ဆုံးဖြတ်ပေးဖို့ မတ်လ ၃ ရက်နေ့ က တောင်ကုတ်မြို့ဒေသခံတွေ တရားရုံးရှေ့မှာ ဆန္ဒပြစဉ်။ Photo: RFA |
အဲဒီတရားရုံးမှာ ပြစ်ဒဏ်တွေကို လျော့ပေါ့ချမှတ် တာတွေ ရှိနေတဲ့အတွက် တရားစီရင်ရေးမဏ္ဍိုင် တိမ်းစောင်းနေတာကို အမြန်ဆုံးတည့်မတ်ပေးဖို့ ဒီနေ့ ဆန္ဒပြတောင်းဆိုတာဖြစ်တယ်လို့ မြို့ခံ ဦးဝေသောင်း က ပြောပါတယ်။
"ပြစ်မှုကိုလျော့ပေါ့ပြီး ပြစ်ဒဏ်စီရင်တယ်ဆိုတော့ မမျှတဘူး၊ တောင်ကုတ်မြို့နယ်က တရားရေးမဏ္ဍိုင် တိမ်းစောင်းနေတယ် အဲ့ဒါကြောင့် ဆန္ဒပြတာပါ"
တောင်ကုတ်မြို့နယ် တရားရုံးမှာ သက်သေတွေရဲ့ ထွက်ဆိုချက်တွေကို အမှုတွဲမှာ ပြောင်းပြန်ရေးသားပြီး မမှန်မကန် ဆုံးဖြတ်တာတွေရှိတယ်လို့လည်း ဆန္ဒပြသူတွေက ပြောပါတယ်။
ဆန္ဒပြသူတွေဟာ တောင်ကုတ်မြို့နယ် တရားရုံးမှာ ကိုယ်တိုင်အမှုရင်ဆိုင်ခဲ့ကြသူတွေလို့ ပြောပါတယ်။
RFA Burmese
http://www.rfa.org/burmese
0 comments:
Post a Comment