NLD အစိုးရဖွဲ့နိုင်ရင် ပုဒ်မ ၅၉ (စ)ကို ပြင်နိုင်မယ် ယုံကြည်ကြောင်း ဒေါ်အောင်ဆန်း စုကြည်ပြော

 အောက်တိုဘာလ ၃ ရက်နေ့ကကျင်းပတဲ့ ကချင်ပြည်နယ် မိုးကောင်းမြို့၊ နတ်ကြီးကုန်းရပ်ကွက် အားကစားကွင်းက လူထုဟောပြော ပွဲမှာ ဒေါ်အောင်ဆန်းစုကြည် ကိုတွေ့ရစဉ်။ Photo: Kyaw Myo Min/RFA

 လာမယ့်ရွေးကောက်ပွဲမှာ NLD ပါတီ အနိုင်ရပြီးအစိုးရဖွဲ့နိုင်မယ်ဆိုရင် သူမကို သမ္မတဖြစ်ခွင့်ပိတ်ပင်ထားတဲ့ ပုဒ်မ ၅၉ (စ)ကို ပြင်ဆင်နိုင်မယ်လို့ ယုံကြည်ကြောင်း NLD အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က ဒီနေ့ပြောကြားလိုက်ပါတယ်။

ကချင်ပြည်နယ် မိုးကောင်းမြို့၊ နတ်ကြီးကုန်းရပ်ကွက် အားကစားကွင်းမှာ ဒီကနေ့မနက် ၁၂ နာရီခန့်က ကျင်းပတဲ့ မဲဆွယ်လူထုဟောပြောပွဲမှာ အခုလို ပြောကြားလိုက်တာပါ။

"တကယ်လို့ ကျမတို့အပြတ်အသတ်နိုင်မယ် ပြည်သူလူထုက ကျမတို့ရဲ့နောက်မှာ တောင့်တောင့်တင်းတင်း ညီညီညွတ်ညွတ်ရှိတယ်ဆိုတာ ထင်ရှားလို့ရှိရင် ကျမတို့ ဥပဒေဘောင်အတွင်းကနေပြီးတော့ ဒီပုဒ်မ ကိုပြင်နိုင်မယ်လို့ ကျမယုံကြည်ပါတယ်၊ နောက်တစ်ခုက ဒီပုဒ်မကိုချက်ချင်း ကျမတို့ ပြည်သူလူထုလိုလားသလို ချက်ချင်းလက်ငင်းမပြင်နိုင်ရင်တောင်မှ အမျိုးသားဒီမိုကရေစီအဖွဲ့ချုပ် အစိုးရတက်ရင် ကျမတို့ဦးဆောင် ပြီးတော့ ပြင်သွားမယ်ဆိုတာ ပွင့်ပွင့်လင်းလင်းပြောပါရစေ"

ကချင်ပြည်နယ်ကို စည်းရုံးရေးခရီးထွက်နေတဲ့ ဒေါ်အောင်ဆန်းစုကြည်ဟာ ဒီကနေ့မနက် မြစ်ကြီးနားကနေ နမ္မတီးကို ရောက်ရှိပြီးနောက် ဆယ့်ငါးမိနစ်ခန့် လူထုကိုဟောပြောခဲ့ပါတယ်။

အဲ့ဒီနောက် နမ္မတီးကနေ မိုးကောင်းမြို့ကို ရောက်ရှိပြီး နေ့လည်ပိုင်းမှာ မိုးညှင်းမြို့ကို ဆက်လက်ထွက်ခွာ သွားပါတယ်။ မိုးညှင်းမှာ မနက်ဖြန်မနက် ဟောပြောပြီး အင်းတော်ကြီးဒေသ နန့်မွန်းကျေးရွာကို သွားရောက်မှာဖြစ်ပါတယ်။ မနက်ဖြန်ညမှာတော့ မြစ်ကြီးနားမြို့ကို ပြန်လည်ရောက်ရှိပြီး နောက်တစ်နေ့မှာ ဗန်းမော်မြို့ကို သွားရောက်မယ်လို့ သိရပါတယ်။

RFA Burmese
http://www.rfa.org/burmese

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.