ဆင်ခြေဖုံးမြို့နယ်များတွင် ဆိုင်ကယ်ဖြင့် လုယက်မှုများပြားနေခြင်းကြောင့် သတိပေးကြေညာချက်ထုတ်ပြန်

ဆင်ခြေဖုံးမြို့နယ်များတွင် ဆိုင်ကယ်ဖြင့် လုယူမှုများရှိနေခြင်းကြောင့် သတိပေးကြေညာချက် ဆိုင်းဘုတ် များဖြင့် လုံခြုံရေး သတိရှိကြရန် နှိုးဆော်လျက်ရှိကြောင်း သိရသည်။
လုယက်မှုကျူးလွန်ကြသူများသည် ဆိုင်ကယ်များကို စီးနင်းအသုံးပြုကာ လူနှစ်ဦး၊ သုံးဦးခန့်စီပါဝင်ကြောင်း မှောင်ရိပ်ပျိုးချိန်နှင့် ညအချိန်များ၌ လူပြတ်လပ်သည့်နေရာများတွင် လုယက်မှုများ ကျူးလွန်လျက်ရှိနေ ကြောင်း၊ လုယက်မှုကျူးလွန်ပြီးချိန်၌ ဆိုင်ကယ်ဖြင့် ထွက်ပြေးတိမ်းရှောင်မှုကြောင့် ယင်းဖြစ်စဉ်အများစုတွင် ဖမ်းဆီးရရှိမှုနည်းပါးလျက်ရှိကြောင်း သိရသည်။

''ညနေခင်း နေ၀င်ချိန်တွေ၊ လူပြတ်တဲ့နေရာတွေမှာ ဖြစ်ပွားမှုများတယ်။ ဆိုင်ကယ်နဲ့ လာကြတယ်။ တစီးကို နှစ်ယောက်လည်းရှိတယ်။ သုံးယောက်ပါတာလည်းရှိတယ်။ အများစုကတော့ ပြေးဖို့လွယ်အောင် နှစ်ယောက် တည်းလုတာ များတယ်။ မိတာတော့ မရှိသေးဘူး။ ဒီကောင်တွေမြန်တယ်။ လျင်တယ်၊ တခါတလေ ဆိုင်ကယ် သံတောင် မကြားရဘူး။ ဖုန်းတွေ၊ လက်ဝတ်ပစ္စည်းတွေ လုယက်ပြီးပြေးကြတယ်''ဟု မြောက်ဥက္ကလာပမြို့နယ် (ဇ)ရပ်ကွက်မှ စေတနာရှင်လူမှုဘ၀စောင့်ရှောက်ရေးအသင်းဥက္ကဋ္ဌ ဦးမောင်ဌေးက ပြောသည်။

၎င်းအသင်းအနေဖြင့် ရပ်ကွက်နေပြည်သူများ လုံခြုံရေးသတိရှိကြရန် နှိုးဆော်စာများကို လူစည်ကားရာနေရာ နှင့် လမ်းဆုံနေရာများတွင် ကြေညာဆိုင်းဘုတ်များ ချိတ်ဆွဲ၍ ကြေညာထားကြောင်း သိရသည်။ အဆိုပါ သတိ ပေးချက်တွင် 'မှောင်ရီပျိုးချိန် ဆိုင်ကယ်ဖြင့် ပစ္စည်းလုယက်မှုများ မကြာခဏဖြစ်ပေါ်နေပါသည်။ သတိဖြင့် ၀ိုင်းဝန်းကူညီစောင့်ကြည့်ကြပါရန်။ လမ်းပေါ်တွင် သွားလာနေသူများမှလည်း မိမိတို့၏ လက်ဝတ်ရတနာ၊ တန်ဖိုးရှိပစ္စည်းများနှင့် လက်ကိုင်ဖုန်းများကို ပေါ့ပေါ့ဆဆ ၀တ်ဆင်သွားလာခြင်း မပြုကြရန်နှင့် မှောင်ရီပျိုးချိန် တွင် အထူးသတိပြုသွားလာကြရန် သတိပေးနှိုးဆော်အပ်ပါသည်''ဟူ၍ အဆိုပါအသင်း၏အမည်ဖြင့် သတိပေး ဆိုင်းဘုတ်များ ချိတ်ဆွဲထားကြောင်း သိရသည်။

''ဆိုင်ကယ်နဲ့ လုယက်မှုတွေဖြစ်တယ်။ ဒီလုယက်မှုတွေကလည်း နေရာအနှံ့ဖြစ်ပေါ်နေတယ်။ ဒါတွေကိုကြိုတင် ကာကွယ်နိုင်ဖို့ အသင်းနဲ့ ညှိနှိုင်းပြီး သတိပေးဆိုင်းဘုတ်တွေ ပြုလုပ်ခဲ့တယ်။ အဓိကတော့ တရားဥပဒေစိုးမိုး ရေးဆိုတာ ပါးစပ်က ပြောနေရုံနဲ့မပြီးသေးဘူး။ တရားဥပဒေစိုးမိုးရေးက ရဲတယောက်တည်းလား။ အာဏာပိုင် အဖွဲ့အစည်းပဲ တာဝန်ရှိတာလား။ လမ်းသွားရင်း ဖုန်းပြောနေတယ်။ ဖုန်းကို လုသွားတယ်။ ဒါတွေက ပြည်သူ တွေ ထိန်းရမယ့်ကိစ္စမျိုး။ ကျွန်တော်တို့တွေက သတိပေးရုံပဲရမယ်။ လိုက်နာရမှာက ပြည်သူတွေရဲ့ တာဝန်ပါ'' ဟု (ဇ)ရပ်ကွက် အုပ်ချုပ်ရေးမှူး ဦးညီညီလွင်က ပြောသည်။

လုံခြုံရေးသတိပေးကြေညာချက်များဖြင့် ကြေညာပြီးနောက်ပိုင်း လုယက်မှုများကျဆင်းခဲ့သော်လည်း အခြား ဆင်ခြေဖုံးမြို့နယ်အချို့တွင် ဖြစ်ပွားလျက်ရှိနေသေးကြောင်း သိရသည်။ မြို့ပြ၏ ဖွံ့ဖြိုးတိုးတက်လာမှုများနှင့် အတူ ဒုစရိုက်ဖြစ်ပွားမှုအခြေအနေများ တိုးပွားလာလျက်ရှိပြီး နေအိမ်အထိပင် အုပ်စုဖွဲ့လိမ်လည်မှုများ၊ လုယက်မှုများကလည်း ဖြစ်ပေါ်နေခြင်းကြောင့် ပြည်သူများအနေဖြင့် မှုခင်းအသိနှင့် မှုခင်းသတိများရှိရန် လိုအပ်ကြောင်း မင်္ဂလာတောင်ညွန့်မြို့မရဲစခန်းမှ မြို့နယ်မှူးရဲမှူးသိန်းအောင်က သုံးသပ်ပြောကြားသည်။ ရန်ကုန်တိုင်းဒေသကြီးအတွင်း ၂၀၁၅ ခုနှစ် တနှစ်တာ အမှုကြီး ၁၀ မျိုး၌ ဖြစ်ပွားခဲ့သည့်အမှုပေါင်း ၃၀၅ မှု ရှိခဲ့ကြောင်း တိုင်းရဲတပ်ဖွဲ့မှူးရုံးမှ စာရင်းများအရသိရသည်။

မင်းဗညား
https://www.facebook.com/NewsWatchJournal

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.