တုတ်ဖြင့်ရိုက်ကာ လုယက်မှုကျူးလွန်သူကို ဖမ်းဆီးရမိ

 မရမ်းကုန်းမြို့နယ်တွင် တုတ်ဖြင့်ရိုက်ကာ လုယက်မှုကျူးလွန်သူကို ဖမ်းဆီးရမိ အရေးယူ

ရန်ကုန်၊ ဖေဖော်ဝါရီ ၅

၂၀.၁.၂၀၁၆ ရက်နေ့ ၀၄၀၀ အချိန်တွင် လှိုင်မြို့နယ်နေ ဦးအောင်တင်သည် မရမ်းကုန်းမြို့နယ်၊ ဘုရင့်နောင်ပွဲရုံဝင်းရှိ ဆိုင်သို့သွားရောက်ရန်အတွက် ကျောပိုးအိတ်အတွင်း ငွေကျပ်သိန်း(၁၇၀)ခန့် ထည့်ကာ ၎င်းပိုင်ကားဖြင့် နေအိမ်မှထွက်လာခဲ့ကြောင်း၊ ၀၄၃၀ အချိန်ခန့်တွင် ဘုရင့်နောင်ပွဲရုံဝင်း ရေတမာလမ်းရှိ ဆိုင်သို့ရောက်ရှိပြီး ကားပေါ်မှဆင်း၍ ကျောပိုးအိတ်အား လွယ်ကာ ဆိုင်းခန်းတံခါးသော့ အားဖွင့်နေစဉ် အမျိုးသားတစ်ဦးက နောက်ဘက်မှနေ၍ တုတ်ဖြင့်ရိုက်သဖြင့် ၃မိနစ်ခန့် သတိမေ့လဲကျသွားပြီး သတိပြန်ရစဉ် ငွေများထည့်ထားသောကျောပိုးအိတ်မှာ ပျောက်ဆုံးနေကြောင်း၊ အရိုက်ခံရသဖြင့် ၎င်း၏ဦးခေါင်းထိပ်ပေါက်ပြဲ၊ ယာနောက်စေ့ပေါက်ပြဲ၊ ယာပါးပွန်း၊အောက်မေးစေ့ပွန်း၊ ယာပုခုံးပွန်းဒဏ်ရာများရရှိခဲ့သဖြင့် အင်းစိန်
ဆေးရုံသို့ ဆေးကုသခဲ့ရကြောင်း တိုင်တန်းချက်အရ မရမ်းကုန်းမြို့နယ်၊ ဘုရင်နောင်နယ်မြေ ရဲစခန်း (ပ)၆၂/၂၀၁၆၊ ပြစ်မှုပုဒ်မ ၃၉၄ဖြင့် အမှုဖွင့်ကာ ပြစ်မှုကျူးလွန်သူအား ဖမ်းဆီးရမိရေး စုံစမ်းဆောင်ရွက်ခဲ့ပါသည်။

အမှုမှပြစ်မှုကျူးလွန်သူအား ဖော်ထုတ်နိုင်ရေးအတွက် ရန်ကုန်တိုင်းဒေသကြီးရဲတပ်ဖွဲ့၊ အနောက်ပိုင်းခရိုင်ရဲတပ်ဖွဲ့မှူးရုံး၊ အထူးမှုခင်းနှိမ်နင်းရေးဌာနစုမှ တပ်ဖွဲ့ဝင်များက စုံစမ်းဆောင်ရွက်ခဲ့ရာ ဘုရင့်နောင်ပွဲရုံ၌ အလုပ်သမား အဖြစ်လုပ်ကိုင်သူ ဘခက်(ခ)၀င်းကိုကိုမှာ ရွှေထည်ပစ္စည်းများ ၀ယ်ယူထာကြောင်း သတင်းရရှိသဖြင့် မသင်္ကာသူ အဖြစ်သတ်မှတ်၍ ဖမ်းဆီးရမိရေး ဆောင်ရွက်ခဲ့ရာ ၂.၂.၂၀၁၆ရက်နေ့ ၀၀၃၀ အချိန်တွင် လှိုင်သာယာမြို့နယ်နေ ဘခက်(ခ)၀င်းကိုကို (၂၄)နှစ်အား ဖမ်းဆီးရမိခဲ့ပါသည်။

ဖမ်းဆီးရမိသူအားစစ်ဆေးရာ ၎င်းသည် ၁၉.၁.၂၀၁၆ ရက်နေ့ညနေပိုင်းတွင် ဟန်လင်းအောင်၊ ကျော်သူ၊ ဇင်မင်းသူတို့(၃)ဦးနှင့်ပြစ်မှုကျူးလွန်ရန် တိုင်ပင်ခဲ့ကြပြီး ၂၀.၁.၂၀၁၆ ရက်နေ့ ၀၃၃၀ အချိန်ခန့်တွင် လှိုင်သာယာမြို့နယ်မှ အခင်းဖြစ်နေရာသို့ လိုင်းကားဖြင့် လာရောက်ခဲ့ကြကြောင်း၊ ၀၄၃၀ အချိန်ခန့်တွင် မော်တော်ယာဉ်တစ်စီးဖြင့် အမျိုးသားတစ်ဦး ရောက်ရှိလာကာ ဆိုင်ခန်းတံခါး အားဖွင့်နေစဉ် ဟန်လင်းအောင်မှ အဆိုပါအမျိုးသားအား သစ်သားတုတ်ဖြင့် ရိုက်နှက်ခဲ့ပြီး လဲကျသွားစဉ် ၎င်းတို့မှ အဆိုပါအမျိုးသား
၏ကျောပိုးအိတ်(၂)လုံးအားယူ၍ ထွက်ပြေးခဲ့ပြီး အငှားယာဉ်ဖြင့် ၎င်းတို့နေထိုင်ရာ လှိုင်သာယာမြို့နယ်ရှိ အဆောင်သို့ပြန်ခဲ့ကြကြောင်း၊ အဆောင်မရောက်မီလမ်းမတွင် အငှားယာဉ်ပေါ်မှဆင်း၍လမ်းလျှောက်လာစဉ် လုယူရရှိခဲ့သော ကျောပိုးအိတ်(၂)လုံးအားဖွင့်၍စစ်ဆေးရာ ငွေများမပါရှိသည့် ကျောပိုးအိတ်အား လမ်းဘေးရှိကျွန်းတောထဲတွင် လွင့်ပစ်ခဲ့ကာ ငွေများပါရှိသည့် ကျောပိုးအိတ်အား အဆောင်သို့ယူဆောင်ခဲ့ကြောင်း၊ ယင်းနေ့၀၈၀၀အချိန်တွင် လုယူရရှိခဲ့သော ကျောပိုးအိတ်အား စစ်ဆေးရာ ငွေကျပ်သိန်း(၁၃၀)ကျော်ခန့် ပါရှိသည်ကိုသိရှိရကြောင်း၊ ၎င်းတို့(၄)ဦးငွေများအား ဝေစုခွဲကြရာ ၎င်းမှငွေကျပ်သိန်း(၄၀)ခန့်ရရှိခဲ့ကြောင်း၊ ၂၂.၁.၂၀၁၆ရက်နေ့တွင် အဆိုပါငွေဖြင့် ကျောက်ဖြူပါလက်စွပ်(၁)ကွင်းအား ငွေကျပ်(၁၉၅၀၀၀၀)၊ ကျောက်တစ်လုံးပါရွှေလက်စွပ်(၁)ကွင်းအား ငွေကျပ်(၁၄၀၀၀၀)ဖြင့်ဝယ်ယူခဲ့ကြောင်း၊ ထို့နောက် ကျောက်တစ်လုံးပါရွှေလက်စွပ်ကို ရည်စားဖြစ်သူအား ပေးအပ်ခဲ့ကြောင်းနှင့် ၎င်းထံတွင်ငွေကျပ် (၁၅၉၆၀၀၀)ကျန်ရှိကြောင်း စစ်ဆေးပေါ်ပေါက်ခဲ့ပါသည်။

ပေါ်ပေါက်ချက်များအရ လုယူရရှိသည့်ငွေဖြင့်ဝယ်ယူထားသော ရွှေရည်(၁၅)ပဲ အလေးချိန်(၆)မူးသားခန့်ရှိ ကျောက်ဖြူ(၉)လုံးပါလက်စွပ်(၁)ကွင်းနှင့်ငွေကျပ်(၁၅၉၆၀၀၀)တို့အား ပြန်လည် သိမ်းဆည်းနိုင်ခဲ့ပြီး အမှုဖြင့်အရေးယူဆောင်ရွက်လျက်ရှိကာ ပြစ်မှုကျူးလွန်ရာတွင်ပါဝင်ပြီး ထွက်ပြေးတိမ်းရှောင်နေသူ ဟန်လင်းအောင်၊ ကျော်သူရနှင့် ဇင်မင်းသူတို့(၃)ဦးအား ဖမ်းဆီးရမိရေးဆောင်ရွက်လျက်ရှိကြောင်းနှင့်ကျန်သက်သေခံပစ္စည်းများသိမ်းဆည်းနိုင်ရေး ဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.