 |
| ကလိုရင်း ဓာတ်ငွေ့တိုက်ခိုက်မှုကနေ ပြန်ကောင်းလာသူ လူငယ်တစ်ဦး (Credit: AFP) |
အသက် ၁ နှစ်၊ ၂ နှစ်နဲ့ ၃ နှစ် အရွယ် ကလေးငယ်နဲ့ ကလေးတွေရဲ့ မိဘနဲ့ အဖွားဟာ မတ်လ ၁၆ ရက်မှာ ဖြစ်ခဲ့တဲ့ တိုက်ပွဲတစ်ခုအတွင်း သေဆုံးခဲ့ရပါတယ်။
အဲဒီ ကလေးငယ်နဲ့ သူတို့ မိသားစုဝင်တွေဟာ Idlib ပြည်နယ်က ဖြစ်ပြီး ဓာတ်ငွေ့တွေနဲ့ တိုက်ခိုက်ခံခဲ့ရတာ ဖြစ်ပါတယ်။
အဲဒီကလေးငယ်တွေ ဆေးကုသမှု ခံယူခဲ့တဲ့ ဆေးရုံက ဒေါက်တာ Mohamed Tennari နဲ့ အဲလို ဓာတ်ငွေ့ တိုက်ခိုက်ခံရသူတို့က ကုလသမဂ္ဂကို လာပြီး အခြေအနေကို ရှင်းပြတဲ့အနေနဲ့ ဗီဒီယိုကို ပြသခဲ့တာ ဖြစ်ပါတယ်။
ဆီးရီးယား ပြည်တွင်းစစ်မှာ ဓာတုလက်နက် အသုံးပြုမှုတွေ ရှိတယ်ဆိုတာကို သက်သေပြ ကြတာ ဖြစ်ပါတယ်။
ဒီဗီဒီယိုကို ကြည့်ရှုတဲ့ အခန်းတွင်းက လူတွေ အားလုံး မျက်ရည်ကျခဲ့ရတယ်လို့ အမေရိကန် သံအမတ် Samantha Power က ပြောပါတယ်။
အမေရိကန်၊ ဗြိတိန်နဲ့ ပြင်သစ်ကတော့ ဆီးရီးယား အစိုးရဟာ ပြည်သူတွေအပေါ် ဓာတုလက်နက်တွေ ဖြစ်တဲ့ ကလိုရင်း ဓာတ်ငွေ့အသုံးပြုပြီး တိုက်ခိုက်တယ်လို့ စွပ်စွဲခဲ့ပါတယ်။
သက်သေတွေအရ အဲဒီ ဓာတ်ငွေ့တွေက ရဟတ်ယာဉ် ပေါ်က လာတာလို့ ပြသထားပါတယ်။
ဆီးရီးယားမှာ ရဟတ်ယာဉ် ပိုင်ဆိုင်တာက ဆီးရီးယား အစိုးရပဲ ရှိတာကြောင့် အစိုးရ တပ်ကပဲ ပြည်သူတွေကို ဓာတုလက်နက်တွေနဲ့ တိုက်ခိုက်တာလို့ ပြောဆိုကြပါတယ်။
ဓာတုလက်နက်တွေကို ဆီးရီးယားက ဆက်လက် အသုံးပြုမယ်ဆိုရင် နိုင်ငံတကာက တုန့်ပြန်မယ်လို့လည်း သတိပေးလိုက်ပါတယ်။
ဆီးရီးယားရဲ့ မဟာမိတ်ဖြစ်တဲ့ ရုရှားကတော့ ဒီဓာတု လက်နက်တွေကို ဘယ်အဖွဲ့က အသုံးပြုသလဲ ဆိုတာကို သေချာ လေ့လာပြီး သက်သေတွေ အားလုံး ရှိပြီးမှသာ တုန့်ပြန်မှု လုပ်သင့်တယ်လို့ ပြောဆိုထားပါတယ်။
ABC Radio Australia
http://www.radioaustralia.net.au/burmese
0 comments:
Post a Comment