ပုသိမ် စက်တင်ဘာ ၃ဝ
ဧရာဝတီတိုင်းဒေသကြီးတစ်ခွင် ရေကြီးနစ်မြုပ်မှုများတွင် ပုသိမ်ခရိုင် သာပေါင်းမြို့နယ် ငှက်ပျောတော ကျေးရွာအုပ်စု ကုလားဝဲ၊ ရှမ်းချောင်၊ ကန်လျားကုန်း၊ မယ်ဝန်းဂျောင်၊ တံခွန်တိုင် ၊ ဥသျှစ်၊ ဘုရားနီကျေးရွာ များသည် စက်တင်ဘာ ၃ဝ ရက် အထိ ရေကြီးနစ်မြုပ်မှုဒဏ်ကြောင့် လယ်ယာမြေနှင့် အင်းအိုင်ဆည်တွေ ရေပြင်ဖွေးဖွေးနှင့် ကမ်းမမြင် လမ်းမမြင် ဖြစ်နေဆဲဖြစ်သည်။ မြစ်ရေလျော့ပါးလာသည် ဆိုသော် လည်း ခြောက်ပေ ခုနစ်ပေခန့် ရှိသေး သည်။
''လယ်ယာမြေနှင့် အင်းအိုင် တွေ ရေမြုပ်နေလို့ လယ်သမား၊ အင်းသမားတွေလည်း လုပ်ငန်းတွေ အဆက်ပြတ်ကုန်တယ်။ ဘဏ်ကြွေး တွေဆပ်ဖို့နဲ့ သားသမီးတွေ ပညာရေး၊ ကျန်းမာရေး အခက်အခဲ ဖြစ်နေကြတယ်''ဟု တောင်သူ လယ်သမားကြီး မန်းရွှေထိန်ဝင်းက ပြောသည်။
အဆိုပါ ငှက်ပျောတောကျေးရွာ အုပ်စုဝင် ကျေးရွာများသည် သာပေါင်းမြို့ နယ်နိမိတ်အတွင်းဟု ဆိုရသော်လည်း ကျောင်းကုန်းမြို့ နယ် ကန်ကြီးဒေါင့်မြို့နယ်စပ်ကြား ၌တည်ရှိသော ကျေးရွာများဖြစ်သည်။ ကယ်ဆယ်ရေးအဖွဲ့များနှင့် အလှမ်း ဝေးသော ရွာများဖြစ်သည်။ တာဝန်ရှိသူတို့ပင် ရေနက်ကွင်းပြင် ဖြစ်နေသောကြောင့် အန္တရာယ်ဖြစ် မည်စိုး၍ ရှောင်ကွင်းခံရသောဒေသ ဖြစ်သည်။
ငှက်ပျောတောကျေးရွာ ဆရာ တော် ဘဒ္ဒန္တက္ကန္ဒက (မဟာသဒ္ဓမ ဇောတိကဓဇ)နှင့် တံခွန်တိုင် ကျေးရွာ ဆရာတော် ဘဒ္ဒန္တပညာဇောတ အရှင်မြတ်တို့နှင့် ကျေးရွာအုပ်ချုပ် ရေးမှူး ဦးအောင်စိုးဌေး၊ ကရုဏာ မြန်မာအဖွဲ့ ဦးဗေဒါ (ခ)ဦးကျော်ဆွေ၊ ကရင်တိုင်းရင်းသားရေးရာ ယဉ်ကျေး မှုကော်မတီဥက္ကဋ္ဌ မန်းရွှေထိန်ဝင်း တို့က ကြီးကြပ်ကူညီစီမံမှုဖြင့် ကျေးရွာ ဘုန်းတော်ကြီး ကျောင်းများ၌ ရေဘေးသင့် ရွာသူ၊ ရွာသားများကို ကယ်ဆယ်ရေးစခန်း ဖွင့်လှစ်၍ ကျန်းမာရေး၊ ပညာရေးထောက်ပံ့ ကူညီပေးရသည်။
''ကျွန်မတို့ လယ်မြေတွေလည်း ရက်ပေါင်း ၆ဝ ကျော် ရေနစ်မြုပ်နေ လို့ ရေပြန်ကျပါစေလို့ ဆုတောင်းနေ ရတယ်။ ဒါပေမယ့် ရေက ခြောက်ပေ၊ ခုနစ်ပေရှိသေးတော့ စပါးစိုက်ပျိုးဖို့ မျိုးစပါးအခက်အခဲနဲ့ ထွန်ယက်ဖို့ အခက်အခဲတွေ များစွာရှိနေသေး တယ်။ စိုက်ခင်းယာမြေတွေလည်း ပျက်စီးမှုများပြားနေတယ်။ အင်းအိုင် ဆည်တွေလည်း ရေမြုပ်ပျက်စီး ကုန်တော့ လုပ်ငန်းတွေ အခက်အခဲ များစွာကြုံတွေ့နေရလို့ ရှေ့ဆက် ဘာတွေလုပ်ရမှန်း မသိပါဘူး''ဟု လယ်သူမကြီး ဒေါ်ဖွားလှိုင်က ပြောပြ သည်။
လှကြည်(ပုသိမ်)
Myanmaalinn
https://www.facebook.com/MYANMAALINNNEWS
0 comments:
Post a Comment