လာမည့် ရွေးကောက်ပွဲတွင် NLD ပါတီကနေ အမတ်လောင်းအဖြစ် ဒဂုံမြို့နယ်မှ ၀င်ရောက်ယှဉ်ပြိုင်မည့် ဒေါက်တာ သက်သက်ခိုင်အား ငယ်စဉ်က သူမ၏ အပြုအမူများနှင့် စိတ်ဓာတ်များကို လှောင်ပြောင်ခဲ့သောကြောင့် ယခုအခါ နောင်တရမိကြောင်း အစ်မဖြစ်သူ အကယ်ဒမီ ထွန်းအိန္ဒြာဗို က ပြောသည်။““ဒေါ်သက်သက်ခိုင် ကတော့ ကျွန်မရဲ့ ညီမအရင်း ဆိုတာလည်း တစ်ပိုင်းပေါ့နော်။ ကျွန်မတို့ မိသားစုတစ်စု တည်းကနေ ကြီးပြင်းလာတော့ ငယ်ငယ်ကတည်းက သူ့စိတ်ဓာတ်ကို သိခဲ့ရတယ်။ ငယ်ငယ်ကတည်းက တိုင်းပြည်အတွက် အလုပ်လုပ်ချင် တယ်လို့ တစ်ချိန်လုံး ပြောတယ်။ ပညာတွေ သင်ပြီးတော့မှ တစ်နေ့နေ့ တိုင်းပြည်အတွက် ကူညီဖြစ်အောင် ကူညီမယ်လို့ တစ်ချိန်လုံး ပြောနေတော့ ကလေးအချင်းချင်းပေါ့။ အဲဒီတုန်းက သူလည်းငယ် ကိုယ်လည်းငယ်ဆိုတော့ ကျွန်မတို့ကတော့ ၀ိုင်းဟားတဲ့ ဘက်ကနေ သူ့ကိုတုံ့ပြန်ခဲ့ကြမိ ပါတယ်။ မဖြစ်နိုင်ဘူးပေါ့နော်။ အဆင့်ဆင့် ဒီလိုအုပ်ချုပ်ရေး စနစ်မှာ ကြီးပြင်းခဲ့ရသူ အနေနဲ့ တခြားတိုင်းပြည်တွေလို လွတ်လပ်တဲ့ အခွင့်အရေး ဆိုတာရမှာလည်း မဟုတ်တော့လေ။ ပြက်ရယ်ပြုတဲ့ အပြောတွေကို ပြောခဲ့ဖူးပါတယ်။ အဲဒီအတွက်ကြောင့် ကျွန်မအခု နောင်တသိပ်ရပါတယ်။ အဲဒီတော့ ကျွန်မတို့ရဲ့ နောင်အနာဂတ် တွေမှာလည်း ထပ်တူကျနိုင်မယ်၊ မကျနိုင်ဘူး ဆိုတာကလည်း အစိုးရအဖွဲ့က ဘယ်အစိုးရ အဖွဲ့လည်း ဆိုတဲ့အပေါ်မှာ မူတည်ပါတယ်။ လက်ရှိ အစိုးရအဖွဲ့ကိုပဲ နာမည်ပြောင်းပြီး ထပ်သွားမယ် ဆိုရင်တော့ မျှော်လင့်စရာ မရှိပါဘူး””ဟု ထွန်းအိန္ဒြာဗို ကပြောသည်။ ထွန်းအိန္ဒြာဗိုသည် အသက် (၅၀)ရှိပြီ ဖြစ်ကာ ရွေးကောက်ပွဲ များတွင်လည်း မဲသုံးကြိမ် ပေးခဲ့ဖူးကြောင်း နိုဝင်ဘာလ (၈)ရက် ရွေးကောက်ပွဲတွင် လည်းမဲပေးမည် ဖြစ်ကြောင်းပြောသည်။
Credit: messenger
0 comments:
Post a Comment