အကြမ်းဖက်သတင်းကြောင့် မောင်တောဒေသခံများ ခရီးသွားလာမှုရပ်ဆိုင်း

 ဘင်္ဂါလီ အများဆုံးနေထိုင်ရာ မောင်တောဒေသတွင်း ရွေးကောက်ပွဲ နီးကပ်လာချိန် အကြမ်းဖက် ခြိမ်းခြောက်မည်ဟု သတင်းထွက်ပေါ်နေမှုကြောင့် ဒေသခံများအနေဖြင့် ဒေသတွင်း ကုန်စည် ကူးသန်းသွားလာမှု လုပ်ငန်းများ အများစုမှာ အောက်တိုဘာ လလယ်မှစ၍ ရပ်ဆိုင်းထားရကြောင်း သိရှိရသည်။

နယ်စပ် တစ်ပိုင်တစ်နိုင် ပို့ကုန်သွင်းကုန်လုပ်ငန်းနှင့် ခရိုင်တွင်း မောင်တောဒေသအပြင် ဘူးသီးတောင်မြို့နယ်တွင်းရှိ ဒေသများတွင်လည်း ကုန်စည်ကူးသန်းခြင်း လုပ်ငန်းများအားလုံး ရပ်ဆိုင်းထားရခြင်း ဖြစ်ကြောင်း မောင်တောနယ်စပ် ပို့ကုန်လုပ်ငန်းရှင် ဦးထွန်းအေးက ပြောကြားသည်။

ဘဂါင်္လီများ မဲပေးပိုင်ခွင့် မရရှိသည့်အတွက် RSO (ဘင်္ဂလားဒေ့ရှ် အခြေစိုက် ရိုဟင်ဂျာ လွတ်မြောက်ရေးတပ်ဦး)နှင့် ဒေသဧည့်နေ ဘင်္ဂါလီများပူးပေါင်းပြီး ဒေသခံများ၊ မဲရုံများနှင့် ဒေသတွင်း အစိုးရ၀န်ထမ်းများကို အကြမ်းဖက် တိုက်ခိုက်မည်ဟူသော ခြိမ်းခြောက်မှုသတင်း ထွက်ပေါ်နေကြောင်း ဒေသခံများထံမှ သိရသည်။

“ဘူးသီးတောင်- မောင်တောကားလမ်း ကုန်သွယ်မှုကလွဲပြီး နယ်စပ်ပို့ကုန် လုပ်ငန်းနဲ့ ဒေသတွင်း ကုန်စည်ကူးသန်းမှု လုပ်ငန်းတွေ အခုလလယ်ပိုင်းကစပြီး အားလုံး ရပ်ဆိုင်းနေကြတယ်။ လမ်းခရီး လုံခြုံမှုမရှိဘဲနဲ့ ဘဂါင်္လီကျေးရွာတွေ အထပ်ထပ်ကို ဖြတ်သန်းပြီး သွားလာကုန်ကူးသန်းမှု မလုပ်ရဲကြဘူး။ ဒါကြောင့် စားဝတ်နေရေး အကျပ်အတည်း ဖြစ်ပေါ်နေကြတယ်” ဟု မောင်တောမြို့နယ် ကြိမ်းချောင်းကျေးရွာမှ ဒေသခံတစ်ဦးက ပြောကြားသည်။

ထိုသို့ သတင်းထွက်ပေါ်နေမှုကြောင့် ဒေသခံများအနေဖြင့် ကျေးရွာများတွင် ကိုယ်ပိုင်အစီအစဉ်နှင့် နေ့ညမပျက် ကင်းစောင့်နေကြပြီး ရွာရှိမိန်းမများနှင့် သက်ကြီးရွယ်အိုအချို့မှာ မြို့ပေါ်နှင့် နီးစပ်ရာ လုံခြုံရေးစခန်း ၊ နီးသည့် ကျေးရွာများသို့ ရွှေ့ပြောင်းနေထိုင်လာကြောင်း မောင်တောမြောက်ပိုင်း မင်းကြီးကျေးရွာမှ ဦးမြင့်ဝင်းထံမှ သိရသည်။

“နယ်စပ် ပို့ကုန်သွင်းကုနု လုပ်ငန်းက ကျဆင်းနေတယ်။ တစ်ဖက်ကို သွားလာမှုလည်း လတ်တလောမှာ မရှိသလောက်ဖြစ်နေပြီး တစ်ဖက်ကလည်း လူရော၊ ကုန်ရော အ၀င်မရှိ ဖြစ်နေပါတယ်” ဟု မောင်တော ကုန်သည်ကြီးများအသင်းမှ တာဝန်ရှိသူ ဦးရွှေကျော်က ဆိုသည်။

မောင်တောခရိုင်တွင်း ရွေးကောက်ပွဲကာလတွင် အရေးပေါ် အထူးအစီအစဉ်တစ်ရပ် အနေဖြင့် ခရိုင်ရဲတပ်ဖွဲ့နှင့် နယ်ခြားစောင့်ရဲတို့ ပူးပေါင်းလုံခြုံရေး အင်အားနှစ်ထောင်ကျော် ဖြန့်ကြက် ဆောင်ရွက်နေသော်လည်း ဒေသခံ ကျေးရွာများနှင့် လမ်းခရီးလုံခြုံရေးအတွက် အကာအကွယ် ဆောင်ရွက်ပေးနိုင်မှု မရှိသေးကြောင်း ဒေသတွင်း ကျေးရွာအုပ်ချုပ်ရေးမှူးများထံမှ သိရှိရသည်။

သတင်း - MMK
Photo - Narinjara
The Ladies News Journal
https://www.facebook.com/News.TheLadies

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.