ကမ္ဘာ့အရှည်ကြာဆုံး မြန်မာပြည်တွင်းစစ်တွင် တိုင်းရင်းသား လက်နက်ကိုင် တပ်ဖွဲ့များက အစိုးရတပ်ကို နှစ်ပေါင်း ၇၀ နီးပါး ဆန့်ကျင် တိုက်ခိုက်နေ သည့် နယ်စပ်ဒေသများတွင် ကချင်ပြည်နယ်လည်း ပါဝင်သည်။ မြန်မာနိုင်ငံ ၏ တိုင်းရင်းသား ၁၃၀ ကျော်အနက် အများစုမှာ နယ်စပ်ဒေသများ တွင် နေထိုင်ကြပြီး ဘာသာစကားနှင့် ယဉ်ကျေးမှုများ ကွဲပြားကြသည်။
ဗြိတိန်ထံမှ မြန်မာနိုင်ငံ လွတ်လပ်ရေးရခဲ့သည့် ၁၉၄၈ ကတည်းက တိုင်းရင်းသားများသည် နိုင်ငံရေးအရ ကိုယ်တိုင်ပြဋ္ဌာန်းခွင့် ပိုမိုရရှိရန် ဗဟိုအစိုးရကို ဆန့်ကျင် တိုက်ခိုက်ခဲ့ကြသည်။ အာဏာဆုပ်ကိုင် ထားရန်အတွက် ပဋိပက္ခများကို အကြောင်းပြချက်အဖြစ် အသုံးပြုနေသည့် စစ်တပ်က တိုင်းရင်းသား ဒေသများတွင် အပြင်းအထန် ဖိနှိပ်မှုများ ပြုလုပ် ခဲ့သည်။
၂၀၁၁ နောက်ပိုင်း တဖန်စတင်ခဲ့သည့် ကချင်ပြည်နယ်တွင်း စစ်ပွဲများကြောင့် ဘ၀တွင် ဒုက္ခအကြီးအကျယ် ကြုံတွေ့ခဲ့ရသော ဒေါ်ထန် အဖို့ ဇာတိ ကချင်ပြည်နယ်ကို ငြိမ်းချမ်းလုံခြုံ စေလိုသည့်ဆန္ဒမှာ လာမည့်လ ရွေးကောက်ပွဲအတွက် မဲဆွယ်ကတိများထက် ပိုမိုသည်။ မြေး ၈ ဦး၏ အဘွား အသက် ၆၄ နှစ်အရွယ် ဒေါ်ထန်သည် ၂၀၁၁ တွင် သူ၏ ရွာသို့ စစ်ပွဲများ ကူးစက်လာခဲ့ရသည်။ အစိုးရနှင့် KIA ကြား ၁၇ နှစ်ကြာ တည်ခဲ့သော အပစ်အခတ်ရပ်စဲရေး သဘောတူညီချက် ကျိုးပျက်သွားပြီးနောက် စစ်ပွဲများ ပြန်လည်ဖြစ်ပွားခဲ့ခြင်းဖြစ်သည်။
ဒေါ်ထန်သည် စစ်တပ်ကို လမ်းပြရန် စေခိုင်းခံခဲ့ရပြီးနောက် တိုက်ပွဲအတွင်း တစ်နေ့လုံး ပိတ်မိနေခဲ့သည့် ထိတ်လန့်ဖွယ် အတွေ့အကြုံကို ပြန်လည်ပြောပြခဲ့သည်။ သူမ ပြန်လည်လွတ်မြောက်လာပြီးနောက် မြစ်ကြီးနားမြို့ အနီးရှိ ဒုက္ခသည်စခန်းတစ်ခုတွင် မိသားစုနှင့် ပြန်လည် ဆုံစည်းခဲ့သည့် ဒေါ်ထန် က “ကျွန်မ သေနတ်ကိုင်မထားပေမယ့် စစ်ပွဲရဲ့ အစိတ်အပိုင်းတစ်ခု ဖြစ်ခဲ့ပါတယ်” ဟု ဆိုသည်။
အစိုးရက တစ်နိုင်ငံလုံး အပစ်အခတ်ရပ်စဲရန် ကြိုးစားနေသည်ဟု ဆိုသော်လည်း ကချင်နှင့် ရှမ်းပြည်နယ်များတွင် ထိုးစစ်များ ဆက်လက်ဖြစ်ပွားနေသည့် စစ်ပွဲများက တိုင်းရင်းသားပါတီများ၏ အောင်မြင်မှုကို မှေးမှိန်စေနိုင်သည်။ အပစ်အခတ်ရပ်စဲရေး စာချုပ် လက်မှတ်ထိုးရာတွင် မပါဝင်သည့် KIO ဒုတိယဥက္ကဋ္ဌ ဟောင်း မနန်တူးဂျာက “လုံခြုံရေးမရှိရင် ရွေးကောက်ပွဲကို အောင်မြင်စွာ ပြုလုပ်နိုင်မှာ မဟုတ်ပါဘူး” ဟု ပြောကြားခဲ့သည်။
စစ်အာဏာရှင် အုပ်ချုပ်ရေး လက်အောက်၍ အနှစ် ၆၀ ကျော် ဖြတ်သန်းခဲ့ရသည့် မြန်မာနိုင်ငံအတွက် နိုဝင်ဘာ ၈ ရွေးကောက်ပွဲမှာ ဆယ်စုနှစ်များစွာအတွင်း လွတ်လပ်မှု အရှိဆုံး ဖြစ်လာမည်ဟု ယူဆထားကြသည်။ နိုင်ငံရေးပါတီများက မဲဆွယ်ကတိအဖြစ် တိုင်းရင်းသား ဒေသများအတွက် ဖွံ့ဖြိုးတိုးတက်မှုနှင့် အာဏာ ခွဲဝေမှုများ ရရှိစေမည်ဟု ကတိပြုကြသည်။
နိုင်ငံလူဦးရေတွင် ၃ ပုံ ၁ ပုံ ပါဝင်သဖြင့် တိုင်းရင်းသားများသည် ပါတီများအတွက် အရေးပါသော မဲဆန္ဒရှင်များဖြစ်သည်။ ကချင်ပြည်နယ်ကဲ့သို့ စစ်ပွဲဒေသတွင် မဲဆွယ်ရေးလုပ်ငန်းများမှာ ခက်ခဲသည့် စိန်ခေါ်မှုဖြစ်သည်။ စိန့်ဂျိုးစပ်မိုင်နာ ဒုက္ခသည်စခန်းတွင် မဲပေးခွင့်ရှိသူ ၆၅၀ အနက် မဲပေးရန် မှတ်ပုံတင်ထားသူ ထက်ဝက်ခန့်သာရှိသည်ဟု ဆိုသည်။ စစ်ပွဲတွင် အသက်ရှင်နိုင်ရေးက ဒီမိုကရေစီရေးကို လွှမ်းမိုးနေသည်။
ပြီးခဲ့သည့် ၄ နှစ်အတွင်း နေအိမ်မှ ထွက်ပြေးခဲ့ရသည့် ကချင်စစ်ဘေးဒုက္ခသည် ၁၀၀,၀၀၀ အနက် တစ်ဦးအပါအ၀င် ဖြစ်သည့် ဒေါ်ထန်က မဲပေးရန် မှတ်ပုံတင် စာရင်းပေးထား သော်လည်း မည့်သည့်ပါတီကို ပေးမည်ဟု မဆုံးဖြတ်ရသေးဟု ဆိုသည်။ သို့သော် ရွေးကောက်ပွဲက အပြောင်းအလဲဖြစ်စေနိုင်သည်ဟု သူက အကောင်းမြင်ထားသည်။
“ရွေးကောက်ပွဲပြီးရင် ငြိမ်းချမ်းရေး ရလာမယ်လို့ ထင်ပါတယ်။ သေနတ်သံတွေ ရှိနေရင် ဘ၀ကို ဘယ်လို ရှေ့ဆက်နိုင်ပါ့မလဲ” ဟု ဒေါ်ထန်က ပြောကြားခဲ့သည်။
ကချင်ပြည်နယ်မှာ ကျောက်စိန်းနှင့် သစ်အပါအ၀င် ကြွယ်ဝသည့် သယံဇာတများက ပြည်နယ်အတွင်း စစ်ပွဲများအတွက် တွန်းအားဖြစ်စေပြီး စစ်ပွဲများ ရပ်တန့်ရန်လည်း အတားအဆီး ဖြစ်စေသည်ဟု ဆိုသည်။ ငြိမ်းချမ်းရေးက ပြည်နယ်အတွက် နိုင်ငံရေးအာဏာပါ မြင့်မားလာစေမည်ဟု ဒေသခံများက ယုံကြည်လျက်ရှိသည်။
ပြီးခဲ့သည့် လက အတိုက်အခံခေါင်းဆောင် ဒေါ်အောင်ဆန်းစုကြည်သည် ကချင်ပြည်နယ်သို့ သွားရောက်ခဲ့ပြီး NLD က ငြိမ်းချမ်းရေးနှင့် ဖက်ဒရယ် စနစ် ကို ဖော်ဆောင်ပေးမည်ဟု ကတိပြု ခဲ့သည်။ မြစ်ကြီးနားမြို့ အနီးတွင် ဟောပြောပွဲပြုလုပ်စဉ် NLD ပါတီမှာ မတူကွဲပြားသော တိုင်းရင်းသား မျိုးစုံ ပါဝင် သည့် ပြည်ထောင်စု တစ်ခုလုံးကို ကိုယ်စားပြုသည်ဟု ဒေါ်အောင်ဆန်းစုကြည် က ပြောကြားခဲ့သည်။
ဒေါ်အောင်ဆန်းစုကြည်သည် ကချင်ခရီးစဉ်တွင် ပရိသတ် အများအပြားကို ဆွဲဆောင်နိုင်ခဲ့သည်။ ဒေါ်အောင်ဆန်းစုကြည်၏ ဟောပြောပွဲသို့ လာရောက်သူ ကချင်လူမျိုး အမျိုးသားတစ်ဦက “တကယ်လို့ ဒေါ်စု ရွေးကောက်ပွဲ နိုင်ပြီး တိုင်းရင်းသား တပ်ဖွဲ့တွေနဲ့ သဘောတူလက်မှတ် ထိုးနိုင်ရင် အခြေအနေက ပိုကောင်းလာမှာပါ။ ဒီလိုဖြစ်လာဖို့ “ကျွန်တော်တို့ မျှော်လင့်ပါတယ်” ဟု ပြောကြားခဲ့သည်။
အစိုးရနှင့် KIA ကြား ၁၇ နှစ်ကြာ တည်ရှိခဲ့သည့် အပစ်ရပ်သဘောတူညီချက် အကြောင်း ဒေသခံများက ခါးသီးစွာ ပြန်ပြောပြကြသည်။ ထိုစဉ်က KIA သည် အစိုးရစစ်တပ်နှင့် ပူးပေါင်းကာ သစ်လုပ်ငန်းနှင့် သတ္တုတွင်းလုပ်ငန်းကို အကြီးအကျယ် လုပ်ကိုင်ခဲ့ပြီး ခေါင်းဆောင်ပိုင်းက ချမ်းသာကြွယ်ဝခဲ့သော်လည်း ကချင်လူထုမှာ ဆင်းရဲတွင်း နက်ခဲ့သည်။
NLD သည် ကချင်ပြည်နယ်တွင် ဒေသခံ ကချင်ပါတီ ၄ ခုအပြင် စစ်တပ်ကျောထောက်နောက်ခံ အာဏာရ ကြံ့ခိုင်ရေးပါတီနှင့် ယှဉ်ပြိုင်ရမည် ဖြစ်သည်။ နိုဝင်ဘာ ၈ ရွေးကောက်ပွဲတွင် ၀င်ရောက်ယှဉ်ပြိုင်မည့် ပါတီ ၉၀ ကျော်အနက် ၃ ပုံ ၂ ပုံခန့်မှာ တိုင်းရင်းသား လူနည်းစု ကိုယ်စားပြုပါတီများဖြစ်သည်။
KHTun
The Ladies News Journal
https://www.facebook.com/News.TheLadies
0 comments:
Post a Comment