ရွှေပြည်သာမြို့နယ်တွင် ဂက်စ်ပိုက်လိုင်းယိုစိမ့်ရာမှ မီးလောင်မှုဖြစ်ပွား

ရန်ကုန် ဖေဖော်ဝါရီ ၂၇

ရန်ကုန်တိုင်းဒေသကြီး ရွှေပြည်သာ မြို့နယ် ဘုံရှည်ကုန်းကျေးရွာတွင် ယနေ့ ညနေ ၅ နာရီခွဲခန့်က ဂက်စ် ပိုက်လိုင်းယိုစိမ့်ရာမှ မီးလောင်မှု ဖြစ်ပွားခဲ့သည်။

''ဂက်စ်ပိုက်လိုင်း ပေါက်သံနဲ့အတူ မီးတောက်တွေ တက်လာတော့ ပတ်ဝန်းကျင်ကလူတွေ ထွက်ပြေးကြ တယ်။ မီးတောက်ကအရမ်းမြန်တော့ အနီးကအိမ်ဆိုရင် ဘာပစ္စည်းမှ သယ်ချိန်မရလိုက်ဘူး။ ကိုယ်လွတ်ရုန်း ပြီး ပြေးကြတာတွေ့ရတယ်''ဟု အဆိုပါဖြစ်ပွားမှုအနီးရှိ ကိုသိန်းက ပြောသည်။

ဖြစ်စဉ်မှာ အဆိုပါကျေးရွာ သံဖြူကားမှတ်တိုင်အနီးရှိ အမှတ်(၄)လမ်းမကြီးဘေးတွင် သွယ်တန်းထားသော အဖျောက်မှ ရွှေပြည်သာသို့ ဂက်စ်ပို့လွှတ်သည့် ၁ဝ လက်မ ဂက်စ်ပိုက်လိုင်း၏ အဆက်နေရာမှ ဂက်စ်များပေါက်ထွက်၍ အပေါ်ရှိ လျှပ်စစ်ကြိုးနှင့်ထိတွေ့ရာမှ မီးလောင်မှု စတင်ဖြစ်ပွားခဲ့သည်။

ထိုဖြစ်ပွားရာသို့ သက်ဆိုင်ရာ တာဝန်ရှိသူတို့နှင့်အတူ သန္ဓေ မီးသတ်တပ်ဖွဲ့ဝင် ၃၂၅ ဦး၊ အရန် မီးသတ် ၁၁ဝ၊ ကြက်ခြေနီတပ်ဖွဲ့ဝင် ၉ဝ တို့က မီးငြှိမ်းသတ်ယာဉ် ၃၈ စီး၊ ရေသယ်ယာဉ် ရှစ်စီး၊ ကွပ်ကဲမှုယာဉ် ခုနစ်စီး၊ အထောက်ကူပြုယာဉ် လေးစီး၊ လူနာတင်ယာဉ် ၁ဝ စီး၊ မိတ်ဖက်ရေသယ်ယာဉ် တစ်စီးတို့ဖြင့် ငြှိမ်းသတ်ခဲ့ရာ ၆ နာရီ မိနစ် ၂ဝ တွင် မီးငြိမ်းသွားသည်။

''ဂက်စ်မီးဆိုတော့ အမြှုပ်မီးသတ် ဆေးရည်နဲ့ ရေကိုအသုံးပြုပြီး လူအင်အားများများနဲ့ငြှိမ်းသတ်ခဲ့ရတယ်။မီးလောင်ဆုံးရှုံးမှု တန်ဖိုးအနေနဲ့တော့ အတွင်းပစ္စည်း ကျပ်သိန်း ၃ဝ လောက်ရှိပါတယ်။ အသေးစိတ်ကိုတော့ စုံစမ်းမှုတွေလုပ်နေတုန်းပါ''ဟု ရန်ကုန်တိုင်းဒေသကြီး မီးသတ်ဦးစီး ဌာန ဒုတိယညွှန်ကြားရေးမှူး ဦးသော်ဒါက ပြောသည်။

အဆိုပါဖြစ်ပွားမှုကြောင့် အနီးရှိ ဂိုဒေါင်ဟောင်းတစ်လုံးနှင့် လက်ဖက် ရည်ဆိုင်တစ်ဆိုင် မီးလောင်ခဲ့ပြီး ထိခိုက်ဒဏ်ရာ ရရှိမှုမရှိကြောင်း ကနဦးသတင်းများအရ သိရသည်။

သတင်းနှင့်ဓာတ်ပုံ
ဇော်ကြီး (ပဏီတ)
The Mirror Daily
https://www.facebook.com/TheMirrorDaily

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.