မြန်မာလုပ်သား (၂၀၀)ကျော်အား အကြောင်းမကြားဘဲ အလုပ်ထုတ်လိုက်သည့် အတွက် ထိုင်းနိုင်ငံတွင် ဆန္ဒပြ

တာချီလိတ်၊ ဖေဖော်ဝါရီလ (၂၈) ရက် ။ ။ ထိုင်းနိုင်ငံ၊ စမွတ်စခွန်ခရိုင်အတွင်းရှိ ရော်ဘာစက်ရုံမှ မြန်မာရွှေ့ပြောင်း အလုပ်သမား(၂၀၂)ဦးအား ကြိုတင်အကြောင်းကြားခြင်းမရှိဘဲ ဖေဖော်ဝါရီလ(၂၇)ရက်နေ့တွင် အလုပ်မှ ထုတ်ပစ်လိုက်သဖြင့် ဆန္ဒပြလျှက်ရှိကြောင်း မြန်မာသံရုံး အလုပ်သမား ကူညီစောင့်ရှောက်ရေး ကော်မတီမဟာမိတ်အဖွဲ့မှ သိရသည်။

"အလုပ်သမားတွေကို ရုတ်တရက်ခေါ်ပြီး အလုပ်ဖြုတ်ပစ်လိုက်ကြတာ။ စာချုပ်အတိုင်းလည်း မဟုတ်ဘူး။ ဒီအထဲမှာ MOUနဲ့ အလုပ်လုပ်နေတဲ့ သူတွေလည်းပါတယ်။ အဓိက ဘာမှအကြောင်းမကြား နစ်နာကြေးမပေးဘဲ အလုပ်ဖြုတ်လိုက်ကြလို့ မကျေမနပ်ဖြစ်နေကြတာ။ ဒါကြောင့်ဆန္ဒပြနေကြတာ"ဟု မြန်မာသံရုံး အလုပ်သမားကူညီစောင့်ရှောက်ရေးကော်မတီ မဟာမိတ်အဖွဲ့(AAC)မှ ကိုရဲမင်းက ပြောသည်။

ထိုင်းနိုင်ငံ၊ စမွတ်စခွန်ခရိုင်၊ အုန်းနွဲ့နယ်မြေ၊ စွယ်လုံလစ်အပိုင်းရှိ TOYODAGOSEI ရာဘာပစ္စည်း ထုတ်လုပ်သည့်စက်ရုံမှ မြန်မာရွှေ့ပြောင်းအလုပ်သမား(၂၀၀)ကျော် အလုပ်လုပ်ကိုင်လျှက်ရှိသော အလုပ်သမားများဖြစ်ကြောင်း သိရသည်။

"ဖြစ်ချင်တော့ သူတို့က အလုပ်ရှင်နဲ့ တိုက်ရိုက် စာချုပ်ချုပ်ပြီး အလုပ်လုပ်တဲ့ အလုပ်သမားတွေမဟုတ်ဘူး။ တဆင့်ခံ ကန်ထရိုက်နဲ့ အလုပ်လုပ်တဲ့ အလုပ်သမားတွေဖြစ်နေတယ်။ ကျွန်တော်တို့အခု နစ်နာကြေး၊ လျော်ကြေးတွေရအောင် လုပ်လုပ်ပေးနေပါတယ်"ဟု AAC မဟာမိတ်အဖွဲ့ တာဝန်ခံကိုရဲမင်းမှ ဆက်လက်ပြောသည်။

မြန်မာ အလုပ်သမားများ ဆန္ဒပြနေရာသို့ ထိုင်းဘုရင့်တပ်မတော်မှ တာဝန်ရှိသူများနှင့် စစ်သားများ၊ ထိုင်းရဲတပ်ဖွဲ့ဝင်များလည်း လာရောက်ခဲ့ပြီး ထိုင်းနိုင်ငံ အလုပ်သမားကာကွယ်စောင့်ရှောက်ရေး အဖွဲ့ဖြစ်သည့်(ဆ၀ါဒီကန်)နှင့် အလုပ်သမားဝန်ကြီးဌာနမှ တာဝန်ရှိသူများလည်း လာရောက်ဖြေရှင်းပေးလျှက်ရှိကြောင်း မြန်မာသံရုံး အလုပ်သမားကူညီစောင့်ရှောက်ရေးကော်မတီ မဟာမိတ်အဖွဲ့(AAC)မှ သိရသည်။

ဓာတ်ပုံ ။ ။ ကိုရဲမင်း(AAC)
Tachileik News Agency
http://www.tachileik.net

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.