လောက်ကိုင်တိုက်ပွဲ ဒေသခံထောင်နဲ့ချီ ပိတ်မိနေဆဲ

လောက်ကိုင်ဒေသ စစ်ပွဲတွေကြောင့် နေရပ်ပြန်လာသည့် သူများကို ဖေဖော်ဝါရီလ ၁၆ ရက်နေ့က မန္တလေးမြို့ မှာ တွေ့ရစဉ်။ Photo: Nay Thwae/RFA

တိုက်ပွဲတွေဖြစ်နေတဲ့ ရှမ်းပြည်မြောက်ပိုင်း လောက်ကိုင်မြို့ တ၀ိုက်မှာ အရပ်သား တစ်ထောင်ကျော် လောက် ပိတ်မိ နေသေး တယ်လို့ ကွမ်လုံမြို့အခြေစိုက် ကယ်ဆယ်ရေး လုပ်နေသူ တစ်ဦးက ပြောပါ တယ်။

မြန်မာနိုင်ငံ ကြက်ခြေနီ အဖွဲ့နဲ့အတူ ကယ်ဆယ်ရေး လုပ်ငန်းတွေမှာ အကူအညီပေးနေတဲ့ ကွမ်လုံမြို့အခြေစိုက် ဓမ္မစကူးကျောင်းက ဆရာမ မချစ်မီးက ကျန်နေသေးတဲ့ အရပ်သားတွေဟာ လောက်ကိုင်မြို့နဲ့ အနီးတ၀ိုက်က ကယ်ဆယ်ရေး စခန်းတစ်ခုမှာ ခိုလှုံနေကြ သူတွေဖြစ်တယ်လို့ ပြောပါတယ်။

"ကယ်ဆယ်ရေးစခန်းမှာ ပိတ်မိနေတာရယ်၊ လောက်ကိုင်မြို့တွင်းမှာ ပိတ်မိနေတာရယ်ဆို အယောက်တစ်ထောင်နီးပါးလောက် ရှိမယ်လို့ကြားရတယ်"

မြန်မာနိုင်ငံ ကြက်ခြေနီအဖွဲ့တွေဟာ လောက်ကိုင်မြို့က စစ်ဘေးကြောင့် ထွက်ပြေးနေရသူတွေကို ဖေဖော်ဝါရီလ ၁၃ ရက်နေ့စပြီး ကယ်ဆယ်ပေးနေကြတာဖြစ်ပါတယ်။ ကျန်ရှိနေသူအများစုဟာ လောက်ကိုင်မြို့တ၀ိုက်မှာ စိုက်ပျိုးရေးလုပ်ငန်းတွေမှာ အလုပ်လုပ်နေကြသူတွေဖြစ်ပြီး မြန်မာပြည် အလယ်ပိုင်းဒေသကများပါတယ်။

ပြီးခဲ့တဲ့ ဖေဖော်ဝါရီလ ၁၇ ရက်နေ့က လောက်ကိုင်မြို့ကနေ ဒုက္ခသည်တွေကို ကယ်ဆယ်လာခဲ့တဲ့ ကြက်ခြေနီယာဉ်တန်းဟာ ပစ်ခတ်တိုက်ခိုက်ခံရတဲ့အတွက် ကျန်နေသေးတဲ့ ဒုက္ခသည်တွေကို သွားရောက်ကယ်ဆယ်ဖို့ ယာယီရပ်နားထားတယ်လို့ ပြောပါတယ်။

ဒီနေ့အထိ ကယ်ဆယ်ရေးပြုလုပ်ပေးခဲ့တာ တစ်ပတ်အတွင်း လူဦးရေ ၇၀၀၀ ကျော်လောက်ရှိပြီလို့လည်း သိရပါတယ်။

ဒီအတောအတွင်း ကိုးကန့်ဒေသမှာ အစိုးရက စစ်အုပ်ချုပ်ရေး ကြေညာအပြီး နောက်နေ့ ဖေဖော်ဝါရီ ၁၈ ရက် မနေ့က ချင်းရွှေဟော်မြို့အနီးမှာ အစိုးရတပ်ယာဉ်တန်း တိုက်ခိုက်ခံရတဲ့အတွက် ဗိုလ်ကြီးတစ်ဦးကျဆုံးပြီး တခြားတပ်သား ၃ ဦး ဒဏ်ရာရခဲ့တယ်လို့ သိရပါတယ်။

ဖေဖော်ဝါရီ ၁၅ ရက်နောက်ပိုင်း အစိုးရတပ်က နောက်ထပ် ၃ ဦးကျဆုံးပြီး ဒဏ်ရာရသူ ၂၇ ဦးရှိသွားပြီလို့ ဒီကနေ့ထုတ် အစိုးရသတင်းမီဒီယာတွေက ဖော်ပြပါတယ်။

ကိုးကန့်ဒေသတိုက်ပွဲတွေမှာ ကချင်လွတ်မြောက်ရေးတပ် KIA ၊ တအာင်း ပလောင်လွတ်မြောက်ရေးတပ်ဦး TNLA နဲ့ ရှမ်းပြည်တပ်မတော်မြောက်ပိုင်း SSA ဝမ်ဟိုင်းတပ်တွေက ကိုးကန့်လက်နက်ကိုင်တပ်တွေနဲ့အတူ ပါဝင်တိုက်ခိုက်ခဲ့တယ်လို့ အစိုးရရဲ့ထုတ်ပြန်ချက်မှာ ဖော်ပြထားပြီး ကိုးကန့်တပ်မတော်ဘက်ကလည်း အဲဒီအဖွဲ့တွေ ပူးပေါင်းကူညီတိုက်ခိုက်ပေးနေကြောင်း အတည်ပြုပြောဆိုထားပါတယ်။

RFA Burmese
http://www.rfa.org/burmese/news/civilian-trap-laukaing-conflict-02192015093721.html

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.