 |
| ဓါတ်ပုံ - ဖေဖော်ဝါရီ ၂၆ ရက်က လူထုက တားဆီးပိတ်ပင်လိုက်သော သတ္တုကျောက်တင်ကားများ |
သျှမ်းပြည်မြောက်ပိုင်း နမ့်ခမ်းမြို့ အောင်မေတ္တာရပ်ကွက်အတွင်း သတ္တုကျောက်တင်ကားတစ်စီး ဗုံးခွဲဖျက်ဆီးခံရကြောင်းသတင်းရရှိသည်။
မတ်ခ်ျလ ၁၀ ရက် ၁၉း၂၀ နာရီက ဗုံးခွဲခံရသောကားမှာ ဆီလီကွန် သတ္တုကျောက်တင်ဆောင်ထားသော ငွေကမ္ဘာကျော် သတ္တုတူးဖော်ရေး ကုမ္ပဏီ၏ တရုတ်လုပ် ၆ ဘီးကား ဖြစ် ကြောင်း နမ့်ခမ်းမြို့ဒေသခံ စိုင်းယီ ကဆိုသည်။
“ကား ရဲ့ စက်ခေါင်းအောက်ပိုင်းမှာ ဗုံးခွဲခံရပြီး ကားအင်ဂျင်ပိုင်း တစ်ချို့ပျက်စီးတယ်၊ လူထိခိုက်သေဆုံးမှုတော့ မရှိပါဘူး၊ ကားပိုင်ရှင်က အောင်မေတ္တာရပ်ကွက်က စိုင်းပီးပါ။ သူ့အိမ်ရှေ့မှာဘဲ သူ့ကား ဗုံးခွဲခံရတာ။ ဗုံးက ပြင်းတယ်တဲ့။ မြေကြီးတောင် တုန်သွားတယ်ပြောတယ်၊ ဗုံးပေါက်ကွဲပြီးတော့ မြို့ထဲမှာချက်ချင်း တိတ်ဆိတ်သွား ပါတယ်။ လူသွား လူလာမရှိသလောက်ပဲ ” ဟု ၄င်းကပြောသည်။
ဖေဖော်ဝါရီ ၂၆ ရက်က ဒေသခံပြည်သူလူထု စုပေါင်းပြီး သတ္တုကျောက်တင်ကားများကိုတားဆီးခဲ့ကြောင်း၊ တားဆီးခံရသောကားများတွင် ယခုဗုံးခွဲခံရသောကားလဲပါဝင်ကြောင်း၊ မည်သည့် အဖွဲ့ ကလာရောက်ပြီး ဗုံးခွဲသည်ကိုမသိရသေးကြောင်း အမည်မဖော်လိုသည့် ရဲတပ်ဖွဲ့ နှင့် နီးစပ်သူတစ်ဦးက ဆိုသည်။
“ဗုံးကတော့ တောင်ဖြိုတဲ့ မိုင်းပဲ ၊ ပြီးခဲ့တဲ့နှစ် မြို့နယ်အုပ်ချုပ်ရေးအထောက်အကူပြု အဖွဲ့ ၀င်၊ SNLD ကျားခေါင်းပါတီ အလုပ်အမှုဆောင်အဖွဲ့ဝင် ဦးစိုင်းအောင်ဝင်း နေအိမ်မှာ ပေါက်တဲ့ ဗုံးအမျိုးအစားနဲ့အတူတူပဲဖြစ်တယ်” ဟု ၄င်းက သျှမ်းသံတော်ဆင့် အားပြောသည်။
နမ့်ခမ်းမြို့တွင် မကြာခဏ ဗုံးများပေါက်ကွဲလေ့ရှိပြီး သို့သော် ဗုံးခွဲတရားခံကို အာဏာပိုင်ဘက် တစ်ကြိမ် တစ်ခါ မျှ ဖမ်းဆီးအရေးယူနိုင်ခြင်းမရှိကြောင်းဒေသခံများထံမှ သိရသည်။
သျှမ်းသံတော်ဆင့် / စိုင်းလုံ
https://www.facebook.com/Panglong.burmese
0 comments:
Post a Comment