ခုနောက်ပိုင်း အခြောက်ကားရယ်၊ ဟာသကားရယ် လုံးဝ လက်ခံ ရိုက်ကူးမပေးဖြစ်တော့ဘူးလို့ ဆိုလာတဲ့ ဇေရဲထက်

ခင်ဆွေသက်

အနုပညာသက်တမ်း ၇ နှစ်အတွင်းမှာ အောင်မြင်မှုတစ်ခုနဲ့အတူ နေရာတစ်နေရာကို ရရှိပိုင်ဆိုင်ထားတဲ့ ဇေရဲထက်က ဇာတ်ကားတော်တော်များများနဲ့ တီဗီကြော်ငြာများမှာ ပရိသတ်နဲ့အသားကျလာသလို တော်တော်လေးလဲ အံဝင်ခွင်ကျဖြစ်လာတာကို သူ့ပရိသတ်တွေမြင်မိမှာပါ။ လက်ရှိမှာ စာချုပ်ထက် ဇာတ်လမ်းကောင်းရင်ကောင်းသလို အလွတ်ရိုက်ဖြစ်တယ်ဆိုတဲ့ ဇေရဲထက်နဲ့တွေ့ဆုံခိုက် သူ့ရဲ့ အနုပညာ plan များနဲ့ ၂၀၁၅ ရွေးကောက်ပွဲအကြောင်းမေးမြန်းဖြစ်တဲ့အခါ  

-အခုရိုက်နေတဲ့ ဇာတ်ကားကြီးအကြောင်းကို အရင်ပြောပြပေးပါဦး။

ချစ်ပြီးစလစ် နံပတ်တစ်တဲ့။ ရုပ်ရှင်ကားကြီးပေါ့။ ဒီကားက ၂၀၁၅ ထဲမှာ ကျွန်တော်ရိုက်တဲ့ ၇ကားမြောက်ရုပ်ရှင်ကားကြီးပါ။ ဒါရိုက်တာက ဦးညီညီထွန်းလွင် ပါဝင်တဲ့သရုပ်ဆောင်တွေက ကိုနိုင်ကြီး၊ ကိုရာဇာ၊ မမြတ်ကေသီအောင်၊ မမျိုးသန္တာထွန်း၊ ရွှေမှုန်ရတီရယ်ကျွန်တော်ရယ်ပေါ့။ ဒီကားလေးကဘယ်လိုလဲဆိုတော့ မိဘတွေရဲ့ အမုန်းတွေကြားထဲမှာ အမုန်းတွေကို ပြန်ဖြေပေးပြီး နောက်ဆုံးမှာ ချစ်သူနှစ်ယောက်ပြန်လည်ပေါင်းစီးသွားတဲ့ကာရိုက်တာလေးပါ။

-ဒါပြီးရင်ရော ဘာတွေလက်ခံထားတာရှိသေးလဲ။

ဒီကားပြီးရင် ကျွန်တော်ဗီဒီယို၃ကား Lavander နဲ့ရိုက်ဖို့ရှိပါတယ်။ မင်းသမီးက နန်းဆုဦးရယ်၊ သွန်းဆက်ရယ် ၊ ဖွေးဖွေး ၂ကားပါမယ်။ အဲ့ဒါပြီးရင် ချောင်းသာမှာ ရုပ်ရှင်ကားကြီးတစ်ကား ဗီဒီယို၂ကားရိုက်ဖို့ရှိတယ်။ အဲ့ဒါပြီးရင် ထိုင်းမှာ ၁၁ ၊ ၁၂ ၊ ၁ သုံးလထိုင်းမှာ သွားရိုက်ပါမယ်။ အဲ့ဒါက ဗီဒီယိုကားကြီးပဲ ၈ကားသွားရိုက်ပါမယ်။ မင်းသမီးတွေက သူတို့ချိတ်ထားတာ ၀တ်မှုန်ရွှေရည်၊ ပက်ထရစ်ရှာ၊ ဆုမြတ်နိုးဦး၊ နန်းဆုဦးပါမယ်လို့ပြောပါတယ်။

-ဒီနှစ်ထဲမှာ အစ်ကို ဗီဒီယိုကားရိုက်တာနည်းသလိုပဲ။

ကျွန်တော်ဒီနှစ်ဗီ ဒီယိုနည်းတယ်။ အောင်သီရိ ၆ကား၊ Lavander လဲ ၆ကား၊ ဦးသိန်းဟန်ကကျတော့ ၅ကားရိုက်ပေးလိုက်တယ်။ ကျန်တဲ့ ၂တိုက်ကိုတော့ ၁ကားစီရိုက်ပေးထားတယ်။

-ရုပ်ရှင်ကားကြီးများတာကကျတော့ရော။

ဒီနှစ်ထဲမှာ ဖြစ်ချင်တော့ ရုပ်ရှင်ကားကြီးက ၁၅ ကားလား။ ၁၇ ကားလားမသိဘူး။ လက်ခံထားတော့လေ။ ကားတိုင်းကိုတော့ လက်မခံထားဘူး။ ဇာတ်လမ်းကိုရွေးတယ်။ လုပ်ပြီးသားဟာတွေ ကျွန်တော်ပြန်မလုပ်ဘူး။ အခုနောက်ပိုင်းမှာ ကျွန်တော်ဟာသရယ်၊ အခြောက်ကားရယ်ကို လုံးဝ လက်မခံထားသေးဘူး။ အဲ့ဒါတွေကို ရိုက်ရတာရိုးလာပြီ။ ငြီးငွေ့လာပြီဆိုတော့လေ။ နောက်ပြီးဟာသက ပိုပင်ပန်းတယ်။ ကိုယ့်အတွက်လဲ အနုပညာမကျန်ဘူး။ ပရိသတ်တွေအနေနဲ့ကလဲ တဒင်္ဂပဲပျော်စရာဖြစ်မှာ။ ဒါပေမဲ့ ကျွန်တော်တို့အနုပညာချပြတဲ့အခါမှာကျတော့ ပေါပေါပဲပဲကြီးဖြစ်သွားတာပေါ့။ ကျွန်တော်တို့လက်ခံတဲ့ကားတွေက ပရိသတ်ပြည်သူလူထုကို ခွန်အားဖြစ်စေမဲ့ကား၊ ပညာပေးမဲ့ကားမျိုးတွေနောက် ရိုမန့်စ်ဆန်ဆန် အချစ်ကားလေးတွေကိုမှ လူငယ်တွေကို ပညာပေးတဲ့ကားလေးတွေပဲရိုက်ချင်တာကြောင့်ပါ။

-အစ်ကို့ကားတွေဆိုထွက်တာမြန်တယ်လို့ ပရိသတ်တွေဆီကပြောတာပြန်ကြားရတယ်။

ဟုတ်။ နယ်မှာဆိုရင်တော့ ထွက်တယ်။ ရန်ကုန်မှာဆိုရင်တော့ မင်းသားတစ်ယောက်ကို တစ်လ ၃ကားပဲ ထွက်ပိုင်ခွင့်ရှိတယ်လေ။ ကျွန်တော်လဲ ၃ကားပဲ။ အခုထွက်တဲ့ကားတွေက ဟိုးအရင်ကထွက်ပြီးသား ကားတွေလဲပါတယ်။ တချို့တွေကမဖြန့်သေးပဲနဲ့ဥထားတာမျိုး ရှိတယ်။ ဘာလို့လဲဆိုတော့ ဟိုးတုန်းက စာချုပ်မင်းသားကိုး။ ကျွန်တော်တို့မှာ ရွေးချယ်ပိုင်ခွင့်မရှိဘူး။ ပရိုဂျူဆာချပေးတဲ့ကားကို ရိုက်ခဲ့ရတယ်။ မကောင်းတဲ့ကားတွေလဲ ရှိတယ်။ မကောင်းတဲ့ကားတွေဆိုလဲ အကောင်းဆုံးဖြစ်အောင် ကျွန်တော်တို့ကြိုးစားပေးခဲ့ရတယ်။ ဥပမာ တစ်နှစ်စာချုပ် ဆို ကျွန်တော့အနေနဲ့ သမာရိုးကျဇာတ်တွေကို ပရိုဂျူဆာတွေက လက်ခံထားတဲ့အတွက် ကျွန်တော်တို့ကြိုးစားပေးခဲ့ရတယ်။

-အခုကျတော့ စာချုပ်မချုပ်တော့ဘူးပေါ့။

အခုစာချုပ်ချုပ်ထားတဲ့ တိုက်က Lavander ဆိုနောက်၃ကားပြီးရင်ပြည့်သွားပြီခင်ဗျ။ နောက်ပြီး အောင်သီရိနဲ့ရှိမယ်။ နောက် Green Hill နဲ့ရုပ်ရှင်ကားကြီးရှိမယ်။ ကျွန်တော်အလွတ်ပဲရိုက်ဖြစ်တယ်။ ဇာတ်လမ်း ဇာတ်ညွှန်းပြည့်စုံရင် ကျွန်တော်လက်ခံပါတယ်။

-၂၀၁၅ ရွေးကောက်ပွဲမှာ ဘယ်ပါတီကိုမဲပေးဖြစ်မလဲ။

ကျွန်တော်ကတော့ NLD ပဲ။

-ရွေးကောက်ပွဲပြီးသွားတဲ့အခါမှာ မြန်မာနိုင်ငံကို ဖြစ်စေချင်တဲ့ အစ်ကို့ရဲ့ ဆန္ဒလေး။

ကျွန်တော်ကတော့ တိုးတက်စေချင်တာပေါ့။ ကျွန်တော်တခြားအလုပ်တွေနဲ့မပြောပါဘူး။ ကျွန်တော်တို့အနုပညာလောကကို ကြည့်ကြည့် အရမ်းအခက်အခဲဖြစ်တယ်။ တချို့နိုင်ငံတွေဆို Setting တွေကအစသေချာ သပ်ရပ်မှုရှိတယ်။ ၀င်ငွေကောင်းကောင်းနဲ့လဲ လုပ်ပေးနိုင်တယ်။ ကျွန်တော်တို့ဆို ရက်ပိုင်းတိုတိုလေးတွေနဲ့ရိုက်ရတယ်။ ရက်ပိုင်းတိုတိုလေးနဲ့ရိုက်ရတဲ့အတွက် ပရိသတ်ရဲ့ဝေဖန်မှုတွေကိုလဲ အရမ်းခံရတယ်။ ကျွန်တော်တို့မြန်မာနိုင်ငံရဲ့ဈေးကွက်ကိုက ပရိုဂျူဆာတွေက ထုတ်သုံးရင် ထုတ်သုံးသလောက်ကိုပြန်မရတာ။ ဒါပေမဲ့ ကျွန်တော်တို့အနုပညာနဲ့ပတ်သက်ပြီး အကောင်းဆုံးချပြခဲ့ရတာပဲရှိပါတယ်။

Source:trend.com.mm

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.