လက်ပံတောင်းတောင် ဒေသခံများ သီးနှံလျော်ကြေးပေးရန် ကျိန်စာတိုက်ကာ ဆန္ဒထုတ်ဖော်

 စစ်ကိုင်းတိုင်းဒေသကြီး ၊ ယင်းမာပင်ခရိုင် ၊ ဆားလင်းကြီးမြို့နယ်တွင် တည်ရှိသည် လက်ပံတောင်းတောင်တွင် ကြေးနီတူးဖော်ရေး စီမံကိန်း ပြုလုပ်နေသည့် ဝမ်ပေါင်ကုမ္ပဏီနှင့် ဦးပိုင်ကုမ္ပဏီတို့အား ဒေသခံ ၁၂၀ ကျော်က သီးနှံလျော်ကြေးမပေးသည့်အတွက် ဇန်နဝါရီလ ၂၀ ရက်နေ့တွင် ထပ်မံဆန္ဒထုတ်ဖော်ကြသည်။

“၃၇ မင်း ဒီနေရာ ဒီဌာနတို့ ကြွရောက်ပြီး ကျွန်မတို့ လယ်ယာမြေတွေကို သိမ်းဆည်းထားတဲ့ တရုတ် ဝမ်ပေါင်နဲ့ ဦးပိုင်တို့မှ လူတွေကို စီရင်ပေးပါ။ ကျွန်မတို့ ဒုက္ခရောက်ခဲ့သလို ဒီလူတွေလည်း ဒုက္ခနဲ့ ကြုံတွေ့ပါစေ။ မြေယာနဲ့ တောင်တွေကိုဖြိုကျနေတဲ့ သူတွေကိုလည်း ဒုက္ခနဲ့ ကြုံပါစေ” ဟု ဆန္ဒထုတ်ဖော်သူများက
ပြောခဲ့ကြသည်။

တရုတ်ဝမ်ပေါင် ကုမ္ပဏီနှင့် ဦးပိုင်ကုမ္ပဏီတို့ ဘက်မှ တာဝန်ရှိသူများနှင့် တွေ့ဆုံညှိနှိုင်းလိုကြောင်း တောင်းဆို နေကြသော်လည်း ထူးခြားမှုမရှိကြောင်းဒေသခံများထံမှ သိရသည်။

"ကျွန်မတို့က သီးနှံလျော်ကြေးငွေ လိုချင်တာပါ။ တစ်နှစ်တစ်ကြိမ် ပေးပါမယ်လို့စာချုပ်မှာ ပါတယ်။ ဒါကို ဦးပိုင်နဲ့ တရုတ်ဝမ်ပေါင်က ပျက်ကွက်တာပါ။ ဒါကြောင့်မို့အခုလို ဆန္ဒဖော်ထုတ်ပြီး တောင်းဆိုရတာ ဖြစ်ပါတယ် " ဟု တုံရွာမှ ဒေါ်မာချိုကပြောသည်။

လက်ပံတောင်းတောင် ဒေသခံများ၏ ဆန္ဒထုတ်ဖော်ပွဲကို ဇန်နဝါရီ ၂၀ ရက်နေ့နေ့လယ် ၂ နာရီ ၃၀ မိနစ်အချိန်တွင် ပြုလုပ်ခဲ့ပြီး ဆင်တည်းရွာ၊ တုံရွာမ၊ တုံအလယ်တော၊ တုံတောကျောင်း၊ တုံရွာမ၊ တုံရွာသစ်၊ တုံလယ်တီ၊ရွှေလှေကျေးရွာတို့မှ တောင်သူ ၁၂၀ ကျော်ပါဝင်ကြောင်း သိရသည်။

အဆိုပါ ဒေသခံများသည် ဇန်နဝါရီလ ၁၈ ရက်က စတင်ဆန္ဒထုတ်ဖော် နေကြခြင်းဖြစ်သည်။

သတင်း - MMK
The Ladies News Journal
https://www.facebook.com/News.TheLadies

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.