ပခုက္ကူမြို့နေ ဘော်ဒါဆောင် ကျောင်းသူတစ်ဦးက ၎င်း၏ ရည်းစားဟောင်းမှ ၎င်းအား နောက်ရည်းစား ထားသည့် အထင်ဖြင့် ဆဲဆို၊ ရိုက်နှက်၊ ကြိမ်းမောင်းခဲ့ခြင်းနှင့် ပတ်သက်၍ တိုင်ကြားမှုတစ်ခု ဇန်နဝါရီ ၂၃ ရက်နေ့က ဖြစ်ပွားခဲ့ကြောင်း ပခုက္ကူမြို့နယ် ရဲတပ်ဖွဲ့မှူးရုံးမှ သိရှိရသည်။
ဖြစ်စဉ်မှာ ဇန်နဝါရီ ၂၂ ရက်နေ့ နံနက် ၁၀ နာရီခွဲအချိန်က မ ----- အသက် ၁၈နှစ်၊ ဒုတိယနှစ်၊ ပခုက္ကူ တက္ကသိုလ်၊ ဆောမြို့နယ် နေသူသည် ပခုက္ကူမြို့၊ အမှတ် ၆ရပ်ကွက်ရှိ ရွာသားလေး အမျိုးသမီး ဘော်ဒါဆောင်၌ သူငယ်ချင်းများနှင့်အတူ၊ အဆောင်မှူးနှင့် အတူ ရှိနေစဉ် ယခင်က ရည်းစားဟောင်းဖြစ်သူ ကို------
အသက် ၁၈ နှစ်၊ ပထမနှစ် (ပခုက္ကူတက္ကသိုလ်)၊ သာစည်ကျေးရွာ၊ ရေစကြို မြို့နယ်နေထိုင်သူ ရောက်ရှိလာပြီး မ---- အား နောက်ရည်းစားထားသည့် အထင်ဖြင့် မကျေနပ်ဖြစ်ကာ ဆဲဆိုကြိမ်းမောင်း၊ ပါးရိုက်၊ လက်သီးနှင့် ထိုးခဲ့ခြင်းဖြစ်သည်။
အဆိုပါ အကြမ်းဖက်မှု ဖြစ်စဉ်ကြောင့် မ------တွင် နဖူးနှင့် ယာဘက်မျက်လုံး ဖူးရောင်ညိုမည်း၊ ပါးနာကျင်၊ ဦးခေါင်းနောက်စေ့ ဖူးရောင်ဒဏ်ရာ (မစိုးရိမ်ရ)ရရှိခဲ့ပြီး မ-----ပိုင် တန်ဖိုးကျပ် ၁၃၅,၀၀၀ တန်ဖုန်းအား ဆွဲယူရိုက်ခွဲ ဖျက်ဆီးခြင်းများ ပြုလုပ်သည့်အပြင် ယင်းနေ့ နံနက် ၁၁ နာရီ အချိန်ခန့်တွင် ပခုက္ကူ ဘူတာဘက်သို့ မ----- အား ၎င်းက ဆိုင်ကယ်ဖြင့် ခေါ်သွား၍ ထပ်မံဆဲဆို ရိုက်နှက်ပြီး နေ့လယ် ၁နာရီ အချိန်ကျမှ ၎င်း၏ အဆောင်သို့ ပြန်လည်ပို့ခဲ့ခြင်း ဖြစ်ကြောင်း တရားလို မိန်းကလေး၏ တိုင်ကြားချက်အရ သိရှိရသည်။
ယင်းဖြစ်စဉ်နှင့် ပတ်သက်၍ မ----- က အကြမ်းဖက်ခဲ့သူအား အရေးယူပေးရန် ဇန်နဝါရီ ၂၃ ရက်နေ့တွင် တရားလိုပြု တိုင်ကြားခဲ့သောကြောင့် ပခုက္ကူမြို့နယ်၊ မြို့မရဲစခန်းက (ပ)၂၄/၂၀၁၆၊ ပုဒ်မ ၂၉၄/၅၀၆/ ၃၂၃/၄၂၇ တို့ဖြင့် အမှုဖွင့် ထားကြောင်း သိရှိရသည်။
သတင်း - MMK
The Ladies News Journal
https://www.facebook.com/News.TheLadies
0 comments:
Post a Comment