ရန်ကုန်(မဇ္ဈိမ)။ ။ အိန္ဒိယနိုင်ငံ ရေပိုင်နက်အတွင်း ထိန်းသိမ်းခံထားရသော မြန်မာရေလုပ်သား ရေမျှောဒုက္ဒသည်များအား
လေးနှစ်အတွင်း ဒုက္ခသည် ဦးရေငါးထောင်ကျော်ကို မြန်မာနိုင်ငံသို့ ပြန်လည်ခေါ်ယူနိုင်ခဲ့သည်ဟု ဇန်နဝါရီလ ၁၈ ရက်ထုတ် နိုင်ငံပိုင် သတင်းစာများတွင် ဖော်ပြထားသည်။
အကြောင်းအမျိုးမျိုးကြောင့် အိန္ဒိယနိုင်ငံ ရေပိုင်နက်အတွင်းရောက်ရှိ ထိန်းသိမ်းခံထားရသော မြန်မာရေလုပ်သားဒုက္ခသည် ၅၃၁၂ ဦးကို ၂၀၁၀ ခုနှစ်မှ ၂၀၁၄ ခုနှစ်အတွင်း ပြန်လည်ခေါ်ယူနိုင်ခဲ့ခြင်းဖြစ်သည်ဟု ကယ်ဆယ်ရေးနှင့် ပြန်လည်နေရာချထားရေး ဦးစီးဌာနမှ တာဝန်ရှိသူ၏ ပြောကြားချက်ကို ကိုးကားပြီး နိုင်ငံပိုင်သတင်းစာများတွင် ဖော်ပြထားခြင်း ဖြစ်သည်။
ထို့ပြင် ယခုနှစ်ဆန်းပိုင်းတွင်လည်း အိန္ဒိယနိုင်ငံ၊ ပို့ဘလဲမြို့မှ မြန်မာရေလုပ်သား ၃၉၇ ဦးကို ထပ်မံခေါ်ယူနိုင်ခဲ့သည်။
ယခုကဲ့သို့ မြန်မာလုပ်သားများ၏ ပြန်တော်ပြန်ခရီးစဉ်တွင် ကမ်းခြေစောင့်သင်္ဘောဖြင့် ၁၂၆၃ဦး၊ လေယာဉ်ဖြင့် ၄၄၄၆ ဦးတို့ ကို ပြန်လည်ခေါ်ယူနိုင်ခဲ့ခြင်း ဖြစ်သည်။
0 comments:
Post a Comment