တရုတ်နဲ့မပတ်သက်ကြောင်း ကိုးကန့်တပ်ဖွဲ့ခေါင်းဆောင် ငြင်းဆို

ကိုးကန့်တပ်ဖွဲ့ဝင် တချို့ကိုတွေ့ရစဉ်။ Photo: AFP

ကိုးကန့်တိုက်ပွဲတွေမှာ တရုတ်နိုင်ငံသားတွေပါဝင် တိုက်ခိုက်နေတယ်ဆိုတာ မဟုတ်မှန်ကြောင်း အစိုးရနဲ့ တိုက်ပွဲတွေဖြစ်နေတဲ့ MNDAA ခေါင်းဆောင် ဦးဖုန်ကြား ရှင်က ဒီနေ့ ငြင်းဆိုလိုက်ပါတယ်။

ကိုးကန့်တိုက်ပွဲတွေမှာ တရုတ်နိုင်ငံသားတွေနဲ့ တခြားကြေးစားတပ်သားတွေ ပါဝင်တိုက်ခိုက်နေတာ ရှိမရှိ တရုတ်အစိုးရပိုင် အင်္ဂလိပ်သတင်းစာဖြစ်တဲ့ Global Times သတင်းစာက တယ်လီဖုန်းနဲ့ ဆက်သွယ်မေးမြန်း ရာမှာ ဦးဖုန်ကြားရှင်က အခုလို ပြောကြားလိုက်တာပါ။

၂ဝဝ၉ ခုနှစ်က အဖြစ်အပျက်အပြီး ကိုးကန့်တပ်တွေမှာ တရုတ်နိုင်ငံသား ဝင်ရောက် စစ်မှုထမ်းတာ တွေကို တားမြစ်ခဲ့ကြောင်း၊ တရုတ်နိုင်ငံသားတွေ ကိုးကန့်ဘက် က ပါဝင်တာမျိုးဟာ ကောင်းကျိုးထက် မိမိတို့အတွက် အန္တရာယ်သာဖြစ်စေနိုင်တာ ကြောင့်ဖြစ်ကြောင်း၊ တရုတ်နိုင်ငံ သားတွေပါလာရင် တရုတ်အစိုးရက သိပြီး ဖိအားပေးတာများလာနိုင်တဲ့အတွက် တရုတ်နိုင်ငံသားတွေပါတာကို တားမြစ်ထားတာဖြစ်တယ် လို့ ဦးဖုန်ကြားရှင်က ပြောပါတယ်။

မြန်မာအစိုးရကတော့ တရုတ်နိုင်ငံသားတွေ ကိုးကန့်တိုက်ပွဲမှာပါဝင်နေသလို တရုတ် နိုင်ငံပိုက်နက်ကို အသုံးပြု ပြီး မြန်မာဘက်ကို အကြမ်းဖက် တိုက်ခိုက်နေတာတွေကိုတားမြစ်ပေးဖို့ တရုတ်အစိုးရကို တောင်းဆိုထားပါတယ်။

RFA Burmese
http://www.rfa.org/burmese/news/not-involved-china-koekant-leader-refusal-02252015101953.html

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.