 |
| မာရှယ်လော အုပ်ချုပ်ရေး ဆိုတာ တာဝန်ခံ စစ် အရာရှိ ကို အာဏာ အလုံးစုံ ပေးလိုက် တာ ဖြစ်တယ် လို့ ဗဟို တရားရုံး ရှေ့နေကြီး က ရှင်းပြပါတယ်။ |
အဲဒီ ထုတ်ပြန်ချက်ထဲမှာ လုံခြုံရေး၊ ကုန်သွယ်ရေး၊ သယ်ယူပို့ဆောင်ရေး ကိစ္စရပ်တွေ အပါအဝင် တရားစီရင်ရေးကိုပါ လောက်ကိုင် အခြေစိုက် ဒေသကွပ်ကဲမှု စစ်ဌာနချုပ်ရဲ့ အကြီးအကဲ ဗိုလ်မှူးကြီး စောမြင့်ဦးကို တာဝန် ပေးထားပါတယ်။
စစ်အုပ်ချုပ်ရေး ဒေသထဲက အာဏာပိုင် အဖွဲ့အစည်း အဆင့်ဆင့်ဟာ သူတို့ရဲ့ လုပ်ငန်း တာဝန်တွေကို သူ့ရဲ့ ကွပ်ကဲမှုအောက် ဆောင်ရွက်ရမှာ ဖြစ်ပါတယ်။
အရေးပေါ် အခြေအနေမှာ ရှိနှင့်တဲ့ အုပ်ချူပ်ရေးနဲ့ တရားစီရင်ရေး အာဏာတွေကို ယာယီ ဖျက်သိမ်းပြီး တာဝန်ခံ စစ်အရာရှိကို အာဏာ အလုံးစုံ ပေးလိုက်တာ ဖြစ်တဲ့အတွက် အဲဒီ့ စစ်အရာရှိရဲ့ သဘောအတိုင်း အားလုံး စီမံနိုင်ခွင့် ဖြစ်တယ် ဆိုပြီး စစ်အုပ်ချုပ်ရေးရဲ့ သဘာသဘာဝကို ဗဟို တရားရုံး ရှေ့နေကြီး ဦးအုံးလှိုင်က ရှင်းပြပါတယ်။
စစ်အုပ်ချုပ်ရေး ကာလ အတွင်းမှာ မတရားသင်းနဲ့ လက်နက် အက်ဥပဒေတွေ အရ ပြစ်မှုတွေ၊ လူသတ်မှု၊ မုဒိန်းမှုနဲ့ ဓားပြမှုတွေ အပါအဝင် အမှုပေါင်း ၁၆ မျိုးကို စစ်ခုံရုံးနဲ့ အကျဉ်းရုံး စီရင်နိုင်ပြီး ကာကွယ်ရေး ဦးစီးချုပ်က အတည်ပြုရင် သေဒဏ်အထိ ချမှတ်နိုင်တယ်လို့ ထုတ်ပြန်ချက်ထဲမှာ ဖော်ပြထားပါတယ်။
BBC Burmese
http://www.bbc.co.uk/burmese/burma/2015/02/150218_kokang_mershal_law
0 comments:
Post a Comment