လက်ပံတန်းကျောင်း သားတွေ ပြန်မလွတ်သေး

လက်ပံတန်းမြို့ဈေးအနီးမှာ မတ်လ ၆ ရက်နေ့မနက်က ဆန္ဒပြခဲ့တဲ့ ကျောင်းသား ၄ ဦးနဲ့ ကျောင်းသူ ၁ ဦးကို ရဲတပ်ဖွဲ့က ဖမ်းဆီးစဉ်။ Photo: Kyaw Zaw Win/RFA

လက်ပံတန်းမြို့မှာ မတ်လ ၅ ရက်နေ့က ဖမ်းဆီးလိုက်တဲ့ ပင်မသပိတ်စစ်ကြောင်းက ကျောင်းသား ၅ ယောက်ကို ဒီနေ့အထိ ပြန်မလွှတ်သေးဘူးလို့ သိရပါတယ်။

သူတို့ကို ကျောင်းသားခေါင်းဆောင်တချို့က မနေ့က သွားရောက်တွေ့ဆုံခဲ့ပေမဲ့၊ သူတို့အိမ်ပြန်မယ်ဆိုရင် ပို့ပေး မှာဖြစ်ပြီး၊ မပြန်ရင်အမှုဖွင့်အရေးယူမယ် လို့ရဲကပြော ဆိုကြောင်း အဲ့ဒီကျောင်းသားတွေကို သွားရောက် တွေ့ဆုံ ခဲ့တဲ့ ဗကသများအဖွဲ့ချုပ် မြောင်းမြခရိုင် ဥက္ကဌ ကိုမြတ်သူ က RFA ကိုပြောပါတယ်။

"အဲ့မှာကျနော်တို့ မနက် ၉ နာရီခွဲလောက်ကတည်း က တွေ့ခွင့်တောင်းပေမဲ့ တွေ့ခွင့်မရပဲနဲ့ နဲနဲ ကြာတော့မှ ကျနော်တို့ကိုတွေ့ခွင့်ပေးတယ်၊ တွေ့ ခွင့်ပေးတော့ ကျနော်တို့ကျောင်းသားတွေက အိမ်ပြန်မလားဆိုတော့ မပြန်ဘူးလို့ပြောတော့ သူတို့ကဥပဒေအရဆက်ဆောင်ရွက်မယ်လို့ပြော ပြီးတော့ ထိန်းသိမ်းထားတယ်ပေါ့ "

ဒဂုံတက္ကသိုလ်က ကိုရဲမျိုးဆွေ၊ ကျောက်ဆည်တက္ကသိုလ်က ကိုရဲရင့်ပိုင်မှူး၊ ကိုသာအေး၊ ကိုအောင်မင်းခန့်နဲ့ မန္တလေးရတနာပုံတက္ကသိုလ်က မအိသဉ္ဇာမောင် တို့ ၅ ယောက်ဟာ ရန်ကုန်မြို့တော်ခန်းမရှေ့မှာ ကျောင်းသားတွေ အကြမ်းဖက်နှိမ်နင်းခံရတဲ့ အကြောင်း လက်ပံတန်းဈေးအနီးမှာ ဟောပြောနေတုန်း ရဲတပ်ဖွဲ့နဲ့ အရပ်ဝတ် လူအုပ်စုတစ်စု က ဖမ်းဆီး ခေါ်ဆောင်သွားတာဖြစ်ပါတယ်။

RFA Burmese
http://www.rfa.org/burmese

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.