ပျက်ကျသွားသော လေယာဉ်အား ၂၀၁၄ ခုနှစ်အတွင်းက တွေ့ရစဉ်
လူ(၁၅၀) သေဆုံးသည့် လေယာဉ်ပျက်ကျမှု ဖြစ်ပွားပြီးနောက် Germanwings လေကြောင်းလိုင်းမှ လေယာဉ်မှူးများ တာဝန်ယူ မောင်းနှင်ရန် ငြင်းဆန်မှုများကြောင့် ခရီးစဉ်တစ်ခုကို ဖျက်သိမ်းခဲ့ရကြောင်း သတင်းရရှိသည်။
မတ်လ ၂၄ရက်က Germanwings လေကြောင်းလိုင်းမှ Airbus A320 အမျိုးအစား ခရီးသည်တင် လေယာဉ်တစ်စီးသည် ပြင်သစ်တောင်ပိုင်းရှိ အဲ့လ်ပ်စ်တောင်တန်း ဒေသတွင် ပျက်ကျရာ လိုက်ပါသွားသည့် ခရီးသည် (၁၄၄)ဦးနှင့် အမှုထမ်း (၆)ဦးစလုံး သေဆုံးခဲ့သည်။
ဂျာမန် နာမည်ကျော် လေကြောင်းလိုင်း Lufthansa ၏ လက်အောက်ခံ ဘတ်ဂျတ် လေကြောင်းလိုင်း တစ်ခုဖြစ်သည့် Germanwingsသည် ယခင်က လုံခြုံရေး ကဏ္ဍတွင် အကောင်းဆုံး မှတ်တမ်းများ ရှိနေခဲ့ရာ ယခုဖြစ်ရပ်သည် အံ့ဩချောက်ချားစရာ ဖြစ်လာသည်။
Lufthansa လေကြောင်းလိုင်းမှ ပြောရေးဆိုခွင့်ရ အမျိုးသမီးက “Lufthansaရဲ့ ခရီးစဉ်တွေကတော့ မူလ အစီအစဉ်အတိုင်း ပျံသန်းပါမယ်။ Germanwingsရဲ့ ခရီးစဉ် တစ်ခုကတော့ ဖျက်သိမ်းလိုက်ပါတယ်။ ဒါကလည်း လေယာဉ်မှူးတွေက သူတို့အနေနဲ့ ခရီးစဉ်ကို တာဝန်ယူဖို့ စိတ်ပိုင်းဆိုင်ရာ အဆင်သင့် မဖြစ်သေးတာကြောင့်ပါ”ဟု ပြောကြားခဲ့သည်။
ဖျက်သိမ်းလိုက်သော ခရီးစဉ်သည် ဂျာမနီနိုင်ငံ ဒူဆယ်လ်ဒေါ့ဖ်မြို့မှ စပိန်နိုင်ငံ၊ ဘာစီလိုနာသို့ ပျံသန်းရန် ဖြစ်သည်။ ဖြစ်ရပ်ဆိုး ကြုံခဲ့သည့် လေယာဉ်သည် ဘာစီလိုနာမှ ဒူဆယ်လ်ဒေါ့ဖ်သို့ ဦးတည်ပျံသန်းရင်း ပျက်ကျသွားခြင်း ဖြစ်သည်။ ဂျာမန်လေယာဉ်မှူးများ ယူနီယံက လေယာဉ်မှူးများ အနေဖြင့် လေယာဉ်ကို မောင်းနှင်ရန် ငြင်းဆိုခြင်းသည် စိတ်ပိုင်းဆိုင်ရာ အခြေအနေကြောင့်ဖြစ်ပြီး လုံခြုံရေး အားနည်းချက်ကြောင့် မဟုတ်ဟု ကြေညာခဲ့သည်။
“ဒီကိစ္စက လုံခြုံရေးနဲ့ မဆိုင်ပါဘူး။ ပျက်ကျတဲ့ လေယာဉ်ကို မောင်းခဲ့တဲ့ လေယာဉ်မှူးတွေဟာ အခုလေယာဉ်မှူးတွေနဲ့ အရင်းနှီးဆုံး သူငယ်ချင်း လုပ်ဖော်ကိုင်ဖက်တွေပါ”ဟု ယူနီယံမှ တာဝန်ရှိသူ ဂျော့ဂ်ျ ဟန်းဝက်ဂ်က ပြောကြားခဲ့သည်။ ၎င်းက “စိတ်ပိုင်းဆိုင်ရာ ဖိစီးမှု အရမ်းများနေချိန်မှာ လေယာဉ်ကို တာဝန်ယူ မောင်းနှင်ဖို့ ငြင်းဆန်တာဟာ ဖြစ်သင့်ပါတယ်”ဟုလည်း ဆိုသည်။
ယင်းနှင့်ပတ်သက်ပြီး “ကျွန်တော်တို့ အနေနဲ့ လေယာဉ်မှူးတွေရဲ့ ဆုံးဖြတ်ချက်အပေါ် နားလည်ပေးနိုင်ပါတယ်”ဟု Germanwings၏ အမှုဆောင်ချုပ် သောမတ်စ် ဝင်ကဲလ်မန်းက ပြောကြားသွားသည်။
_Ref: CNA
Source:7daydaily.com
0 comments:
Post a Comment