အကြမ်းဖက်တိုက်ခိုက်မည့် သတင်းကြောင့် မောင်တောတွင် လုံခြုံရေး တိုးမြှင့်

 ရန်ကုန်၊ ဇူလှိုင် ၁၈

 မြန်မာနိုင်ငံ အနောက်ဘက် နယ်စပ်မြို့ မောင်တောတွင် အကြမ်းဖက်တိုက်ခိုက်မည် ဆိုသည့် သတင်းကြောင့် လုံခြုံရေး တိုးမြှင့်ထားပြီး ဌာနဆိုင်ရာ အသီးသီးသို့လည်း မြို့နယ် အုပ်ချုပ်ရေးမှူးက အထူး သတိပေးမှု တစ်ရပ် ပြုလုပ်ထားကြောင်း သတင်း ရရှိသည်။

မောင်တောမြို့နယ် အုပ်ချုပ်ရေးမှူး ဦးလှမြင့် က ဌာနဆိုင်ရာများသို့ ဇူလှိုင်လ ၁၃ ရက် နေ့စွဲဖြင့် အကြောင်းကြားစာ ပေးပို့ရာတွင် “ လုံခြုံရေး အထူးသတိထားဆောင်ရွက်သွားရန် ကိစ္စ” ဟု ခေါင်းစဉ်တပ် ပေးပို့ခဲ့သည်ဟု သိရသည်။

ဌာနဆိုင်ရာများသို့ အကြောင်းကြားရာတွင် တစ်ဘက် ဘင်္ဂလာဒေ့ရ်ှနိုင်ငံ၊ စစ်တကောင်းမြို့တွင် RSO အဖွဲ့နှင့် Islamic အဖွဲ့များ ပူးပေါင်း၍ မြန်မာနိုင်ငံ ရခိုင်ပြည်နယ် အတွင်း ရှိ ဘင်္ဂလီများ၏ ဥပုသ်ကာလ အပြီး ၂၀၁၅ ဇူလှိုင်လ ၁၉ ရက်နှင့် နောက်ပိုင်းကာလများတွင် ဌာနဆိုင်ရာရုံးများနှင့် ရခိုင်တိုင်းရင်းသားများ စုဝေးနေထိုင်သည့် နေရာများ၌ ဖောက်ခွဲရေး လုပ်ငန်းများ၊ အကြမ်းဖက် လုပ်ငန်းများ ဆောင်ရွက်သွားရန်နှင့် အောင်မြင်မှု မရရှိပါက ဌာနဆိုင်ရာ ၀န်ထမ်းများအား ခေါင်းဖြတ် လုပ်ကြံသွားရန် ပြင်းထန်စွာ တိုက်တွန်းထားသည်ဟု ဖော်ပြပါရှိသည်။

ယင်းပြင် ဘင်္ဂလီလူမျိုးများအား ၂၀၁၅ ခုနှစ် နိုဝင်ဘာလ ၈ ရက်နေ့ ရွေးကောက်ပွဲတွင် မဲပေးပိုင်ခွင့်မရသဖြင့် နိုင်ငံတော် အစိုးရအား နည်းမျိုးစုံဖြင့် လျို့ဝှက်တိုက်ခိုက်ကြရန် ဆော်သြ တိုက်တွန်းထားသည်ဟုလည်း စာထဲတွင် ဖော်ပြထားသည်။

သို့အတွက် လုံခြုံရေး အမြဲ သတိရှိစေရန်နှင့် ဌာနလုပ်ငန်းများကို ကွင်းဆင်းဆောင်ရွက်ရာတွင် တစ်ဦးတစ်ယောက်တည်း သွားလာခြင်းမရှိစေရန်လည်း အကြောင်းကြားထားသည်ဟု သိရသည်။

ထိုသို့ အကြမ်းဖက် တိုက်ခိုက်မည်ဆိုသည့် ခြိမ်းခြောက်မှုများကြောင့် လုံခြုံရေး မဲ့နေသော ဒေသများတွင် စာသင်ပြနေသော ဆရာ၊ ဆရာမများ အနေဖြင့် မောင်တောမြို့ပေါ်သို့ ပြန်လာနေကြသည်ဟု သိရသည်။

Narinjara
https://www.facebook.com/pages/Narinjara

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.