အနုပညာလောကထဲကို ၀င်ရောက်လာတာ ၂နှစ်ရှိပြီဖြစ်ပြီး မော်လ်ဒယ်ရှိုးတော်တော် များများမှာလဲ တွေ့မြင်ရသလို အနုပညာပျိုးခင်းမှာ ပါဝင်ရောက်ယှဉ်ပြိုင်ဖူးခဲ့တဲ့ သံသာမိုးသိမ့်က၂၀၁၄ အကယ်ဒမီရွှေကြိုမှာပါ ပါဝင် လှုပ်ရှားဖူးတဲ့ အတွေ့အကြုံတွေကြောင့် လက်ရှိမှာ ဗီဒီယိုအနေနဲ့ ၆ကား ရိုက်ကူးထားပြီး ဂီတကိုလဲ ၀ါသနာကြီးလှတဲ့ အတွက် သူမရဲ့ အနုပညာရေးရာများကို အခုလိုမေးမြန်းဖြစ်တဲ့အခါ
-အခုရိုက်နေတဲ့ ဇာတ်ကားလေးအကြောင်းကို အရင်ပြောပြပေးပါဦး။
ဒီနေ့ရိုက်နေတဲ့ ကားလေးက ရည်းစားဖြတ်နည်းတဲ့။ ဒါရိုက်တာကကိုပြည်ဟိန်းသီဟပါ။ ညီမရယ်၊ ကိုမင်းမော်ကွန်းရယ်၊ မခိုင်လေးရယ်ပါ။ ဒီကားလေးထဲမှာကိုယ်ကငယ်ငယ်ရွယ်ရွယ်၊ သွက်သွက်လက်လက်လေးပေါ့။ ကိုမင်းမော်ကွန်းကညီမတို့ရဲ့ စီနီယာပေါ့။ သူနဲ့ကျောင်းဇာတ်လမ်းလေးရှိခဲ့ဖူးတယ်။ ကျောင်းပြီးတဲ့အချိန် အပြင်မှာပြန်တွေ့တယ်။ ပြန်ဆက်ကြတယ်။ ဒါပေမဲ့ အိမ်ကညီမကိုပေးစားမဲ့သူရှိတော့ ညီမကသူ့ကို ဖြတ်လိုက်ရတယ်။ အဲ့ဒီလိုပုံစံလေးပေါ့။ ဒီကားလေးက ညီမရဲ့ ၆ကားမြောက်ကားလေးပေါ့။
-ညီမရိုက်တဲ့ ကားလေးတွေက မင်းသမီးနှစ်လက် အပြိုင်ပုံစံလေးတွေ များတယ်နော်။ ကိုယ့်ထက်ဝါရင့်တဲ့ အကြီးတွေနဲ့တွဲသရုပ်ဆောင်ရတဲ့အခါ ဘယ်လိုအတွေ့အကြုံတွေရလဲ။
အခုကတော့ အပြိုင်လေးတွေ ရိုက်လာရတယ်။ မခိုင်လေးဆိုလဲ ကိုယ့်ရဲ့စီနီယာပဲ။ အရင်တုန်းကလဲ ကားရိုက်တွေ ဆုံဖူးတယ်ဆိုတော့ အရမ်းကြီး တစ်ခုခုဖြစ်မှာကို စိုးရိမ်နေတာမျိုးတော့မဖြစ်ဘူး။ ကိုယ်နဲ့ level တန်းတွေနဲ့တွဲရိုက်တဲ့အခါမှာလဲ အဆင်ပြေတယ်။ သူလဲသူ့အလုပ်သူလုပ်၊ ကိုယ်လဲ ကိုယ့်အလုပ်ကိုယ်လုပ်ပေါ့။ သူတို့တွေနဲ့တွဲရိုက်တဲ့အခါ ကိုယ့်အတွက်ပညာတွေ အများကြီးရတယ်။ ကိုယ်ယူတတ်ရင် ယူတတ်သလိုပေါ့။
-အသစ်တစ်ယောက်ဖြစ်တဲ့အတွက် ကာရိုက်တာကလဲ မစုံသေးဘူး။ ကိုယ့်စိတ်ထဲမှာ အရမ်းသရုပ်ဆောင်ချင်နေတဲ့ ကာရိုက်တာပုံစံတွေရောရှိမလား။
ညီမက ဒရာမာကို ပိုသဘောကျတယ်။ အခုလက်ရှိဆို ညီမသရုပ်ဆောင်ချင်နေတဲ့ ကာရိုက်တာက ခပ်ဆိုးဆိုးမိန်းမတစ်ယောက်ပေါ့။ ဘယ်သူ့ကိုမှ ဂရုမစိုက်တဲ့ မိန်းမတစ်ယောက်အနေနဲ့သရုပ်ဆောင်ကြည့်ချင်ပါတယ်။
-ဒီလောကထဲကို ၀င်ရောက်လာတာရော ဘယ်လောက်ရှိပြီလဲ။
၂ နှစ်ရှိပါပြီ။ ပထမတစ်နှစ်ကတော့ ညီမကားမရိုက်ခင် ရှုတင်တွေ လိုက်လေ့လာတယ်။ နောက်ပြီးတော့ ဒီရုပ်ရှင်ဖက်မှာဆို ဒါရိုက်တာဦးဟိန်းစိုးက ညီမရဲ့ လက်ဦးဆရာ၊ မော်လ်ဒယ်ဖက်မှာဆို ကိုဂျွန်လွင်က ညီမရဲ့လက်ဦးဆရာပါ။ ကိုဂျွန်တို့နဲ့ရှိုးတွေလျှောက်တယ်။ ပြိုင်ပွဲတွေဝင်ပြိုင်တယ်။ အဲ့ဒီမှာလူသိလာတယ်။ နောက်အနုပညာပျိုးခင်းမှာ ၀င်ပြိုင်တယ်။ နောက်ဆုံးကအကယ်ဒမီရွှေကြိုပေါ့။ အဲ့ဒါပြီးတော့ ဇာတ်ကားတွေစရိုက်တယ်။
-အနုပညာလောကကိုတချို့က ရှုပ်ထွေးတယ်လို့ပြောကြတယ်။ ညီမလေးကိုယ်တိုင်ရော ကိုယ်ဖြတ်သန်းလာခဲ့ရတဲ့ ၂ နှစ်အတွင်းမှာ ဘယ်လိုမြင်မိလဲ။
-ဒီလောကကတော့ ကိုယ်မနေတတ်ရင် အကုန်လုံးကတော့ ရှုပ်ထွေးနေမှာပါပဲ။ ညီမတို့ကျတော့ အခုတွေ့တယ်။ စကားပြောလိုက်တယ်။ ခင်တယ်။ အတွင်းကျကျ သိပ်မပေါင်းဖြစ်ဘူး။ ကိုယ့်ဟာကိုယ်နေတတ် ထိုင်တတ်ဖို့ပဲ လိုပါတယ်။
-ဒီ၂နှစ်အတွင်းမှာ အတိုက်အခံ ၊ အတိုက်အခိုက်တွေနဲ့ရော ကြုံခဲ့ဖူးလား။
သူကလဲ သူ့အလုပ်သူလုပ်တယ်။ ကိုယ်ကလဲကိုယ့်အလုပ်ကိုယ်လုပ်တယ်။ သူ့ကိုလဲ ကိုယ်မတိုက်ခိုက်သလို၊ ကိုယ့်ကိုလဲ သူလာ တိုက်ခိုက်မှာမဟုတ်ဘူး။ အဓိကကတော့ မေတ္တာဆိုတာရောင်ပြန်ဟပ်မှာပဲ။ သူ့ကို ကိုယ်မေတ္တာထားရင် သူကလဲ ကိုယ့်ကို မေတ္တာပြန်ထားမှာပဲ။ ရှုတင်တစ်ခုမှာ တစ်ယောက်နဲ့တစ်ယောက်ကြည့်မရဘူးဆိုရင် အဆင်ပြေမှာ မဟုတ်ဘူး။ အတိုက်အခိုက်တော့ရှိမှာပဲ။ အခုညီမကစီနီယာ၊ ဂျူနီယာအကုန်လုံးနဲ့ အဆင်ပြေတယ်။ ကိုယ်လဲကိုယ်နေတတ်သလိုနေတယ်။ အခုထက်ထိတော့ အတိုက်အခိုက်ကြီးကြီးမားမား မရှိသေးပါဘူး။
-ဂီတဖက်ကိုရောဝါသနာပါလား။
ဟုတ်သီချင်းဆိုရတာကိုလဲ ညီမကြိုက်ပါတယ်။ အခုက ကားရိုက်တွေ၊ ကြော်ငြာရိုက်တွေ၊ ဓာတ်ပုံရိုက်တွေနဲ့တောက်လျှောက်ဖြစ်နေတဲ့အတွက် အဆိုဖက်ကိုတော့ မလှည့်ဖြစ်သေးပါဘူး။ အခွေထုတ်ဖို့ကတော့ စဉ်းစားတုန်း။ အခုက ညီမဆိုချင်တဲ့ ပုံစံလေးတွေကို တေးရေးကောင်းကောင်းမှာ အပ်ပြီးတော့ အွန်လိုင်းပေါ်တင်ဖို့တော့ အစီအစဉ်ရှိကြောင်းပြောပြခဲ့ပါတယ်။
0 comments:
Post a Comment