၎ရက်နေ့မှာ နှင်းဆီအဖွဲ့နဲ့အတူ အငြိမ့်ကဖို့ရှိတဲ့ မင်းမော်ကွန်း

ခင်ဆွေသက်

အေးချမ်းပျော်ရွှင်စရာ အပြည့်နဲ့ မိသားစုဘ၀လေးအပြင် လက်ရှိမှာ ဇာတ်ကားရိုက်ကူးမှုတွေနဲ့ အနုပညာ အသိုင်းအ၀ိုင်းကြားထဲကို ပြန်လည်ရောက်ရှိလာပြီဖြစ်တဲ့ မင်းမော်ကွန်းက ဒီတစ်လလုံးမှာ ရေဘေးအတွက် နယ်တွေကို ကိုယ်တိုင်ဆင်းပြီး အားပေးစကားပြောခဲ့သလို ၄ရက်နေ့မှာလဲ ပြန်လည်ထူထောင်ရေးအတွက် နှင်းဆီအဖွဲ့ကလုပ်မဲ့ အငြိမ့်မှာလဲ ပါဝင်ကူညီဦးမှာမို့သူနဲ့တွေ့ဆုံခိုက် လက်ရှိလှုပ်ရှားဖြစ်နေတဲ့ လှုပ်ရှားမှုများအကြောင်းနဲ့ ဇာတ်ကားရိုက်ကူးမှုအများအကြောင်းကိုမေးမြန်းကြည့်တဲ့အခါ

"ဒီနှစ်ထဲမှာကားကြီးက ၂ကားရှိတယ်။ တစ်ကားကတော့ ၀ိဥာဉ်စိမ်းတဲ့။ ဒါရိုက်တာက ဦးဝင်းထွန်းထွန်း၊ ကိုရန်လေးပါမယ်။ ကိုကျော်သူ၊ ကျွန်တော်၊ ကိုကျော်ကျော်ဗို၊ ဟိန်းဝေယံ၊ မြင့်မြတ်ပေါ့။ ပုပ္ပါးမှာ သွားရိုက်မှာပါ။ ဗီဒီယိုပိုင်းကတော့ ကျွန်တော် အောင်သီရိနဲ့စာချုပ်ချုပ်ထားတယ်။ သင်္ကေတနဲ့လဲ ဆက်ရိုက်ဖို့ရှိတယ်။ အခုနောက်ပိုင်း ကျွန်တော့် အသက်အရွယ်နဲ့ လိုက်ဖက်တဲ့ ကာရိုက်တာမျိုးပဲ ရိုက်ဖြစ်ပါတော့မယ်။ ကျောင်းသား ကာရိုက်တာတွေနဲ့တော့ ကျွန်တော့်ကို တွေ့ရတော့မှာ မဟုတ်ပါဘူး။"လို့ ဆိုသွားတဲ့ မင်းမော်ကွန်းက လက်ရှိမှာတော့ ဒါရိုက်တာ ပြည်ဟိန်းသီဟ ရည်းစားဖြတ်နည်း ဇာတ်ကားမှာ ခိုင်သင်းကြည်၊ သံသာမိုးသိမ့်တို့နဲ့အတူ ရိုက်ကူးနေတယ်လို့ သိရပါတယ်။

ရေဘေးနဲ့ပတ်သက်ပြီး မြန်မာနိုင်ငံသားတစ်ယောက်ရဲ့ အမြင်နဲ့ပါဝင်ဖြစ်တဲ့ ပရဟိတလုပ်ငန်းတွေကိုလည်း  "ကျွန်တော်တို့ရခိုင်သွားတယ်။ နောက် ပဲခူးတိုင်းဖက်က မိုးညို၊ မင်းလှ။ နောက် ဧရာဝတီတိုင်းဖက်ကဆို အင်္ဂပူ၊ ညောင်တုန်း၊ ဟင်္သာတဖက်တွေကို ကိုယ်တိုင်ကိုယ်ကျ သွားရောက်အားပေးဖြစ်တယ်။ သူတို့ကို တွေ့ရတော့ တော်တော်လေး ဒုက္ခရောက်နေတာလဲတွေ့ရတယ်။ သူတို့အတွက် အဓိက လိုအပ်တာက ဆန်၊ ဆေးဝါးနဲ့ရေရယ်ပေါ့။ တတ်နိုင်သမျှတော့ ကျွန်တော်တို့အနုပညာသမားတွေ သူတို့ဆီကို သွားပြီး စိတ်ဓာတ်တွေကိုမြှင့်တင်ပေးနေပါတယ်။ နောက်ပြီး ကျွန်တော်တို့ရန်ပုံငွေပွဲတွေ ကပေးဖြစ်တယ်။ နောက်နှင်းဆီအဖွဲ့ အနေနဲ့လဲ ရှေ့လ ၄ ရက်နေ့ Novotel Hotel မှာအငြိမ့်ကပေးဖို့ရှိပါတယ်။ ရတဲ့ပိုက်ဆံတွေကို ရေဘေးသင့်ပြည်သူတွေပြန်လည် ထူထောင်ရေးအတွက်လှူမှာပါ။"လို့ သူက ပြောပြသွားပါတယ်။

ဂီတပိုင်းမှာ လုပ်လက်စအခွေနဲ့ပတ်သက်ပြီးတော့လည်း မင်းမော်ကွန်းက "ကျွန်တော်အခုအခွေလေး လုပ်ထားတာကြာနေပြီပေါ့။ တစ်ကိုယ်တော်အခွေတော့မဟုတ်ဘူး။ Band နဲ့တွဲပြီးလုပ်ထားတဲ့ အခွေလေးပေါ့။ ကျွန်တော် အခုတစ်လလုံးကရေဘေး ကိစ္စကို ပါဝင်ကူညီဖြစ်နေတဲ့အတွက် ကားရိုက်ကိုတောင် အချိန်မပေးနိုင်ပါဘူး။ အခုတောင်မှ မဖြစ်မနေမို့လို့ရိုက်ဖြစ်သွားတာ။ ဒီတစ်လလုံး သီချင်းကိစ္စကို ဘာဆိုဘာမှ မလုပ်နိုင်သေးပါဘူး။ နောက်ရှေ့လကျရင်လဲ ကားကြီးနဲ့နယ်ထွက်ရမယ်။  နောက်နှင်းဆီပွဲလဲရှိတော့ သီချင်းကို လုပ်ဖြစ်မယ် မထင်သေးဘူး။ Mixing တော့ရောက်နေပါပြီ။ သီချင်းခွေရဲ့ Title ကိုလောလောဆယ် Band နာမည် Lonely Famous ဆိုပြီးပေးထားပါတယ်"တဲ့။ 

 Source:trend.com.mm

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.