ဆယ်နှစ်အတွင်း အပြောင်းအရွှေ့ဈေးကွက်၌အမြတ်ပေါ်ပြီး ချန်ပီယံဖြစ်သည့်အသင်းမှာ ချယ်လ်ဆီးတစ်သင်းသာရှိ

ဇူလိုင် ၃၁၊ လန်ဒန် ။       ။ ပရီးမီးယားလိဂ်ပြိုင်ပွဲတွင် ဆယ်နှစ်အတွင်း အပြောင်းအရွှေ့ဈေးကွက်၌ အမြတ်အစွန်းပေါ်ပြီး ရာသီကုန်တွင် ဗိုလ်စွဲသည့်အသင်းမှာ ချယ်လ် ဆီးတစ်သင်းသာ ရှိသည်။

ထို့ပြင် ချယ်လ်ဆီးအသင်းသည် ယင်း ၁၀ နှစ်အတွင်း ချန်ပီယံသုံးကြိမ်ဖြစ်ခဲ့ရာတွင် အခြားသောနှစ်များတွင် ချန်ပီယံဖြစ်သည့် အသင်းများ လောက် ငွေကြေးသုံးစွဲခဲ့ခြင်းမရှိသည်ကိုလည်း တွေ့ရသည်။

ပြီးခဲ့သည့် ၂၀၁၄-၁၅ ဘောလုံးရာသီတွင် ချယ်လ်ဆီးအသင်းသည် ကစားသမားခေါ်ယူမှုအတွက် ယူရို ၁၃၇ ဒသမ ၇ သန်း သုံးစွဲခဲ့သော် လည်း ကစားသမားပြန်လည်ရောင်းချရာမှ ယူရို ၁၄၆ ဒသမ ၂ သန်းပြန်လည်ရရှိခဲ့သောကြောင့် အပြောင်းအရွှေ့ဈေးကွက်အတွင်း ယူရို ၈ ဒသမ ၅ သန်းမြတ်စွန်းခဲ့သည်။ ရာသီကုန်တွင်လည်း ပရီးမီးယားလိဂ် ချန်ပီယံဖြစ်ခဲ့သည်။

ချယ်လ်ဆီးနည်းပြမော်ရင်ဟိုသည် ပြိုင်ဘက်များအနေဖြင့် ဆုဖလားကိုငွေဖြင့် ဝယ်ယူနေသည်ဟု ပြောဆိုခဲ့သည့် မှတ်ချက်ကြောင့် ဂယက် ရိုက်ခဲ့ပြီးstatscreamer.com က မော်ရင်ဟို၏ မှတ်ချက် စကားနှင့် ပတ်သက်ပြီး အချက်အလက်များဖြင့် ဖော်ပြခဲ့ခြင်းဖြစ်သည်။

သို့သော် ယင်းအချက်အလက်များမှာ ကစားသမား ဝယ်၊ ရောင်း ကိုအခြေခံကာ ဖော်ပြထားခြင်းဖြစ်ပြီး ကစားသမားအဝယ်တစ်မျိုးတည်းသာ ကြည့်မည်ဆိုပါက ချယ်လ်ဆီးအသင်းသည် ယမန်နှစ်က ယူရို ၁၃၇ ဒသမ ၇ သန်းသုံးစွဲခဲ့သည်ကို တွေ့ရသည်။ ယင်းပမာဏမှာ အခြားသော ချန်ပီယံဖြစ်ဖူးသည့် အသင်းများအနက် အများဆုံးဖြစ်သည်။

 ချယ်လ်ဆီးအသင်းအနေဖြင့် ငွေသုံးသလောက် ငွေပြန်ရှာဖွေမှုတွင်လည်း ထူးချွန်ပြီး ဈေးမြင့်သည့်ကစားသမားများကို ဈေးကွက်အတွင် မည်သို့ပြန်လည်ရောင်းချရမည်ဟု သိရှိကြောင်း statscreamer.com ဝက်ဘ်ဆိုက်က ဖော်ပြခဲ့သည်။

ပရီးမီးယားလိဂ်ချန်ပီယံများ၏ အပြောင်းအရွှေ့ဈေးကွက်အတွင်း အသားတင်ငွေကြေးသုံးစွဲမှုအခြေပြဇယား

(အသားတင်ငွေကြေးသုံးစွဲမှုအများဆုံးအသင်းများကို ထိပ်ဆုံးမှအစဉ်လိုက်စီထားပါသည်။)

ဘောလုံးရာသီ      ချန်ပီယံ              ထွက်ငွေ(ယူရို)     ဝင်ငွေ(ယူရို)        အသားတင်သုံးစွဲမှု(ယူရို)
၂၀၁၃-၁၄           မန်စီးတီး             ၁၁၆.၀               ၁၁.၇                 ၁၀၄.၃
၂၀၁၁-၁၂           မန်စီးတီး             ၉၆.၁                 ၂၉.၇                 ၆၆.၄
၂၀၁၂-၁၃           မန်ယူ                 ၇၆.၅                 ၁၅.၁                 ၆၁.၄
၂၀၀၇-၀၈           မန်ယူ                 ၁၀၃.၅               ၄၃.၉                 ၅၉.၆
၂၀၀၅-၀၆           ချယ်လ်ဆီး          ၉၁.၇                 ၃၄.၀                 ၅၇.၇
၂၀၀၈-၀၉           မန်ယူ                 ၄၅.၃                 ၇.၅                   ၃၇.၈
၂၀၀၉-၁၀           ချယ်လ်ဆီး          ၃၀.၀                 ၃.၉                   ၂၆.၁
၂၀၁၀-၁၁           မန်ယူ                 ၂၉.၃                 ၁၈.၄                 ၁၀.၉
၂၀၀၆-၀၇           မန်ယူ                 ၂၇.၂                 ၂၃.၀                 ၄.၂
၂၀၁၄-၁၅           ချယ်လ်ဆီး          ၁၃၇.၇               ၁၄၆.၂               -၈.၅

- See more at: http://mizzimaburmese.com/article/2650#sthash.26cezh2I.dpuf

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.