အစိုးရဖွဲ့မယ်ဆိုရင် ပြင်ပ ပညာ ရှင်တွေကို အသုံးပြုမည်လို့ ပြော

 ရန်ကုန်တိုင်း လှည်းကူးမြို့နယ် ဖောင်ကြီးမှာ အောက်တိုဘာလ ၁၁ ရက်နေ့က ကျင်းပတဲ့ ရွေးကောက်ပွဲအောင်နိုင်ရေး ဟောပြောပွဲ မှာ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကို တွေ့ရစဉ်။ Photo: Kyaw Zaw Win/ RFA

ရွေးကောက်ပွဲအပြီး အမျိုးသားဒီမိုကရေစီအဖွဲ့ချုပ်က အစိုးရဖွဲ့နိုင်ခဲ့ရင် နိုင်ငံကိုအကျိုးပြုနိုင်တဲ့ ပြင်ပပညာရှင်တွေနဲ့ ဖွဲ့စည်းသွားမယ်လို့ ဒေါ်အောင်ဆန်းစုကြည် က ပြောပါတယ်။

ရန်ကုန်တိုင်း လှည်းကူးမြို့နယ် ဖောင်ကြီးမှာ ဒီကနေ့ ကျင်းပတဲ့ ရွေးကောက်ပွဲအောင်နိုင်ရေး ဟောပြောပွဲ မှာ ဒေါ်အောင်ဆန်းစုကြည်က အန်အယ်လ်ဒီက အပြတ်အသတ်အနိုင်ရပြီး အစိုးရဖွဲ့စည်းတဲ့အခါ ပါတီဝင်မဟုတ် တဲ့ ပညာရှင်တွေကိုလည်း ဦးစားပေးအနေနဲ့ ခန့်အပ်ဖွဲ့စည်းမယ်လို့ ပြောလိုက်တာဖြစ်ပါတယ်။

"ကျမတို့အစိုးရဖွဲ့တဲ့အခါမှာ နိုင်ငံကိုအကျိုးပြုနိုင်တဲ့ပုဂ္ဂိုလ်တွေကို ပါဝင် ပတ်သက်ဖို့ ကျမတို့ဖိတ်ခေါ်မှာပါ၊ ကြိုဆိုမှာပါ၊ ကျမအခုတည်းက ပွင့်ပွင့်လင်းလင်းပြော ထားမယ်၊ ကျမတို့ရဲ့ကိုယ်စားလှယ်တစ်ယောက်နဲ့ အခြားပြင်ပ ပညာရှင်တစ်ယောက်ဒီနှစ်ယောက်တည်းက ပြင်ပပညာရှင်က နိုင်ငံကိုပိုအကျိုးပြုနိုင်တယ်ဆို ကျမတို့က ပြင်ပ ပညာရှင်ကိုပဲသုံးမှာပါ၊ ကိုယ့်လူကိုအားပေးတဲ့အနေနဲ့ ကိုယ့်လူကိုဆုပေးတဲ့အလုပ်မျိုး ကျမတို့ ဘယ်တော့မှ လုပ်မှာမဟုတ်ပါဘူး"

ဒါ့အပြင် ဝန်ထမ်းတွေ လာဒ်ပေးလာဒ်ယူမှုတွေ ရှိနေတာဟာ လစာ မလောက်ငတဲ့အတွက် ဖြစ်ကြောင်းနဲ့ ဒါဟာဝန်ထမ်းတွေကြောင့်မဟုတ်ပဲ စနစ်မကောင်းလို့ သာဖြစ်ကြောင်းလည်း ပြောပါတယ်။

တချို့လူပုဂ္ဂိုလ်တွေက လမ်းဖေါက်ပေးတယ် တံတားဆောက်ပေးတယ် ပြောပြီး မဲဆွယ်စည်းရုံးနေတာတွေ ရှိနေကြောင်း တကယ်တော့ အဲဒီလမ်းဖေါက်၊ တံတားဆောက်တာတွေဟာ ပြည်သူ့ဘဏ္ဍာငွေနဲ့ ဆောက်လုပ် ထားတာဖြစ်ကြောင်းလည်း ပြောပါတယ်။

ဒေါ်အောင်ဆန်းစုကြည်ဟာ ဒီကနေ့ လှည်းကူးမြို့နယ် ဖောင်ကြီး ဟောပြောပွဲအပြီးမှာ ရဲမွန်ရွာနဲ့ ရဲမွန်တပ်မြို့မှာ လည်း ဟောပြောခဲ့ပါတယ်။

RFA Burmese
http://www.rfa.org/burmese

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.