သာယာဝတီအကျဉ်းထောင်တွင် ဖမ်းဆီးထိန်းသိမ်းခံထားရပြီး အမှုရင်ဆိုင်နေသည့် ဒီမိုကရေးစီပညာရေး လှုပ်ရှားမှု ပင်မ သ ပိတ်စစ်ကျောင်းမှ ကျောင်းသားများ နှင့်ဝန်းရံပြည်သူများ အပါအ၀င် နိုင်ငံရေးအကျဉ်းသားများအားလုံး ချွင်းချက်မရှိ ပြန်လည် လွတ်မြောက်ရေးအတွက် ဗကသကျောင်းသားခေါင်းဆောင် ကိုအောင်မှိုင်းဆန်းက ယနေ့ (အောက်တိုဘာ ၂၃ ရက်နေ့ ) မှ စတင်ကာ ထောင်တွင်း အစာငတ်ခံဆန္ဒပြနေပြီဖြစ်ကြောင်း ဗမာနိုင်လုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသ) မှ ကိုအောင်နေပိုင် က NewsWatch သို့ ပြောသည်။
“ဒီနေ့ အစာငတ်ခံ ဆန္ဒပြတာ စတင်ပါပြီ။ သူအနေနဲ့က နိုင်ငံရေး အကျဉ်းသားတွေ မလွှတ်မြောက်မချင်း ဆက်ပြီး လှုပ်ရှားသွားမဲ့ သဘောရှိပါတယ်။ ကျွန်တော်တို့အနေနဲ့ကတော့ သူ့ရဲ့ ကျန်းမာရေး စိုးရိမ်တယ်ပေါ့။ အန္တရာယ်တခုခုဖြစ်သွားမှာကိုလည်း စိုးရိမ်တယ်။ကျွန်တော်တို့အနေနဲ့ကတော့ ကိုအောင်မှိုင်းဆန်းကို ၀န်းရံသွားဖို့ ရှိပါတယ်။” ဟု ၄င်းကပြောသည်။
ထို့ပြင် ကိုအောင်မှိုင်းဆန်း၏ နိုင်ငံရေးအကျဉ်းသားများ လွတ်မြောက်ရေး သာယာဝတီထောင်တွင်း အစာငတ်ခံတိုက်ပွဲအား နိုင်ငံရေးတက်ကြွလှုပ်ရှားသူ ကိုနိုင်နိုင်အောင်က ပဲခူးမြို့ မှ သာယာဝတီတို့ တကိုယ်တော်လမ်းလျှောက်ချီတက်ကာ ၀န်းရံနေကြောင်း သိရသော်လည်း ပဲခူးခရိုင်ဗကသအဖွဲ့ချုပ်နှင့် ကိုနိုင်နိုင်အောင်တို့ထံမှ သီးခြားအတည်ပြုချက်မရခဲ့ပေ။
“ကိုအောင်မှိုင်းဆန်းအနေနဲ့ အောက်တိုဘာ ၁၅ ရက်နေ့မှာ လွှတ်မြောက်ဖို့ လှုပ်ရှားမှု ပထမဆုံး စလုပ်ခဲ့တယ်။ အစိုးရဘက် ကနေပြီးတော့ ကျောင်းသားတွေနဲ့ နိုင်ငံရေး အကျဉ်းသားတွေ ပြန်လွှတ်မြောက်ခြင်းမရှိတဲ့ အတွက် သူရဲ့ မူလ ဆုံးဖြတ်ချက် အ တိုင်း အစာငတ်ခံဆန္ဒဖော်ထုတ်ဖို့ ဖြစ်တယ်။ ကျွန်တော်တို့ အနေနဲ့ကတော့ သူ့ရဲ့ ဆုံးဖြတ်ကို တန်ဖိုးထားတယ်။ဒါကြောင့် ကိုအောင်မှိုင်းဆန်းကို ဆက်ပြီးတော့ ဗကသ အဖွဲ့ချုပ်အနေနဲ့ ၀န်းရံသွားမယ်ပေါ့။” ဟု ကိုအောင်နေပိုင်ကပြောသည်။
လက်ပံတန်းကျောင်းသားသ ပိတ်စစ်ကြောင်းကို ပြီးခဲ့သည့် မတ်လ ၁၀ ရက်နေ့က လက်ပံတန်းမြိုနယ် ရဲတပ်ဖွဲ့က အကြမ်းဖက် ဖြိုခွင်းခဲ့ပြီး ကျောင်းသားနှင့် ၀န်းရံပြည်သူ စုစုပေါင်း (၇၀) ၀န်းကျင်ကို နိုင်ငံတော် အကြည်ညိုပျက်စေမှု၊ တရားမ၀င် စီတန်းလှည့်လည်မှု၊ ဥပဒေမဲ့ အစုအဖွဲ့တွင်ပါဝင်မှု စသည့်ပုဒ်မ ၅ ခုဖြင့် တရားစွဲဆိုခံခဲ့ရခြင်းဖြစ်ပြီး လက်ရှိ အချိန်တွင် သာယာဝတီအကျဉ်းထောင်၌ ဖမ်းဆီးထိန်သိမ်းခံထားရသည့် ကျောင်းသားနှင့် ၀န်းရံပြည်သူ ၅၄ တရားရင်ဆိုင်နေသည်။
နိုင်ငံရေးအကျဉ်းသားဟောင်းများအဖွဲ့စာရင်းများအရ မြန်မာနိုင်ငံအကျဉ်းထောင်အသီးသီးတွင် နိုင်ငံရေးအကျဉ်းသား ( ၁၁၂ ) ဦး ၊ တရားရင်ဆိုင်နေရသူ (၄၆၀ )ကျော် ရှိနေသည်ဟု သိရသည်။
အပစ်ရပ်စဲရေးစာချုပ် (NCA ) စာချုပ် မရေးထိုးမီအချိန် နှင့် နိုဝင်ဘာ ၈ ရက်နေ့ ၂၀၁၅ အထွေထွေ ရွေးကောက်ပွဲမတိုင်ခင် နိုင်ငံရေးအကျဉ်းသားများအားလုံး ချွင်းချက်မရှိလွှတ်ပေးရန် နိုင်ငံရေးအကျဉ်းသားဟောင်းများအဖွဲ့နှင့် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP ) တို့ပေါင်းပြီး စက်တင်ဘာ ၂၈ ရက်နေ့က ပူးတွဲ ကြေညာချက်ထုတ်ပြန်ထားကြောင်းသိရသည်။
လင်းလင်းအောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal
0 comments:
Post a Comment