"ကျွန်မတို့ ရွေးကောက်ပွဲ ၀င်တယ်ဆိုတာဟာ အစိုးရ လုပ်ချင်လို့ ၀င်တာပဲ၊ ဒီနိုင်ငံကို စနစ်ပြောင်းမှ တိုးတက်မယ်၊ စနစ်ပြောင်းဖို့ ဆိုတာဟာ အစိုးရပြောင်းဖို့ လိုတယ်၊ အစိုးရ မပြောင်းပဲနဲ့တော့ စနစ်ပြောင်းမှာ မဟုတ်ဘူး၊ အစိုးရပြောင်းဖို့ ဆိုတာဟာ ကျွန်မတို့ အဖွဲ့ချုပ် ရွေးကောက်ပွဲမှာ ပြတ်ပြတ် သားသား နိုင်ဖို့လိုပါတယ်.."ဟု အောက်တိုဘာလ(၂၁)ရက် နေ့လည်ပိုင်းက တာချီလိတ်မြို့၌ ပြုလုပ်သည့် လူထုတွေ့ဆုံပွဲတွင် ဒေါ်အောင်ဆန်းစုကြည်မှ ပြောကြားသည်။
ပါတီစည်းရုံးရေးနှင့် ပတ်သက်၍"ကျွန်တော် တစ်ယောက်တည်း လုပ်ပေးပါ့မယ်၊ ကျုပ်တို့ အဖွဲ့တစ်ခုတည်း လုပ်ပေးပါ့မယ်ဆို ဘယ်တော့မှ မယုံနဲ့ အဲ့ဒါဖြစ်နိုင်တာလည်း မဟုတ်ဘူး၊ စည်းရုံးပုံ စည်းရုံးနည်းကို ကြည့်ပြီးတော့ ဘယ်ပါတီကို ထောက်ခံသင့်တယ် ဆိုတာကို ပြည်သူတွေ ဆုံးဖြတ်ကြပါ"ဟု ဆက်လက် ပြောကြားသည်။
"၂၀၁၅ ရွေးကောက်ပွဲနဲ့ ပတ်သက်လို့ လှည့်ပတ်သွားပြီး စည်းရုံးရေး လုပ်တဲ့အခါမှာ တစ်ချို့ပုဂ္ဂိုလ်တွေ ပါတီတွေက မသမာတဲ့ နည်းတွေနဲ့ ဥပဒေကို ချိုးဖောက်ပြီးတော့ အောက်တန်းကျကျ စည်းရုံးရေးတွေ လုပ်နေတယ် ဆိုတာကို ကျွန်မတို့ ကြားရပါတယ်၊ ဒီကိစ္စနဲ့ ပတ်သက်လို့ ကော်မရှင်ကို တင်ပြထား တာတွေရှိတယ်၊ အခုထက်ထိတော့ ကော်မရှင်က ထိထိရောက်ရောက် အရေးယူတာတွေ မတွေ့သေးဘူး.."ဟု ထုတ်ဖော် ပြောဆိုသွားသည်။
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ရန်ကုန်မြို့မှ တဆင့် အောက်တိုဘာလ (၂၁)ရက်နေ့က တာချီလိတ်မြို့သို့ ရောက်ရှိလာတာဖြစ်ပြီး၊ အောက်တိုဘာလ(၂၂)ရက်နေ့တွင် မိုင်းဖြတ် နှင့် ကျိုင်းတုံတို့တွင်လည်း ရွေးကောက်ပွဲ အောင်နိုင်ရေးအတွက် လူထုဟောပြောပွဲ ပြုလုပ်ရန် အစီအစဉ်ရှိကြောင်း သိရှိရသည်။
Tachileik News Agency
http://www.tachileik.net
0 comments:
Post a Comment