မော်လမြိုင်တွင် ၁၀ တန်း ကျောင်းသားတစ်ဦး ကြိုးဆွဲချ သေဆုံး

(ဓါတ်ပုံ အညွှန်း – ပါရမီကိုယ်ပိုင်အထက်ကျောင်းတွင် ကျောင်းသားတစ်ဦး ကြိုးဆွဲချသေဆုံးမှုဖြစ်ပွားခဲ့သည်။)

မော်လမြိုင်၊ ဇန်နဝါရီ ၁၄

မွန်ပြည်နယ်၊ မော်လမြိုင်မြို့၊ မရမ်းကုန်းရပ်ကွက်၊ ပါရမီ ကိုယ်ပိုင်အထက်တန်းကျောင်းတွင် အသက် ၁၆ နှစ်အရွယ် ၁၀ တန်းကျောင်းသားတစ်ဦးသည် ဇန်နဝါရီ ၁၃ ရက် နံနက် ၅ နာရီခွဲက ကြိုးဆွဲချ သေဆုံးခဲ့ကြောင်း မော်လမြိုင် မြို့မရဲစခန်းမှ သိရသည်။

သေဆုံးခဲ့သည့် ကျောင်းသားလေးသည် ပါရမီအထက်တန်းကျောင်းတွင် ကျောင်းအိပ်၊ ကျောင်းစား နေထိုင်သူ တစ်ဦးဖြစ်ပြီး ၎င်းသေဆုံးနေသည်ကို ကျောင်းသန့်ရှင်းရေး အလုပ်သမား ဒေါ်ခင်မာကြည်မှ တွေ့ရှိခဲ့သည်ဟု မြို့မရဲစခန်းမှ စခန်းမှူး ဒုရဲမှူး ဦးအောင်သန်းမြင့်က ပြောသည်။

ပါရမီကျောင်းဝင်းအတွင်း ကျောင်းသားများနေထိုင်ရာ အဆောင်၏ အတက်အဆင်း လှေကားထုပ်တန်းပေါ်တွင် အလျား ရှစ်ပေခန့် ရှိသော စောင်ဖြင့် ကြိုးဆွဲချသေဆုံးနေသည်ဟု ယင်းရဲစခန်းမှတ်တမ်းအရ သိရသည်။

ထို့ပြင် သေဆုံးသူ ကျောင်းသားလေး၏ ဘယ်၊ ညာ လက်ကောက်ဝတ်နှင့် လည်ပင်းတို့တွင် ဘရိတ်ဓားဖြင့် လှီးဖြတ် ထားသည်ကို တွေ့ရှိခဲ့ရပြီး ၎င်းအိပ်ရာပေါ်တွင် လှီးဖြတ်ထားသည်ဟု ယူဆရသော သွေးစွန်းနေသည့် ဘရိတ်ဓား တစ်ချောင်းနှင့် သွေးများပေနေသည့် စောင်အား တွေ့ရှိခဲ့ကြောင်း ဒုရဲမှူး ဦးအောင်သန်းမြင့်က ပြောသည်။

ကျောင်းသားလေး၏ အလောင်းကို မော်လမြိုင် ပြည်သူ့ဆေရုံကြီးသို့ ပို့ဆောင်ထားပြီး၊ ထိုသေဆုံးမှုသည် ဓမ္မတာအတိုင်း သေဆုံးခြင်းဟုတ်မဟုတ် စစ်ဆေးနိုင်ရန် သေမှုသေခင်း အမှတ်စဉ် (၂/ ၂၀၁၆) ဖြင့် အမှုဖွင့် စစ်ဆေးလျက်ရှိကြောင်း သိရသည်။

Written by – ဇော်ထိုက်
Hinthar Media Corporation
http://www.hintharmedia.com

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.