သုံးစွဲသူအများစု မျက်နှာအသားအရေ ပျက်စီးခဲ့သည့် FYM အလှကုန်ပစ္စည်း သုံးစွဲရန်မသင့်ကြောင်း FDA ကြေညာ

မျက်နှာအသားအရေလှပစေရန် အသုံးပြုရသည့် Forever Young Myanmar (FYM) အလှကုန်ပစ္စည်းနှစ်မျိုးအား အစားအသောက်နှင့် ဆေးဝါးကွပ်ကဲရေးဦးစီးဌာန FDA မှ သုံးစွဲရန် မသင့်ကြောင်း ဖေဖော်ဝါရီ ၁၀ ရက် ညနေ ပိုင်းက FDA ၏ တရားဝင် Facebook စာမျက်နှာ၌ ထုတ်ပြန်ခဲ့သည်။

အဆိုပါ အလှကုန်ပစ္စည်းများနှင့် ပတ်သက်၍ ၂၀၁၅ နှစ်ကုန်ပိုင်းမှစတင်၍ သုံးစွဲသူ အများစု၏ မျက်နှာအသားအရေပျက်စီးနေကြောင်း လူမှုကွန်ရက်စာမျက်နှာများတွင် ဝေဖန်မှုများမြင့်တက်လာခဲ့သည်။ ယင်းကဲ့သို့ ဝေဖန်မှုများရှိနေခြင်းအပေါ် FYM မှ စနစ်တကျရှင်းလင်းဖြေကြားမှုမရှိဘဲ ရန်စကားများဖြင့် တုံ့ပြန်ခံရကြောင်း အသုံးပြုသူ အများစုက ဝေဖန်နေကြသည်။ FYM မှ ပြေလည်သည့် ဖြေရှင်းချက်ဖြင့် ဖြေရှင်းမပေးဘဲ အွန်လိုင်းပေါ်တွင် ဝေဖန်သူများအား တရားစွဲဆိုသွားမည်ဟု FYM မှ သတင်းစာတွင် ထည့် သွင်းကြေညာခဲ့သည်။

လက်ရှိ FDA မှ အသုံးပြုရန် မသင့်ကြောင်း ကြေညာချက်ထုတ်ပြန်သည့် အပေါ်တွင်လည်း ရုံးတံဆိပ်တုံးမပါကြောင်း FYM မှ ပြန်လည်တုံ့ပြန်ခဲ့ပြီး ထိုင်းနိုင်ငံ FDA ပင် ခွင့်ပြုထားပြီး မြန်မာနိုင်ငံ FDA အပေါ်လည်း ဝေဖန်နေခဲ့သည်။

ယင်းကဲ့သို့ FDA မှ ထုတ်ပြန်အပြီး FYM မှ ပေးထားသည့် လက်ကိုင်ဖုန်း ၀၉-၂၅၄၀၅၃၁၂၄ သို့ ဆက်သွယ်မေးမြန်းရာ FYM မှ ပစ္စည်းများအား ရောင်းချမှုမရှိတော့ကြောင်း ဖုန်းလက်ခံဖြေကြားသူသည် ဧည့်သည်တဦးသာဖြစ်ကြောင်းနှင့် မီဒီယာသည် ရဲကဲ့သို့ စစ်မေး၍ရခြင်း ရှိ၊ မရှိ ပြန်လည်ဖြေကြားခဲ့ပြီး တာဝန်ရှိသူဆို သူနှင့်လည်း တွေ့ဆုံခွင့်မပေးခဲ့ပေ။

News Watch ဂျာနယ်မှ အဆိုပါ သတင်းနှင့်ပတ်သက်၍ FYM ထံမှ တိကျသည့်အဖြေအား တောင်း ခံခဲ့သော်လည်း ငြင်းဆန်ခဲ့၍ သတင်းစာမှ တရားစွဲမည်ဟို ထည့်သွင်းကြေညာထားသည့် ၎င်းတို့၏ ရှေ့နေ ဒေါ်အမိလထံ ဆက်သွယ်မေးမြန်း ရာ ''အန်တီတို့က ရှေ့နေလုပ်ငန်း သဘောအရ ကြေညာခိုင်းတဲ့ဟာကို ကြေညာချက်ထုတ်ပေးတာပါ။ သူတို့က စီးပွားရေးလုပ်ငန်းက အများကြီးရှိတယ်။ သူတို့က Facebook ပေါ် ကနေ ခြိမ်းခြောက်တာ၊ ဆဲတာဆိုတာတွေ မလုပ်ဖို့ အန်တီတို့ကို လုပ်ခိုင်းတာကျန်တဲ့ အပိုင်းတွေကတော့ အန်တီတို့နဲ့တော့ မဆိုင်ဘူး။ ကျန်တာ သူတို့အပိုင်းဖြစ်သွားပြီ၊ FDA ကထုတ်ပြန် ပြီးတဲ့အချိန် အန်တီတို့ဆီကိုလည်း တစုံတရာ ညွှန်ကြားလာတာ မရှိပါဘူး''ဟု ဖြေကြားခဲ့သည်။

အဆိုပါ FYM ဆေးများအား အွန်လိုင်းမှတဆင့် ကြော်ငြာရောင်းခြင်းဖြစ်ပြီး လက်ရှိ သုံးစွဲခဲ့သူ အများစု၏ မျက်နှာအရေပြားများ၌ နီရဲနေသည့် အဖုအပိန့် အနာအဆာများထွက်နေသည်ဟု သိရသည်။

ကိုခက်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.