ဒီကိစ္စနဲ့ ပတ်သက်လို့  ဗကသများအဖွဲ့ချုပ် ဥက္ကဌ ကိုကျော်ကိုကိုက RFA ကို အခုလိုပြောပါတယ်။
"နည်းလမ်းပေါင်းစုံကို အသုံးပြုပြီးတော့ ကျနော်တို့ ဝန်းရံသွားဖို့ရှိတယ်ခင်ဗျ၊ အဓိကရည်ရွယ်ချက်က မဖြူနှင်းထွေး လွတ်မြောက်ရေးဖြစ်တယ်၊ လက်ရှိဥပဒေပုဒ်မတွေနဲ့ တရားစွဲဆိုထောင်ချတာကို ကျနော်တို့ လက်မခံဘူး၊ ကန့်ကွက်ရှုတ်ချတယ်၊ ဒါကြောင့် ဒီဥပဒေပုဒ်မတွေနဲ့ တရားစွဲဆို ထောင်ချတာမျိုးမဖြစ်ရအောင် ဒီဥပဒေပုဒ်မတွေ ပြုတ်သွားရေးရယ်၊ မဖြူနှင်းထွေး လွတ်သွားရေးရယ် ကျနော်တို့ ကြိုးစားဆောင်ရွက်မှာပါ"
မဖြူနှင်းထွေးကို ယင်းမာပင်ခရိုင်တရားရုံးမှာ မနေ့ကရုံးထုတ်ရမန်ယူပြီး လာမယ့် ၂၃ ရက်နေ့ ကို ရုံးချိန်ပေးလိုက်ပြီးတဲ့နောက်၊ မုံရွာထောင်ကို ပို့လိုက်တယ်လို့  ဗကသများအဖွဲ့ချုပ် ဗဟိုလုပ်ငန်းကော်မတီ ဒုဥက္ကဌ ကိုမိုးထက်နေက ပြောပါတယ်။
လက်ပံတောင်းတောင်ဒေသခံတွေကလည်း မဖြူနှင်းထွေးကိုလွှတ်ပေးဖို့ မနေ့က ဆန္ဒပြတောင်းဆိုခဲ့ကြပါတယ်။
လက်ပံတောင်းအရေးကူညီသူ ကိုအောင်စိုးကို သက်ဆိုင်ရာက ဖမ်းလိုက်တဲ့အတွက် လက်ပံတောင်းတောင်ဒေသက ပြည်သူတွေကလည်း ပြီးခဲ့တဲ့မေလ ၁၈ ရက်နေ့မှာ တရုတ်ဝမ်ပေါင်ကုမ္ပဏီက ဝန်ထမ်းနှစ်ဦးကို ခေတ္တထိန်းသိမ်းလိုက်ပါတယ်။ အဲဒီချိန်မှာ မဖြူနှင်းထွေးက အဲဒီဒေသမှာရှိနေတဲ့အတွက် ရွာသား ၆ ယောက်နဲ့အတူ အမှုဖွင့်တရားစွဲခံရတာဖြစ်ပါတယ်။
အဲဒီနောက် တရားရုံးချိန်းသွားခဲ့တဲ့ ရွာသား ၅ ယောက်ကို နှစ်နိုင်ငံချစ်ကြည်ရေးအတွက်ဆိုပြီး အမှုကနေပလပ်ပေးလိုက်ပေမဲ့ တရားရုံးမသွားခဲ့တဲ့ မဖြူနှင်းထွေးနဲ့ နောက်တစ်ဦးကို ဝရမ်းပြေးအဖြစ် ကြေညာခဲ့ပါတယ်။
RFA Burmese
https://www.facebook.com/pages/RFA-Burmese/39218993127?ref=br_tf
0 comments:
Post a Comment