တရားမ၀င် ငါးမိုင်းခွဲလှေ တစ်စီးအား ရေတပ်မှ ဖမ်းဆီးရမိ

တနင်္သာရီရေတပ်စခန်း ဌာနချုပ်မှ ဗိုလ်ကြီးဥာဏ်ထက် ဦးစီးသော ကမ်းခြေစောင့် တိုက်ရေယာဉ် (၄၂၄)သည် ကော့သောင်း ခရိုင် ဘုတ်ပြင်းမြို့နယ် လန်းပိကျွန်း အနီးရှိ ရေပြင်တွင် ကင်းလှည့် လုံခြုံရေး ဆောင်ရွက်နေစဉ် ၂၀၁၅ ခုနှစ် ဧပြီလ ၁၉ ရက်နေ့ ည (၉)နာရီကျော် အချိန်ခန့်၌ မသင်္ကာဖွယ်ရာ စက်လှေ တစ်စီးအား တွေ့ရှိသဖြင့် အနီးသို့ ချဉ်းကပ်ပြီး မီးအချက်ပြ ခေါ်ယူရာတွင် လာရောက်ခြင်း မရှိပဲ မောင်းနှင် ထွက်ပြေးသဖြင့် လိုက်လံဖမ်းဆီးခဲ့ရာ ၄င်းစက်လှေအား လင်းရှုးကျွန်း အနောက်တောင်ဘက် (၁.၇) မိုင်ခန့် အကွာ၌ အမည်မရှိ အလျား (၅၉ ပေ ၊ အနံ ၉ ပေ ၇ လက်မ ၊ ရေစူး ၃ ပေ ၉ လက်မခန့်) သစ်သား ကိုယ်ထည် လှေနှင့် တရုတ်နီ အင်ဂျင် မြင်းကောင်ရေ HP – 25 (၂)လုံး ၊ တရုတ်နီ အင်ဂျင် မြင်းကောင်ရေ HP- 8/10 (၁)လုံး၊ စုစုပေါင်း ဘေးချိတ် စက်သုံးလုံးပါ လှေတစ်စီးအား မြန်မာတရားခံ (ကျား) ၄ ဦးနှင့် အတူ ဖမ်းဆီး ရမိခဲ့ကြောင်း သိရသည်။

ငါးမိုင်းခွဲလှေ ဖမ်းဆီးရမိမှုတွင် ယမ်းဖောက်ခွဲရာတွင် အသုံးပြုမည့် ပုလဲဓာတ်မြေသြဇာ (၂၀) ကီလိုဂရမ်ဝင် ၁၀ အိတ်၊ ယမ်းပြင်း (အလျား ၈ လက်မ၊ လုံးပတ် ၄ လက်မ) ၂၀ တောင့်၊ ရေခဲ (၁၀၀၀) ပေါင်၊ ငါးမိုင်းခွဲရာတွင် အသုံးပြုသည့် ၀ါယာကြိုး (၁၀)စည်းနှင့် အတူ ဖမ်းဆီး ရမိခြင်း ဖြစ်ကြောင်း သိရသည်။
ဖမ်းမိလှေပေါ်ပါ လှေပိုင်ရှင် ဦးကျော်မိုးအောင်၏ ထွက်ဆိုချက်များအရ ၄င်းမှာ ငါးမိုင်းခွဲခြင်း လုပ်ငန်းကို ၂၀၁၃ ခုနှစ်တွင် စတင် လုပ်ကိုင်ခဲ့ကြောင်း၊ ၂၀၁၃ ခုနှစ် ဇူလိုင်လအတွင်း တပ်မတော် (ရေ) စစ်ရေယာဉ်နှင့် တွေ့ဆုံ ဖမ်းဆီးခြင်း ခံခဲ့ရပြီး ငါးလုပ်ငန်း ဥပဒေအရ ထောင်ဒဏ် (၂)နှစ် ကျခံခဲ့ရကြောင်း၊ ၂၀၁၄ခုနှစ် အောက်တိုဘာလတွင် ပြစ်ဒဏ်မှ လွတ်မြောက် လာခဲ့ပြီး ငါးမိုင်းခွဲခြင်း ဆက်လက် အား စက်လှေ (၂)စီးနှင့် ဆက်လက် လုပ်ကိုင်စဉ် ပထမ အစီးမှာ ၂၀၁၅ ခုနှစ် မတ်လ အတွင်း စစ်ရေယာဉ် (၄၂၅)နှင့် တွေ့ဆုံ ဖမ်းဆီးခြင်း ခံရပြီး ၄င်းတို့မှာ ထွက်ပြေးလွတ်မြောက် ခဲ့ကြောင်း၊ ယခု ဖမ်းမိသော စက်လှေမှာ လန်းပိကျွန်းအနီးရှိ မကြုံဂလက် ကျေး၇ွာမှ ဧပြီလ ၁၁ ရက်နေ့တွင် ထွက်ခွာလာခဲ့ပြီး ဂျာတိုက် ကျွန်းအနီး၌ ငါးမိုင်းခွဲခြင်း လုပ်ငန်းများ ဆောင်ရွက်ခဲ့ကာ ဖမ်းဆီးရမိသော ငါးများအား ဧပြီလ ၁၅ ရက်နေ့၌ ထိုင်းနိုင်ငံ ရနောင်းမြို့ ပါခေါင် ရပ်ကွက်ရှိ ထိုင်းလူမျိုး ကိုစိ ပိုင်ဆိုင်သော ၉၃၉ ဂိုဒေါင်သို့ သွားရောက် ရောင်းချခဲ့ကာ ၄င်းဂိုဒေါင်မှ ငါးမိုင်း ခွဲရာတွင် အသုံးပြုသည့် ဓာတ်မြေသြဇာနှင့် ယမ်းပြင်းများ၊ ၀ါယာကြိုးများ ၊ ဒီတိုနေတာများ ပြန်လည် ၀ယ်ယူခဲ့ကြောင်း၊ ဧပြီလ ၁၉ ရက် ရက်နေ့တွင် ရနောင်းမြို့မှ မကြုံဂလက် ကျေးရွာသို့ ပြန်လာစဉ် ရေတပ် စစ်ရေယာဉ် (၄၂၄)နှင့် တွေ့ဆုံ အဖမ်းခံရခြင်း ဖြစ်ကြောင်း သိရှိရသည်။

အဆိုပါ ဖမ်းဆီးရမိ ငါးမိုင်းခွဲလှေနှင့် တရားခံ လှေသားများ ၊ မိုင်းခွဲရာတွင် အသုံးပြုသော ယမ်းနှင့် ဆက်စပ် ပစ္စည်းများအား မြိတ်မြို့နယ် ငါးလုပ်ငန်း ဦးစီးဌာနမှ သို့ လွဲပြောင်းထားပြီး မြိတ်မြို့ မြို့မ ရဲစခန်းတွင် (ပ) ၁၆၆/၂၀၁၅၊ မြန်မာ့ပင်လယ်ပြင် ငါးလုပ်ငန်း ဥပဒေ ပုဒ်မ ၄၄/ ၄၇ ဖြင့် အမှုဖွင့် အရေးယူ ဆောင်ရွက်ထားကြောင်း သတင်းရရှိသည်။

မြိတ်ပုလဲမြေ http://myeiknews.blogspot.com
https://www.facebook.com/myeiknews

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.